حكاية ام

ياحبيبتى ثم تضع يدها على جبهتها ايه ده انتى سخنه ياتمارا

فتشاور لزوجها لكى يخرج من الماء

يخرج زوجها سريعا من الماء ايوة ياحبيبتى خير فى ايه مالك

الزوجه مش عارفه حسه ان تمارا سخنه

يضع الزوج يده على جبهة الصغيره ايوة فعلا البنت سخنه باللا بينا بسرعه على المستشفى بسرعه نشوفها

الزوجه ياللا بينا

فى داخل احد المستشفيات

الدكتورة حياة شيماء عندك حالات تانيه

شيماء الممرضه ايوة فى حاله كمان وخلاص

حياة وهى ترجع ظهرها للخلف طب دخليها بسرعه انا تعبت وعاوزة اروح

تدخل امراة وزوجها ومعهم طفله جميله

الزوج السلام عليكم يادكتورة

حياة وعليكم السلام ورحمة الله اتفضلوا

حياة خير ان شاء الله القمر ده ماله

تنظر لها الزوجه وكانها تعرفها انا حسه انى عارفاكى وشك مش غريب علية مش انتى حياة بنت طنط عفاف

تقوم حياة من مكانها انتى انتى لينا بنت كامل بيه صح

لينا ايوة انا لينا يحتضنان بعضهما البعض ويقبلان بعضهما

لينا ازيك ياحياة وحشتينى اوى كنتى فين ورحتى فين ومامتك ياحبيبتى لقيتوها

حياة الحمد لله والله ياحبيبتي انا بخير وماما كمان بخير الحمد لله ربنا جمع شملنا تانى

لينا حياة اعرفك بمحمد جوزي

محمد اعرفك دى حياة صاحبتى ياما لعبنا مع بعض واحنا صغيرين

محمد اهلا وسهلا يادكتورة

حياة اهلا بحضرتك

محمد طب ممكن بس تكشفى على البنت وتكتبيلي العلاج انزل اجيبه وانتوا تتكلموا مع بعض براحتكم وتفتكروا ذكرياتكم الجميله سوا

تقوم حياة بالكشف على الصغيرة فقد تخصصت فى طب الأطفال ثم تكتب العلاج المناسب

لحالتها

محمد طيب انا حنزل اجيب العلاج وخدوا انتوا راحتكم فى الكلام

لينا طمنيني عليكى ياحياة عامله ايه

حياة الحمد لله انا بخير اتجوزت و معايا تولين وسيلين وسليم وادهم

لينا وهي تنظر للصورة الموضوعه امامها والتى تجمع كل افراد اسرتها بسم الله ماشاء الله ربنا يحميهم

حياة وانتى عامله ايه وازى مامتك وباباكى واخوكى اللى كان تاعبكم ده عامل ايه

لينا والدموع تجرى على خديها احنا ادمرنا يا حياة كل حاجه حلوة عيشناها واحنا صغيرين خلاص مبقتش موجوده

كل حاجه حلوة راحت خلاص

حياة ياساتر يارب ليه يالينا خير ايه اللى حصل

لينا تبم اخويا ماټ ياحياة

حباة ايه مش معقوله ليه كان تعبان

لينا كان مدمن وللأسف بعد ماماما صرفت عليه كل اللى حيلتها عشان تسفره برة وتعالجه حتى لدرجة انها باعت المصنع عشان تغطى مصاريف علاجه رجع تانى للادمان وبعدها ماټ لما اخد جرعه كبيرة

ماما مااستحملتش الصدمه ودخلت مستشفى الأمراض النفسيه والعصبيه وبعد ماحالتها بقت سيئه جدا ومفيش امل فى علاجها ربنا افتكرها وماټت

بابا فتح مصنع جديد لوحده بعيد عن المصنع اللى اتباع وانا نزلت اشتغلت معاه فى المصنع وجه محمد اشتغل فى المصنع حبينا بعض وارتبطنا وربنا رزقنا بتمارا

حياة لا حول ولا قوة الا بالله زعلتينى والله يالينا

لينا حنعمل ايه

قضاء ربنا وقدره

حياة طب انتوا هنا فسحه

لينا بابا كلف محمد يبجى اسكندريه يخلص شوية أوراق فلاقيناها فرصه نيجى نغير جو يومين

وانتى ياحياة جوزك دكتور زيك

حياة لاء ياحبيبتى محامى

لينا طيب كويس ربنا يهنيكى ياحبيبتى يارب انتى طول عمرك طيبه وتستاهلى كل خير

حياة انا مبسوطه اوى انى شفتك يالينا

لينا وهى تقف لتستعد لاذهاب انا اللى مبسوطه اوى والله ياحياة اننا اتقابلنا بعد السنين دى كلها ثم يسلمون على بعضهما مع الوعد باللقاء مرة ثانية

فى شقة شادى وهبه

شادي خلصتى ياهبه خلاص

هبه ايوة ياحبيبي خلاص خلصت كل حاجه

فتجد من ياتى من خلفها ماما متنسيش اللعب بتاعتى انا ومليكه

شادي حبيبي هو انت مبتفتكرش غير مليكه وبس مفيش حاجه فى دماغك غيرها

هبه هههههه كريم متعلق بمليكه اوى ياشادي

شادى تفتكرى ممكن يبقوا لبعض فى يوم من الأيام

كريم ياريت ياشادى ده يبقى يوم المنى لما ابنى يتجوز بنت اخويا

شادي هبه اخوكى كريم بيزمر تحت بالعربيه حنتاخر عليهم

ينزل شادي وهبه واولادهم كريم وتاليه الذين رزقهم الله بهم ليسافروا هم واخوها كريم وزوجته داليا وبناتهم مليكه وريتال الى مطروح لقضاء العطله الصيفيه

شادى فى ايه ياكريم الشارع كله صحى يافقري

كريم طب ياللا ياباشا اركبوا بقى

يركب الجميع وتنطلق السيارة بهم وهم فى قمة السعاده

فقد جمع بينهم القدر ليعيشوا حياتهم ويعوضوا كل مافاتهم وينسوا احزانهم

فى شقة أمجد وهدير

أمجد ألف حمد الله على سلامتكم مصر نور ت بيكم

أسعد الولاد بيكبروا ياامجد ولازم يكبروا فى وسط اهلهم على عاداتنا وتقاليدنا

أمجد خير ماعملت يااسعد

يجدون احمد يجلس بجوار بسمله ابنة أمجد وهدير ويلعب معها

هدير احمد من وقت ماجه وهو مش عاوز يسيب بسمله لحظه

أمجد واسعد هههههه ياللا خليهم يعيشوا حياتهم

بينما كانت هدير وزوجة اسعد يتحدثان كان ايضا أمجد ابن اسعد يتحدث الى باسل الصغير ابن امجد وبلاعبه

بينما كانت رقيه تجلس بجوار هدير فقد احست ناحيتها بالالفه والمحبه

أسعد داده سعاد فين ياامجد

أمجد كان نفسها اوى تطلع عمرة طلعتها وراجعه كمان يومين ان شاء الله

وانت ناوى على ايه يا أسعد

أسعد الاول عاوز اشتري فيلا عشان الولاد وبعد كده حشوف حعمل ايه

أمجد ربنا يكتبلك الخير ان شاء الله

أسعد وانتى تخصصك ايه ياهدير

هدير نسا وتوليد

أمجد بس خلاص انا نويت اقعدها انا تعبت كل شويه يتصلوا بيها فى حالة ولاده وهى اصلا ولا فاهمه حاجه

هدير بقى كده طب والله ابدا ده انا حتى بتطلب بالاسم

فيضحك الجميع واخيرا اجتمع شمل العائله

بعد مرور اكثر من عشر سنوات

يقف أمام صورتها وقد اختلط الشعر الابيض بشعره الأسود كان يتحدث إليها والدموع تجرى فى عينيه

الف مبروك يا جنى النهارده اجمل يوم فى حياتى النهارده فرح بنتك تولين ياحبيبتى خلاص حتسيبنا وتروح بيت جوزها يا جنى البيت حيبقى وحش اوى من غيرها تعرفى انها بقت نسخه منك اما بقى سيلين سبحان الله بقت شبه اختك شيرين وهى بقى ماصدقت وفرحانه اوى بيها وان كل الناس فاكرة انها اختها من الشبه اللى بينهم وتقول انا لسه صغيرةبرغم انها ماشاء الله بقت واحده تانيه خالص بس زيها زى كل ست بتفرح اوى لما حد يقولها ان سيلين اختها وكل شويه تروح معاها دار لحفظ القرآن بناتك ربنا يحفظهم يارب بقوا يشرحوا القلب ياحبيبتى ادبهم واخلاقهم الناس كلها بتحلف بيه

ثم يجد من يفتح عليه الباب حبيبي انت هنا والبيت مقلوب عليك

ثم تاخذه فى حضنها تعيش وتفتكر ياحبيبي ياللا بقى الناس كلها تحت بتسأل عنك يا حبيبي

اسر ياللا بينا ياحبيبتى

ينزل اسر وفى يديه حبيبة قلبه حياة ليستقبلوا التهانى بزواج تولين فلقد اصر اسر على ان يكون الاحتفال بزواج ابنته فى الفيلا

ثم تتركه مع اصدقائه وتصعد حياة لغرفة تولين للاطمئنان على مكياجها وشكلها

حياة بسم الله ماشاء الله تبارك الله فيما خلق

تولين ايه رايك يامامى انا حلوة

حياة زى القمر ياحبيبتى عقبالكم كلكم يابنات يارب

سيلين وهى تحضنها وانا يامامى

حياة ياروح قلب مامى من جوة انتى بقى تقعدى معايا شويه انا مش حقدر على بعادكم انتم الاتنين مرة واحده كده قلبي مش حيستحمل

سيلين سلامة قلبك ياست الحبايب

يفتحان الباب ويدخلون لرؤية اختهم الف مبروك ياتولين

تولين حبايب قلبي ربنا يخليكم لية يارب

حياة وهى تحدث علا ابنة سعيد علا حبيبتى متقفيش الله يخليكى انتى ناسيه ان الدكتور منبه عليكى الوقوف

علا انا زهقت ياابلة حياة

حياة خلاص ياحبيبتي هانت كلها شهرين ويشرفنا سعيد الصغير ان شاء الله

فى الأسفل يقف فارس مع اخيه لاستقبال المهنئين

الكل ياتى الاهل والاصدقاء والزملاء فى العمل الكل يريد ان يشاركهم فرحتهم

يقف شباب المستقبل محمد وسليم وادهم وريان وعاصم وزين وياسين ومصطفى واسر

شهد بسم الله ماشاء الله الولاد شكلهم يفرح ياحياة ربنا يحميهم يارب

حياة يارب ياشهد

بينما كانت الفتيات على الجانب الاخر يلتفون حول بعضهم ويلتقطون الصور

شهد وجورى ولماروحياة واسر وباقى بنات العائله

يصعد اسر الى غرفة ابنته لتسليمها لعريسها

سيلين بابي جه بابي جه

يتقدم اسر ناحية تولين ويقبل جبينها الف مبروك ياحبيبتى الليلادى اجمل ليلة فى حياتى كلها

تولين الله يبارك فيك يا بابي ربنا يخليك لية ياحبيبي يارب

يمسكها من يديها وينزل بها على الدرج فيقف الجميع لرؤية هذاالملاك

يسلمها اسر لزوجها

ويطلب منه ان يراعى الله فى امانته التى ائتمنه عليها

ليله من اجمل ليالي العمر اجتمع فيها شمل العائله كلها يتطلع اسر الى كل هذا الكم الهائل ويحمد الله ان غرس الحب فى قلوب كل من حوله يالها من فرحه كبيرة تملاء قلبه

تبدأ فقرات الحفل ويبدأ كل الشباب في مشاركة العروسان فرحتهم والرقص معهم

الكل صمم على الحضور لم يعتذر احد او يتحجج بالظروف وانما سعى الجميع لمشاركة هذه العائله فرحتها

ثم اتى وقت التقاط الصور مع العروسين فكل منهم ياخذ زوجته واولاده للسلام واخذ الصورة معهم

فهذا سعيد ياخذ علا واوااده علا

الحامل ويقف بجانبها زوجها الذى اختاره قلبها وبجانبهم شهد واخيهم محمد

فارس لملك فى اذنها هى علا دى مبتكبرش ابدا يخرببيت سنينها دى كل ماتكبر تحلو دى احلى من بناتها يابختك ياسعيد ياابن المحظوظه

ملك هو انت مفيش فايده فيك ابدا لسه بردو بتبصبص لها

فارس اعمل ايه بس ياملوكتى داء فية ومش عارف ابطله

ملك ولا يهمك يافروستى انا فاهماك باحبيبي وعارفه انك مچنون ياقلبي بس عيب عليك ياابو جورى ولمار

فارس طب بقولك ايه بمناسبة ذكر اسماء العيال تفتكرى تخطيطاتى وترتيباتى اللى انا عاملها ليهم حتنجح وحيحصل اللى فى دماغى ياملوكتى

ملك لا اظن يافروستى اللى انا شايفاه غير اللى انت مرتبه خالص العيال ظبطوا مع نفسهم يافالح

فارس من ورايا ليه هو انا اورنى واللا ايه

ملك الظاهر كده ياحبيبي بس والنبي ماتزعل نفسك هما بردو مرحوش بعيد

فارس طب قوليلي ايه اللى بيحصل من ورا ضهري بدل مانا عامل زى الاطرش فى الزفه كده

ملك محمد ابن سعيد شابك مع بتك لمار

وسليم ابن اخوك عينه من جويريه بنت شيرين

فارس ليه حق الصراحه البنت طالعه طالقه يخرببيت فقرها

اما اسر ابن شهد مبيسيبش ايلين بنت اختك لحظه عارف داير وراها زى خيالها

فارس بت الجذمه ده انا متكلم عليها للعبيط ابنى

ملك لا

ماريان ابنك عامل شبه خيال المئاته لمريم اختها

فارس ماشي ياستى مريم مريم المهم نسل اختى العظيم الحق منه حاجه

وايه كمان ياوش المصاېب قولى قولى

ملك عاصم ابن شيرين شابك مع بتك جورى

فارس امال زين وياسين اخبارهم ايه العيال دول هما دول اللى يهمونى

ملك زين حسه كده يعنى بس مش متاكده عينه من مرام بنت يسر

لكن الواد ياسين ده شكله مش شابك مع حد

فارس يعنى عيالى التلاته ظبطوا امورهم خلاص

ملك تقريبا كده

فارس طب خدوا بالكم منهم اه انا مليش دعوة

وبعدين تعالى قوليلي هنا انتى عرفتى كل ده ازاى لوحدك كده ياخبيرة زمانك

ملك لاء طبعا مش لوحدى بمساعدة اصدقائى الاعزاء نور وحباة وشيرين وشهد ويسر وعلا

فارس اسم الله عليكي يا قلبي

طب ياللا نادى الولاد خلينا نطلع ناخدلنا صورة احنا كمان قبل المغول مايهجموا

يصعد فارس وملك ومعهم اولادهم ريان وجورى ولمار

ثم تصعد نور وزوجها مؤمن واولادهم زين وياسين وايلين

ومريم التى رزقهم الله بهامنذ خمس سنوات

فارس وهو يتحدث لمريم الصغيرة وكانها تفهم مايقول عارفه يامريومه ابوكى وامك دول المفروض كانوا يجيبوا معاكى تلاته اربعه بس انا فضلت انؤ عليهم لحد ماجبت اجلهم وجابوكى ياحبيبتى وقطعوا على كده مش عارف التنك خلص واللا عينى مش عارف الصراحه

نور انت ايه اللي بتقوله للبنت ده يادى النيله عليك

فارس وشي منك في الأرض ياغاليه انا السبب ياحبيبتى ده انتى كنتى حتدخلى موسوعة جينس ياللا معلش كده رضا

مؤمن هههههه عمرك ماحتتغير يافارس

ياتى دورشيرين وهى تحتضن ابنة اختها ومعها زوجها حبيب قلبها الذى جعلها ملاك بعد ان كانت شيرين المستهتر ه هاهى الان تحتضن ابنة اختها وتتمنى لها السعاده ومعها اولادها عاصم وجويريه

ثم تصعديسر ومالك ومصطفى وعفاف ومعهم الاولاد مصطفى ومرام

ثم تصعد فرح وزوجها يسري ومعهم ابنهم الوحيد أحمد

ووراءهم شهد وفريد ومعهم اولادهم اسر وحياة

ثم تجلس شهد بجوار عفاف لتطمئن عليها

عفاف اخوكى عامل ايه ياحبيتى هو ومراته

شهد الحمد لله والله أحسن اخيرا فاق ورجع شغله انتى عارفه ان ۏفاة ماما اثرت عليه بس لما ربنا رزقه ببنوته وسماها خديجه ده هون عليه كتير ومن شهر ربنا كرمهم بعبد الرحمن

عفاف ربنا يصبركم على فراقها ياحبيبتى يارب خديجه دى كانت ونعمه الأخت

ثم يصعد أمجد وهدير واولادهم بسمله وباسل ومعهم أيضا اخوه أسعد وزوجته واولاده

ثم ياتى دور الجدود فهمى وعايده ومعهم وفاء التى صممت على الحضور رغم شدة مرضها

كم اراد فارس ان يحملها على كتفيه فهو يحبها وبشده

ولا أحد يدافع عنه طوال الوقت غيرها

فى مكان بالحديقه نجدها تقف جانبا تنظر الى الحديقه وجمالها فتجد من يتحدث إليها

ازيك يامريم عامله ايه

تنظر خلفها لتجد أشرف من يتحدث إليها الحمد لله ياأشرف انت عامل ايه

أشرف عايش يامريم الحمد لله

مريم عن اذنك ياأشرف

أشرف لسه بردو عاوزة تهربي منى يامريم مش كفايه كده بقى سنين راحت من عمرنا عالفاضي حاولت معاكى كتير وانتى مصرة على رايك وادينى اهوه اتجوزت ومفرحتش ولا عشت سعيد وكانت النتيجه اننا سيبنا بعض مقدرتش احبها يامريم والولاد محققوش لية السعاده الحياة من غيرك ملهاش طعم ارجوكى يامريم كفايا بعاد لحد كده انا بحبك ونفسي اكمل عمرى معاكى

تجد خلفها من يقول لها وافقى يامريم

مريم مؤمن

مؤمن أشرف تقدر بكرة تجيب الماذون وتيجى انا حجوزهالك حتى لو ڠصب عنها

مريم ايوة بس

مؤمن مفيش بس خلاص بقى كفايه كده لازم يكونلك حباة واسرة زى كل اللى حواليكى وانتى رفضتى كل اللى اتقدمولك وجه الوقت اللى لازم ترتبطى فيه قلتي ايه

مريم اللى تشوفه يامؤمن

يفرح أشرف كثيرا ويجرى لبخبر اخته والجميع بهذا الخبر السعيد

بينما نجد اسر وحياة واولاده يصعدون لالتقاط الصورة مع العروسان

فها هو اسر وبجانبه رفيقة عمره وحبيبة قلبه حياة وبجانبهم سيلين وامامهم سليم وادهم اولاده

يالهامن فرحه وسعاده تملاء الوجدان ماهذا الذى يحدث ليس سوى تدبير من رب العباد فكم مرت علينا احداث ونحن نظنها سوء ولكنها كانت تحمل بداخلها سنابل الخير والحياة

لا بد وان نتعلم الا نحزن على مافاتنا ولا نبكي لشئ تمنته قلوبنا ولم يحدث فتدبير الله وحكمته اعظم بكثير من ترتيباتنا فيارب دبر لنا امورنا ويسر لنا احوالنا ووفقنا لما تحبه وترضاه يارب العالمين

انتهت قصتنا واتمنى تكون عجبتكم وعلى موعد ولقاء باذن الله يكون قريب ومع روايه جديده بقلمي

عبير حسن سليم