حكاية ام

بقول النبي من راى منكم منكرا فليغيره بيده فان لم يستطع فبلسانه فان لم يستطع فبقلبه وذلك اضعف الايمان فانا ححاول اساعده ولو ربنا مقدرنيش يبقى حد عيله ان ربنا بهديه لما يحبه ويرضاه

شيرين ربنا يرضى عننا جميعا يارب قللى صحيح قربتوا تجهزوا خلاص واللا لسه

مازن كلها كام يوم وكل حاجه تبقى تمام ان شاء الله

شيرين ربنا يوفقكم يارب ويجعلها فاتحة خير عليكم يارب

مازن يارب ياحبيبتي خلصتوا فرش الشقه خلاص

شيرين ايوة ياحبيبي قربنا

مازن طب سلميلي على نور وماما

شيرين يوصل ياحبيبي

مازن طب انا حسيبك عشان سعيد بينادى علية خللى بالك من نفسك

شيرين لا اله الا الله

مازن محمد رسول الله

تعود شيرين الى الجلوس معهم على المائده

عايده ابن حلال اوى مازن ده

شيرين اوى اوى ياماما ده احلى حاجه فى دنيتي كلها

نور ياسيدي ياسيدي عالحب بتحبيه اوى كده يا شيرين

شيرين بحبه دى كلمه قليلة اوى جمب احساسي بيه

مازن ده الهوا والنفس والنبض مازن هو الحياة اللى من غير وجوده فيها تبقى انتهت وملهاش لازمه

عايده ربنا يديم بينكم المحبه وتفرحوا بالنونو سوا يا حبيبتى يارب

شيرين يارب ياماما يارب

فى احد المطاعم

اسر وحشتينى اوى يا حبيبتى

حياة انت اللى وحشتنى اكتر يااسر

اسر ماما عفاف اخدتك منى خلاص

حياة حبيبي مانت عارف بقى نفسها تشبع منى شويه قبل مانتجوز

اسر لا لو كده يبقى معنديش مانع طبعا بس بجد ياحياة انا مبقتش قادر على بعادك اكتر من كده

نفسي تبقى معايا على طول متغيبيش عنى ثانيه واحده

حياة هانت خلاص يا حبيبي

بس طمنى بقى اخويا عامل معاكم ايه فى الشغل

اسر ياااه ياحياة مش قادر اوصفلك مجهوده اللى فى الشغل تصدقى انى انا ومازن بنتعلم منه

حياة معقوله يا اسر

اسر اه والله تعرفى احنا مفيش قرار بناخده الا اما نرجعله الاول بجد ياحياة سعيد ده عقله بسم الله ماشاء الله عليه بيقدر يعرف كل اللى ناقص ويجمع الحسابات واوقات كتير والله بحس اننا بنيجى عليه اوى

بجد انا مش عارف لو مكنش سعيد معانا كنا عملنا ايه

عشان كده انا ومازن بعد ماكنا ناويين يبقى ليه حصه من الارباح قررنا انه ببقى شريكنا التالت

حياة معقوله الكلام ده انت بتتكلم بجد يااسر

اسر ايوة والله بجد صحيح انا ومازن اللى ممولين المشروع لكن بصراحه المجهود الكبير هو اللى بيقوم بيه سعيديبقى حرام علينا لو بخسناه حقه

حياة ياحبيبي يااخويا انا فرحانه اوى اوى مش مصدقه ان سعيد ربنا كرمه الكرم ده كله

اسر يستاهلها ياحياة انتى لو تشوفيه وهو طول اليوم واقف على رجله وعمال يلف بين العمال والموظفين الله اكبرعليه قمة النشاط والحيويه

حياة انا مصدقاك ياحبيبي لان علا فعلا بتقوللى انه ياحبيبى بيرجع البيت مش قادر يقف على رجليه من كتر التعب والارهاق

اسر لاء وكمان فى مفاجاه تانيه عاملهاله

حياة خير ياحبيبي فرحنى

اسر ان شاء الله يوم الافتتاح حهديه هدية

حياة هديه هدية ايه يااسر

اسر شقه جديده ياحياة

حباة شقه جديده معقوله طب ليه

اسر عشان يبقى سكنه قريب مننا ياحبيبتى وتقدرى تروحيله فى اى وقت وباستمرار من غير ماتقولى عاوزة ابات

لان اعملى حسابك بعد الجواز ان شاء الله مفيش بيات لاعند ماما ولا عند سعيد انتى مش حتنامى بعيد عن حضنى انتى فاهمه

فتخجل حياة وتنظر ارضا

اسر بمۏت فيكى وانتى مكسوفه كده

حياة الا قللى صحيح اخبار القضيه ايه

اسر قصدك قضية عزيز

حياة ايوة هى

اسر خلاص هانت ياحبيبتى اطمنى ان شاء الله حيتحكم عليه وحخرببيته ان شاء الله

وحرجع لكل الناس الغلابه حقهم منه اللى زى عزيز ده لازم يكون عبرة لكل اللى حواليه عشان الكل يعرف ان فى قانون بيرجع لكل واحد حقه واننا مش عايشين في غابة نناكل وننهش فى بعض من غير ما حد يحاسبنا

حياة انا فخورة بيك اوى ياحبيبي ربنا يحققلك كل اللى تتمناه ياحبيبي يارب

اسر وانتى معايا يا حبيبتى يادكتورة المستقبل

يحل المساء ويخرج فارس من الحمام وهو يغنى فيجد ملك تقف امام المراة وتتزين وترتدى فستانا جميلا بلونه اللبنى الذى يبرز جمالها الهادئ

فارس واو ايه الجمال ده كله هو القمر بتاعي خارج واللا ايه

ملك وهى تلف يديها حول رقبته انت نسيت واللا ايه يا حبيبي

فارس نسيت نسيت ايه

ملك يييه عليك يافروستى

نسيت انى قلتلك حاجى معاك الميتينج الليلادى وانت فر حت وقلتلي تعالى

فارس نعم ياحبيبتي بقى انتى قلتيلى

حتيجى

معايا الميتينج وانا كمان فرحت لاياحبيبتى انتى اكيد كنتى بتحلمى او بيتهيألك

بصي يابطتى انتى تدخلى جوة التلاجه تاكليلك تورتايه فرخه بريشها فخدة ضانى لكن تسيبينى انا اروح اشوف شغلى ياقلبي

ملك بقولك ايه يافروستى كنت بحلم واللا مكنتش انا حروح معاك بمزاجك حروح ڠصب عنك حروح انا قتيلتك الليلادى

ويافيها ياخفيها هاه قلت ايه ياروحى

فارس ملك ياحبيبتى اعقلي كده امال بصي شوفى شكلك عامل ازاى مينفعش ياروحى تيجى انتى عاوزة الناس تتريق عليكى

ملك نعم يا حبيبي ليه ان شاء الله هو انا بالعه كورة ده انا حامل ياقلبي

فارس ملك اتلمى وخللى ليلتك السوده دى تعدى على خير اقعدى ياماما اقعدي ياحبيبتى

ملك وربي يافارس لو ما اخدتنى معاك لانا اللى حخللى ليلتك سوده الليله دى

فارس وانا قلتها كلمه ومش حكررها مش حتيجى ياملك يعنى مش حتيجى واما اشوف بقى كلمة مين اللى حتمشي فى البيت ده

ملك فارس

فارس مش حتيجى انا الراجل وانا اللى كلمتى حتمشي واعلى مافخيلك اركبيه

بعد مرور ساعه يدخل فارس الاوتيل وملك فى يديه

فارس مساء الخير يا جماعه

الضيف مساء النور يا مستر فارس

فارس اعرفكم ملك المدام

الضيف اهلا وسهلا مدام ملك

ملك اهلا بحضرتك هو حضرتك مصري

الضيف ايوة طبعا انا مصري مش باين علية واللا ايه

ملك لاء بصراحه مش باين على حضرتك خالص انك مصرى حساك شبه الممثلين الاتراك

ينظر اليها فارس پغضب

الضيف شكرا للمجامله الجميله دى من حضرتك

يلفت نظر ملك مشهد كوميدي فى احد الافلام الموجوده على شاشات العرض

فتضحك ضحكه عاليه ههههههه ههههههه ههههههه

الضيفه مستر فارس الفوج السياحى اللى جاى الاسبوع الجاي ليه شروط فى الفندق اللى حيقيم فيه

فارس مانتى عارفه يامدام اننا مبنختارش غير احسن الفنادق عشان راحة عملائنا

وسمعة شركتى فى السوق زى الطبل وانتوا عارفين ده كويس هى دى يعنى اول مرة نتعامل مع بعض

ملك فارس انا عاوزة اروح التويلت

فارس ملك انا مش فايقلك ماتروحى هو انا ماسكك

تقوم ملك وتتجه ناحية الحمام

بينما ياتى للضيف اتصالا تليفونيا فيقوم هو الاخر

ينهى مكالمته سريعا ثم يقف امام الحمام منتظر خروج ملك

تخرج ملك وهى غير منتبهه لمن يقف منتظر خروجها

الضيف مدام ملك

ملك ايوة حضرتك في حاجه

الضيف قاسم اسمى قاسم الوكيل صاحب شركه سياحيه فى الاقصر

ملك ايوة نعم في حاجه

قاسم معجب بيكى

ملك نعم تقصد ايه يعنى مش فاهمه

قاسم مش فاهمه واللا عاوزة تسمعى منى كلام يشبع غريزتك كانثى جميله

ملك انت مچنون واللا ايه انت ازاى تتكلم معايا بالطريقه دى

قاسم وهو يحاول الاقتراب منها ضحكتك الحلوة هى اللى شجعتنى انى اتكلم معاكى واقولك انى بصراحه

فلا يشعر الا بقلم على وجهه من ملك

ملك انت انسان ساڤل وحقېر

فجاة يجد من يمسكه من ملابسه ويطيح به ضړبا انت بتعاكس مراتى يابن ال...... ده انا حولع فى امك الليلادى

قاسم فى ايه انتوا مكبرين الموضوع كده ليه هو لما اقولها كلمتين حلوين زى مانت مابتعمل كده مع كل واحده بتشوفها يبقى حرام

واللا هو حلال ليك وحرام علينا ولما انت خاېف عليها اوى كده بتسمح لنفسك تعمل زى اللى انا عملته ده مع كل واحده تشوفها ليه واللا تكونش فاكرنى مش عارف بفضايحك كلها يافارس باشا

فيهجم عليه فارس بشده ويضطر الامن ان يتدخل لفض الاشتباك بينهم

فيشد فارس ملك من يديها ويخرج بها سريعا من الاوتيل وهو يسب ويلعن

يدخلها فى السيارة دون ان يتحدث اليها بكلمه واحده حتى يصل الى البيت ولحسن الحظ لم يكن احد بالمنزل فيمسكها من يديها ويصعد بها الى غرفتهم

ملك مابالراحه علية ايدى حتتخلع فى ايدك

فا س ان شا الله تتخلع رقبتك كلها وارتاح منك

ماهو كل اللى حصل ده بسببك ياوش المصاېب

ملك بسببي ليه ان شاء الله هو انا اللى قلتله ييجى ورايا ويعاكسنى

فارس ماهو لو مكنتيش انتى فضلتى تقوليله انت شبه ماعرف مين وتمدحى فى جماله وعماله تضحكى ضحكة الرقاصين بتاعتك مكنتيش خليتى كلب زى ده يطمع فيكى

واللا انتى ناسيه ان ربنا قال ولا تخضعن بالقول فيطمع الذى فى قلبه مرض

ملك لا والله شوف ازاى دلوقتى بس عرفت ربنا وبتقول ربنا بيقول واللى انت بتعمله مع كل واحده تشوفها يبقى اسمه ايه ان شاء الله

طب انت متعرفش ان كما تدين تدان واللا ايه وان زى مانت بتسمح لعنيك اللى يدب فيهم ړصاصه انها تبص وتبقى حتطلع على كل واحده معديه قدامهم وتعاكس

ان اكيد مراتك حيحصل معاها نفس الشئ

مقلتش لنفسك قبل كده ان المفروض اتقى ربنا فى بنات الناس عشان ربنا يباركلى فى مراتى واختى وامى ومحدش يبصلهم بصه

واللا انت ماكنتش واخد بالك من حاجه زى دى

بس طبعا انت بتعمل كده وانت متاكد ان مراتك يوم ماحد حيبصلها بصه مش حتضعف ولا حتفرح باى كلمه خايبه تسمعها من راجل حقېر وانها حتديله فوق دماغه زى ماشفت دلوقتى بعنيك وانا بضربه بالقلم على وشه متاكد انت صح وعايش حياتك بالطول والعرض

طب شوف انت عملت ايه فى الراجل عشان كان بيعاكسنى طب انت بقى مبيجيش فى بالك احساس اى راجل ايه واللا ممكن يعمل فيك ايه وانت بتبص لمراته وعينك حتطلع عليها

فارس انا صحيح بضحك معاك وبهزر كمان بس انت عارف ليه عشان اقدر اعيش واكمل يافارس ومخربش البيت ده واطربقه على دماغك انا بحبك يافارس وبموت فيك وبعشقك لكن ربنا يعلم الڼار اللى بتبقى جوايا اول مابشوف عينك راحت على اى واحده

وكل شويه اقول بكرة يعقل لكن مفيش فايده فيك

فارس انا اسف ياحبيبتى والله ماحبص لواحده تانى بعد النهارده

ملك بقولك ايه انت حلفتلي بدل المرة الف وبعديها بثانيه لو واحده عدت من قدامك بتعاكسها

فارس لا صدقينى حرمت خلاص انا مش مستعد ان ربنا ينتقم منى فيكى انتى او امى او اختى

ملك ياحبيبي يافروستى غيرتى علية يابطتى

فارس وهو انا لو مغيرتش عليكى حغير على مين ياملوكتى

ملك طب بقولك ايه هو الراجل ده خلاص مش حيكمل معاك الشغل

فارس لا طبعا ياروحى تفتكرى بعد العلقھ اللى خدها ممكن انا اصلا احط ايدى فى ايده تانى

ملك بس انت كده حتخسر ياقلبي

فارس ولا يهمك ياعمرى المهم انتى عندى ياست الستات

ملك ياحبيبي يافارس

فارس حبيبة قلبي ياملوكتى بس وربي لو قلتيلي اروح معاك فى حته تانى لحنط فى كرشك

ملك يامامى مالك اتحولت كده ليه

فارس من عمايلك ياهانم

ملك بحبك يامغلبنى

تمر الايام سريعاوياتى اليوم المنتظر الذى طالما انتظره اسر ليرد الحقوق لأصحابها من من ظلمهم ويتم ابناءهم وشرد اسرهم تمتلئ القاعه بكل من له حق عند هذا الشخص

الكل يجلس وهو يترقب تلك اللحظه الحاسمه التى تعلن فيها عدالة السماء عن اعطاء كل ذى حق حقه

يقف اسر كما اعتاد الجميع مثل الجبل الشامخ الذى لا يهتز ابدا الذى ترتعد جدران المحكمه من صوته وثقته بنفسه

يدافع بكل قوته عن هؤلاء الابرياء الذين ماتوا

بسبب هذا الفاسد

وبعد مدافعة اسر المستميته

اعلن القاضي كلمته الاخيرة بالحكم على عزيز المغازى بالاشغال الشاقه المؤبدة مع دفع مبالغ طائله تعويضا لكل الاسر عما احدثه لهم من تخريب وټدمير لحياتهم

غير

انه لم يحكم عليه بعد فى قضية خطڤ حياة وسيلين

ترتفع الايدي بالتصفيق لاسر وبتحقيق العداله

كانت كل الامهات والاباء الذين فقدوا ازواجهم وزوجاتهم بسبب هذا الرجل الفاسد يتقدمون من اسر لتقديم الشكر له

والدعاء له

فبدونه لم يكن بوسعهم الحصول غلى حقوقهم والتشفى فى هذا الرجل

يخرج من المحكمه وهو داعيا الله ان يعينه دائما على نصرة الحق ومساعدة الضعفاء الذين يتوسمون فيه الامل الذي يرجون تحقيقه

يركب السيارة ويتحدث الى حياة فى التليفون حيث كانت فى الجامعه تحضر احد المحاضرات

تجد هاتفها يرن وبجانبها هدير صديقتها

حياة حبيبي ايه الاخبار

اسر جبتله مؤبد ياقلبي وحيدفع ډم قلبه ان شاء الله

حياة طب وقضيتى انا وسيلين

اسر لسه معادها متحددش بس كده خلصت خلاص هو ان شاء الله مش حيخرج من السچن وحيقضي بقية عمره فى السچن

حياة احسن حلال فيه

اسر بقولك ايه ياقلبي انا حتصل على دكتور مصطفى وحستئذنه اننا نتقابل كلنا بكرة ان شاء الله بالليل فى بيت سعيد عشان نحدد معاد الفرح

حياة خلاص تمام ياحبيبي

تغلق معه الهاتف وهى فى قمة سعادتها

هدير ايه ياحبيبتى شكلك مبسوطه اوى

حياة اسر حييجى بكرة عشان نحدد معاد الفرح ان شاء الله

هدير حبيبتى الف الف مبروك ربنا يهنيكى يارب

حياة الله يبارك فيكى ياهدير عقبالك ياحبيبتى

هدير ربنا يخليكى ياحبيبتي

يقوم اسر بالاتصال على مصطفى

اسر ازى حضرتك يادكتور

مصطفى الحمد لله والله يااسر وانت عامل ايه

اسر انا عاوز احدد معاد الفرح ان شاء الله

مصطفى بسرعه كده احنا لسه مشبعناش من حياة يابنى

اسر وانا عمرى ماححرمكم منها يادكتور حياة بنتكم وحتبقى عندكم باستمرار بس انا عاوز اتجوز واستقر فى حياتى وبصراحه بقى مبقتش قادر على بعدها اكتر من كده

مصطفى لا اذا كان كده يبقى مقدرش اقول حاجه

اسر طيب ممكن استئذنك اننا نتقابل فى بيت سعيد عشان نحدد المعاد واللا ده حيضايقكم

مصطفى يضايقنا ليه بابنى

اسر عشان المفروض المقابله دى تكون فى بيت حضرتك بس بصراحه انا حابب افرحه باخته مش عاوزه يحس بانه خلاص بقى غريب عننا

مصطفى انت أصيل يااسر وانا بحب الانسان الاصيل واكتر حاجه بكرهها فى حياتى قلة الاصل

وعلى فكرة لو مكنتش انت طلبت الطلب ده انا اللى كنت حطلبه سعيد من حقه يفرح باخته اللى تعب فى تعليمها وكمان صمم انها تاخد كل الحاجات اللى جابهالها من ماله

ودى اقل كلمة شكر ممكن نقولهاله

كلم سعيد ياحبيبي واللا اقولك انا اللى حكلمه بنفسي واقولله اننا كلنا بكرة ان شاء الله حنكون عنده عشان نحدد معاد فرحكم ياحبيبي

يتجمع كل افراد العائله فى شقة سعيد تلك الشقه التى تقدم فيها اسر لطلب يد حياة واليوم يذهب اليهم ليقررتحديد ميعاد الفرح

يتواجد الجميع الاهل والاصحاب القريب والبعيد

جاء اسر وعائلته ومعهم