حكاية ام

موضوع شهد واهلها

مصطفى حبيبتى انتى بتقولى ايه

عارفه ياعفاف زمان كنت حاسس بوحده فظيعه والدنيا كانت فاضيه علية اوى لكن وجودك فى حياتى ملا علية الدنيا وحبايبك هما حبايبى ربنا يخليكى يارب ياحبيبتي منحرمش منك

عفاف ولا انحرم منك يا رب

يمر ثللاثة اسابيع

فى مكتب اسر

حياة وهى تساعد فرح فى اعمال المكتب

بينما كان اسر ويسري يباشران اوراق قضية عزيز المغازي

يدخل دكتور مصطفى ومالك

مصطفى السلا م عليكم ورحمة الله وبركاته

حياة وعليكم السلام ورحمة الله وبركاته ازى حضرتك يادكتور

الدكتوربخير يابنتى والله وانتى عامله ايه

خياةالحمد لله والله

ممكن اقابل استاذ اسر

حياة اكيد طبعا

تدخل حياة وتستئذن لهم فى الدخول

يدخل مصطفى ومالك ويسلمون عليه

مصطفى استاذ اسر انا بدعوك عندى فى الفيلا عامل حفله بمناسبة خروج اسر بالسلامه

وبصراحه كده انا عامل الحفله دى على شرفك ولازم تحضر

تدخل حياة وتضع لهم القهوة

مصطفى وانتى يابنتى لازم تيجى معاه وياريت كل اللى فى المكتب يبجوا

وكل اهلك واخواتك واصحابك

وانتى ياحبيبتى ياريت تجيبى اخوكى معاكى ومر اته وولاده

انا عاوز كل الناس اللى بتحبك وبتحبنا تكون موجوده فى الحفله

حياة حاضر ان شاء الله حنبجى والله

مصطفى الحفله يوم الخميس الجارى واحنا منتظرينكم جميعا

اسر اكيد حنيجى يادكتور ده شرف كبير لية

فى شقة ابو علا

ابوعلاياحبيبتى احنا مش حينفع نروح معاكى روحى انتى مع خطيبك انبسطى وافرحى انا عارف انى مقفلها عليكى ومبرضاش اخليكى تخرجى معاه كتير بس ده من خوفى عليكى والله ياحبيبتى

حياة ايه اللى انت بتقوله ده بس ياحبيبي اولا بقى انت اوامرك سيف على رقبتى ووالله العظيم اسر عمره مااضايق ابدا بالعكس ده بيحبك اوى ومقدر خۏفك وقلقك علية

لكن المرة دى الوضع مختلف الدكتور هو بنفسه اللى عزمنى واكد علية انى اروح الحفله وانكم تكونوا معايا

ومتنساش يااخويا انه عملك العمليه من غير ماياخد مننا ولا مليم يعنى واجب علينا اننا نروحله ونشاركه فرحته بخروج جوز اخته من السچن ده عامل حفله كبيرة اوى

علاياحياة انتى بتقولى بنفسك حفله كبيرة يعنى عاوزة ناس معينين هما اللى يحضروها مش احنا ياحبيبتى

احنا مش شبههم ولا بنعرف نتكلم ولا ناكل زيهم

ولا حتى عندنا لبس يليق

بالحفلات اللى زى دى

لكن انتى ياحبيبتى متعلمه ودكتورة وتعرفى تتكلمى زيهم

حياة ايه الكلام اللى بتقوليه ده يا علا

طب اقسم بالله العظيم لو مارحتم معايا مانا رايحه والحفله دى متلزمنيش انى اروحها من غير اهلى اللى رافعين راسي للسما واللى من غيرهم كان اخرى دلوقتى اشتغل خدامه ولا امسح سلالم

بصي ياعلا

انا عاوزاكى تعرفى حاجه مهمه ان المكان اللى ميشيلكمش على دماغه ميلزمنيش انى اقعد فيه ثانيه واحده

والناس اللى متقدركمش يبقى عمرهم ماحيكون ليهم وجود فى حياتى

انا منكم وبيكم بقيت حياة الدكتورة ثم تقبل راس سعيد ويديه

الايد دى هى اللى بتتعب وبتشقى عشان واحده زيي تكمل تعليمها وتبقى بنى ادمه

ثم ترتمى فى احضان علا وهى تبكى انا عمرى ماحكون سعيده وانا فى مكان انتم مش فيه ياعلا

انتى فاهمه

وخلاص متزعلوش احنا كلنا مش رايحين الحفله

سعيدلا ياحبيبتى ولا تزعلى نفسك انا متهونش علية دموعك ياقلب اخوكى من جوة

علا اعملى حسابك بكرة بعد ماعلا تخلص كليتها حنروح معاها كلنا سوا محطه الرمل فيها لبس كويس ليكى وللبنات تجيبى فستان حلو بطرحته بشنطته بجذمته

ونجيب للبنات كل واحده فستان حلو وكمان محمد نجببله طقم هو كمان

وانا بردو حجيبلى طقم كويس البسه ونشترى هديه كويسه ندخل بيها طبعا

الراجل كان كريم اوى معانا واحنا مش قلالاة الاصل وواجبه علينا اننا نردله جزء من جميله

علاخلاص يااخويا اللى تشوفه

حياة وهى تقبل يديهياحبيبي ياسعود ياقمر منحرمش منك يا رب ولا من حنيتك علية

سعيدحتوحشينا اوى ياحياة لما تروحى بيت جوزك البيت حيبقى وحش اوى من غيرك

حياة ياسلام على اساس اننا مفيش بينا غير ربع ساعه بالعربيه اطمن يااخوياانا عمرى مااقدر استغنى عنكم ابدا وحتلاقونى كل يوم والتانى هنا

علاده انتى تنور ينا ياحبيبتى ده بيتك ياحياة

نور يااه يعنى احنا معزومين على حفله

اسرايوة ياحبيبتى الدكتور مصطفى عامل حفله بمناسبةبراءة جوز اخته وعازمك كلكم تيجوا معايا

نور خلاص ياملك اعملى حسابك بكرة ننزل نشتري فساتين

فتنظر ملك لاسر فى خوف

نور مالك بابنتى فى ايه

ملك لا مفيش بس يعنى اصلي

نور اصلك ايه مالك بابنتى

ملك اصل بصراحه كده اسر محرج علية اروح فى اى مكان

عايده ايه الكلام ده يااسر صحيح الكلام ده

اسرايوة صحيح

عايده ليه هوانت كنت جوزها عشان تقول تخرج ومتخرجش هى ليها راجل هو اللي يقول

اسرمن فضلك يا ماما انا قلت كلمه وحتتنفذ ملك خروجها بعد النهاردهحيكون بحساب لحد ماتقوم بالسلامه واللا حضرتك عاجبك انها كل يوم والتانى خارجه

افرضي بعد الشړ حصلها حاجه

عايده فال الله ولا فالك يا حبيبى ده انا بدعي ربنا فى كل صلاه ان ربنا يكملها على خير

ويفرحنابابن اخوك يااسر

اسرطب مانا بعمل كده عشان ابن اخويا ييجى بالسلامه ياامى واللا انتي ايه رأيك ياست الكونتيسه

ملك وانا نطقت يااسر مانا ساكته اهوه

اسراه بحسب

وبعدين انتى كمان فى ايه ياست نور هو كل شويه تنزلى تشترى لبس لبس فى ايه ماتخفى شويه ده انتى عندك كمية هدوم تفتح سنتر كامل

حرام عليكم اتقوا الله ده فيه ناس نفسها فى خيش تلبسه تستر بيه نفسها من برد الشتا

روحى اتبرعى بجزء من هدومك دى للايتام والفقرا وارحمى نفسك بقى

نور مش مناسبه حلوة وعاوزين نشرفك يااسور

اسرعندك لبس كتير البسي اى حاجه من عندك

نور حاضر ياسيدي بس متزعلش نفسك

يدخل عليهم فارس

السلام عليكم يااهل الدار

اسر اهلا بسبع البرمبه بقلك ايه أعمل حسابك يوم الخميس الجاى أن شاء الله معزومين على حفله

فارس اشطه فيهابنات حلوين

ملك ماتحترم نفسك هوانا مش ماليه عنيك

فارس بهزر والله ياحبيبتى

ملك عن اذنكم ياجماعه انا تعبانه وطالعه ارتاح

اسراقسم بالله انت معندك ريحة الډم هو احنا كل مانقول خلاص حتتعدل ترجع تخيب تانى

فارس والله انا كنت بهزر وهى متعوده منى عالهزار ده مش عارف قفشت ليه

عايده اطلع ياحبيبي شفها مالها يمكن مضايقه من حاجه

يصعد فارس ويفتح الحجرة

فتسرع ملك بمسح دموعها

فارس حبيبي ياناس بيعيط

مالك يا فلب فارس زعلانه ليه حقك علية ياست الستات ياريت كان لسانى اتقطع قبل ماينطق كلمه تزعلك

ملك بعد الشړ عنك يا قلب ملك

فارس طب ايه اللي مضايق حبيبتى ممكن اعرف السبب

ملك مش عارفه يافارس مخنوقه وخاېفه خاېفه اوى

فارس خاېفه خاېفه من ايه ياحبيبتى

ملك خابفهبعد الشړ يحصل للبيبي حاجه انا ممكن اموت فيها وانتوا كمان حتزعلوا منى اوى

فارس ايه ياحبيبتى الكلام ده وايه اللى جاب فى دماغك كلام زى ده اصلا

ملك طول الوقت كل اللى هنا مفيش على لسانهم غير البيبي وخوفهم عليه لدرجة انى بدات احس انى لو حصللى انا حاجه انتوا مش حتزعلوا لكن حتزعلوا لو البيبي هو اللى حصلله حاجه

فارس لاء طبعا ياملك الكلام ده مش صحيح همما ممكن يكونوا بيقولوا كده من غير قصد لكن انتى عارفه كويس غلاوتك عندهم ايه

ملك انتى معانا بقالك سنين عمر حد فيهم كلمك فى موصوع الحمل اوزعللك

ملك لاء

فارس يبقى متزعليش نفسك وانا ياستى حكلمهم فى الموضوع ده

ملك لاارجوك يافارس اوعى تقول حاجه زى دى احسن يزعلوا منى دول اهلى يافارس اللى مربيينى من وانا صغيرة انا كنت بقعد هنا اكتر مابقعد فى بيت اهلى

فارس وهما انتى عارفه ومتاكده بيحبوكى اد ايه

ملك عارفه

فارس يبقى توعدينى متزعليش

يتحدث الى موضع الجنين

وانت يااستاذ ياللى جوه قول لماما انها اهم حد عندى فى الدنيا كلها واوعى تخلليهاتزعل تانى انت فاهم يالا

ملك ربنا يخليك ليا يا حبيبي يارب

فارس ويخليكى لية ياقلب فارس

تكاد لا تصدق عينها ايصدق هذا

تضع يدها على بطنها وتبتسم مش ممكن معقوله انا حامل احمدك يارب واشكر فضلك

تجد التليفون يرن

داليا حبيبتى وحشتينى مش حترجعى بقى

داليا ياحبيبتى مانتى الحمد لله متهنيه مع جوزك عاوزة منى انا ايه افرحى ياهبله وعيشيلك يومين حلوين بكرة ييجى اللى يطير النوم من عينكم

هبه ههههههه لا ماهو شكله قرر ييجى خلاص

داليابت ياهبه اوعى تقولى انك حامل

هبه لسه عامله اختبار الحمل حالا

دالياالف الف مبروك يا حبيبتى ربنا يكملك على خير يارب

ده شادى حيفرح اوى

هبه انا فرحانه اوى ياداليا انا مش مصدقه ان كرم ربنا يكون كبير كده معقوله القدر يكتبلى السعاده مع الانسان اللى قلبي محبش غيره فى الدنيا وكمان ابقى ام

دالياربك كريم اوى ياهبه ادعيلى بقى انا واخوكى يتلم شملنا احنا كمان

هبه ان شاء الله ياحبيبتى دى الايام بتجرى هوا واهوه عدت فترة الحمد لله وبعد الحكم المخفف اللى خده شادى بيقوللى انه سنه بالكتير وحيكون فى وسطنا ان شاء الله

داليا ان شاء الله ياحبيبتي

هبه وانتى عامله ايه عندك يا داليا

دالياالحمد لله والله ياهبه

هبه باباكى عامل معاكى ايه

دالياكل واحد فينا فى حاله هو اصلا تقريبا مبيقعدش فى البيت بيرجع اخر الليل

وانا طول الوقت مع ماما مبسيبهاش لحظه

تسمع هبه شادي وهو يفتح الباب

دالبا داليا شادى صوته جه اانا حقفل معاكى دلوقتى

دالياطيب يا حبيبتى وربنا يسعدكم ويفرح قلبكم يارب

شادىوهو يحتضنها من الخلف القمر بتاعى كان بيتكلم مع مين

هبه مع داليا ياحبيبى

شادي وحشتنى اوى ياهبه نفسي اقعد معاها ونتكلم سوا زى زمان

هبه والله لسه قايلالها الكلام ده

شادىانا حدخل اخد دش على ماتحضرى الاكل انا واقع من الجوع

هبه حتنزل تانى ياحبيبي

شادي ايوة بس مش دلوقتى على الساعه تسعه كده

هبه طب روح وانا ححضر السفرة

يدخل شادى الحمام لتقع عينه على اختبار الحمل

يخرج سريعا من الحمام

هبه هبه

هبه ايوة خير ياحبيبي

شادي ايه ده ياهبه

هبه وهى تنظر فى الارضانا حامل يا شادى

شادي ومقولتيليش ليه اول مادخلت ياهبه

هبه قلت اسيبك تاكل الاول وتستريح وبعد كده اقولك

شادي وده خبر يستنى بردو ياهبه

هبه بصراحه خفت ياشادى. شادى خفتى خفتى من ايه ياحبيبتى

هبه خفت انك متفرحش بخبر حملي

شادي مفرحش وايه اللى حيخلينى مفرحش بانى حكون اب ياهبه

هبه مش عارفه احساس جالى فجأه

شادي هبه انتى ايه اللى فى

دماغك انا مش فاهمه

هبه مش عارفه ياشادى مش عارفه

شاديمش عارفه ايه في ايه يابنتى متفهمينى انتى تقصدى ايه بالكلام ده

هبه خاېفه ياشادى طول الوقت خاېفه من فكرة انك ممكن تسيبنى وتتجوز واحده تانيه غيري

شادي وانا ايه اللى يخلينى اتجوز عليكى واحده تانيه ياهبه

ليه ياهبه ليه للدرجه دى معندكيش ثقه فية

للدرجه دي شايفانى وحش كده

هبه لا والله العظيم بالعكس والله انا واثقه فيك جدا بس المشكله عندى انا انت

ملك ش ذنب

انا مبقاش عندى ثقه فى نفسي طول الوقت خاېفه قلقانه حسه انك كتير علية اوى

كانت تتكلم وهى تبكى انا والله بقوم بالليل وافضل ابصلك وانت نايم ببقى مش عاوزة ابعد عينى عنك ببقى مستخسرة الوقت اللى ممكن يضيع وانا مغمضه عينى ونايمه ومش شايفاك

انا بدعى فى كل صلاه ان ربنا يخليك ليا ياشادى

شادي ياااه للدرجه دى بتحبينى ياهبه

هبه انا مش بحبك ياشادى انا بعشقك انا من وانا صغيرة لما كنت بتيجى عندنا البيت عشان تقعد مع اخويا كريم

كنت اول ماافتح الباب والاقيك ادامى كنت بحس ان قلبي حيخرج من مكانه من فرحة ان عينى شايفاك

انا عينيه فتحت على حبك

عمرى ماحبيت حد غيرك كنا كل مانكبر ويجى فى دماغى انك ممكن تحب واحده او ترتبط بغيري كنت ببعد الفكرة عن عقلى

كنت كل شويه احاول اعرف اخبارك من داليا مكنش عندى الشجاعه انى اقولها انى بحبك بس انا كنت متاكده انها حسه بية

كان نفسي اوى ابقى زى اى بنت فى الدنيا تيجى تتقدمللى ويتعمللى خطوبه وأروح اشترى شبكتى مع عريسى وتلبسهالى قدام الناس كلها

اختار معاك فرش البيت وادلع زى كل البنات واقول عاوزة ده وده لاء مش عاوزاه

والبس فستان فرح واروح الكوافيروتيجى انت واخويا واصحابك تاخدونى ونروح الاستوديو

ويتعمللى فرح زى كل البنات كان نفسي اوى البسلك كل الحاجات اللى وانا بشتريها كنت بقول يااما حتكون لشادى يااما لاء

كان نفسي افرش شقتى بكل الحاجات والمفارش وكل جهازى اللى كنت شارياه

عارف ياشادى لما كنت اروح اى فرح واشوف العريس والعروسة وهما بيرقصوا مع بعض واصحابهم حواليهم

كنت بتخيلك معايا فى اللحظه دى كنت بتخيل نفسي وانا برقص بين ايديك

اتخيلت حاجات وحلمت بحاجات كتير اوى اعيشها معاك معاك انت ياشادى

وفجاة لقيت نفسي بصحى على كابوس

كابوس عمرى ماتخيلت انه يحصللى كابوس هد كل احلامى وامالى دمر حياتى وضيع معاه مستقبلي ومستقبل اخويا الوحيد

عارف ياشادى انا اول حاجه جت فى بالى بعد مافقت ولقيت نفسي في المستشفى كانت انت ياشادى

قلت لنفسي خلاص حلمى ضاع الامل اللى كنت عايشه عشانه راح خلاص

بقيت بقنع نفسي طول الوقت انى لازم اخرجك من قلبي

لازم ابطل افكر فيك لانى كنت خلاص ياست انك حتكون لية

كنت بدعى ربنا انه يقوينى ويدينى الصبر على انى اتحمل خبر خطوبتك او جوازك

ولما جه اليوم اللى انت اتجوزتنى فيه ياشادى صدقنى لو قلتلك انى على اد حبي ليك بس مكنتش فرحانه فرحتى كانت خلاص ضاعت ومبقاش في حاجه ليها طعم خلاص

كمان احساسي وقتها انك كنت مجبر على جوازك منى كان مموتنى

بعدك عنى واحنا تحت سقف واحد كان بيدبحنى

حضنك اللى ياما حلمت انى مش حنام غير وانا

مستخبيه فيه كنت محرومه منه

طول الوقت خاېفه تحس بانك ظلمت نفسك لما ارتبطت بواحده كانت لغيرك قبلك

وانك مكنتش اول راجل فى حياتها

مش عارفه افرح مش قادرة انسى اللى حصللى انا والله العظيم ياشادى لحد النهارده وانا بخاف انام بخاف اغمض عينيه عشان مفتكرش اللى حصللى واللى اتعرضتلله

حتى لما عملت التحليل دلوقتى وعرفت انى حامل فرحت ايوة فرحت جدا انى حكون ست طبيعيه زى اى ست

حسيت ان ده عوض لية من ربنا عن كل اللى حصللى

وفوق كل ده حيكون جوايا طفل من الانسان الوحيد اللى حبيته فى حياتى

بس للحظه خفت

ڠصب عنى والله خفت

خفت من فكرة انك ممكن متفرحش او متكونش عاوز تخلف منى لانى

كان شادى متوقفا عن الكلام ترك لها الحريه لتتحدث بكل مافى قلبها اراد ان تخرج كل مابداخلها من الالام تعبر عن كل ماتشعر به فلم يقاطعها

ولكن الى هنا وعند هذه الكلمه وجد نفسه يضع يده على فمها

اسكتى اسكتى خالص

انتى ايه اللى بتقوليه ده ازاى قلبك طاوعك تقولى الكلام