حكاية ام

فيها

فرحبعد الشړ عنك ياحبيبي

يسري ايوة كده

فرحبس انا بردو زعلانه منك صالحنى بقى

يسري طب اصالحك ازاى ياقمر

فرحعاوزة ايس كريم

يسري بس كده ده انا حجيبلك محل ايس كريم

بصي انا حخلص اللى فى ايدي ويكون اسر خلص شغله هو كمان وحاخدكم واعزمكم كلكم ايه رايكم

فرحهو ده الكلام

حياة وربنا انتوا الاتنين مجانين

فيضحكون جميعا

يسري هس هس يخرببيت سنينكم لو اسر طلع على صوتنا حنتهزا كلنا وانا على راسكم

حياة وفرحههههههه هههههه

تتفاجا بدخول دكتور مصطفى ومعه امراة تبكى بشده فى حالة اڼهيار عصبي

حياة دكتور مصطفى اهلا بحضرتك نور ت المكتب ثم تقع عيناها على تلك الباكيه

مصطفى اهلا بيكى يابنتى انافاكرك شفتك قبل كده

حياة اخويا حضرتك عملتله من فترة عملية استئصال ورم من المخ اسمه سعيد رمضان

مصطفى ايوة افتكرتك عامله ايه وهو عامل ايه دلوقتى

حياة الحمد لله والله يادكتور

مصطفى معلش اسف اعذرينى عقلي مش فية

حباةلا يادكتور العفو حضرتك ربنا يكون فى عونك

كانت تتحدث اليه وعيناها لم تنزل عن تلك الباكية

حياة طب حضرتك جاى هنا فى حاجه

مصطفى هو انتى شغاله هنا فى المكتب ده

حياة ايوة بشتغل هنا

مصطفى هو فعلا زى مابيقولوا ان اسر التهامى محامى شاطر

حياة حضرتك ده اشطر محامى فى مصر كلها ازاى حضرتك متعرفهوش

مصطفى والله يابنتى انا طول عمرى مليش

علاقة بسكة المحاكم دى لولا الظروف اللى حطتنا فى وضع زى ده

حياة وهى تنظر ليسر المڼهارهحضرتك عاوز تدخل لاستاذ اسر

مصطفى ايوة الله يخليكى يابنتى بسرعه الله يباركلك

حياة حاضر حاضر

تدق الباب عليه وتدخل

اسرخير ياحبيبتى فى حاجه

حياة دكتور مصطفى السعدى برة عاوز يدخل لحضرتك

اسرمش ده دكتور المخ والاعصاب

حياة ايوة ده من اشهر دكاترة المخ والاعصاب اسر عشان خاطرى عاوزاك تشوف مشكلته وتحلها ده عمل العملية لسعيد اخويا من غير ما

ياخدولا مليم

اسرمن غير ماتقولى ياحبيبتى ده واجبي تجاه اى حد دخليه بسرعة

تسمح لهم حياة بالدخول

اسراهلا وسهلا بحضرتك يا دكتور اتفضل

مصطفى اهلا بيك يااستاذ اسر انا الكلام اللى سمعته عنك هو اللى شجعنى اجى على طول

حياة وهى تتحدث ليسراهدى ياحبيبتي كل مشكله وليها حل أن شاء الله

يسرجوزى جوزى حيروح منى عاوزين يلفقوله چريمه هو برئ منها

حياة اطمنى ان شاء الله خير

اسرطب ممكن بعد اذنكم تفهمونى الموضوع بالتفصيل

يسر وهى تبكى انا انا ححكى لحضرتك كل حاجه

فى احد المطاعم الشهيرة بالإسكندرية

مؤمن نور ياحبيبتى انتى مبتاكليش ليه هو الاكل مش عاجبك

نور لا والله يامؤمن الاكل حلو اوى بس انا بحاول اعمل دايت عشان اخس شويه

مؤمن بصي يانور لو انتى عاوزة تخسي عشان نفسك وعشان تبقى احسن براحتك ياحبيبتى ده شئ يرجعلك

لكن لو كنتي عاوزة تخسي عشانى انا فتاكدى انك عجبانى كده

نور يعنى انت مش مضايق عشان انا تخينه يامؤمن

مؤمن ايه الكلام ده لا طبعا ياحبيبتى نور انا بحبك

بحبك زى مانتى كلك على بعضك بكل تفاصيلك

وايه رايك بقى انتي مش حتخسي واياكى اسمعك بتجيبي سيرة الريجيم ده على لسانك مرة تانيه

نور ههههههه

مؤمن بقولك ايه انا مش حقدر استنى لحد مااخوكى يحن علينا ويتجوز معانا

انا مليش دعوة بيه هو حر انا عاوز اتجوز عاوز اتجوز ياناس

نور ههههههه الناس حتسمعنا يامجنون

مؤمن مايسمعونى ميهمنيش انا عاوز الدنيا كلها تعرف انى بحبك

نور خلاص هانت ياحبيبي وبعدين مش انت لسه بتجهز الدور بتاعنا

مؤمن ياحبيبتى الدور خلاص تقريبا خلص وماما نفسها تفرح بينا بقى

نور انا دلوقتى مبقاش لية حد فى الدنيا غيرك انتى وماما عشان كده عاوزك تقربي منها على اد ماتقدرى

ماما طيبه اوى وشافت فى حياتها ياما وهى والله بتحبك اوى

نور حبيبي ربنا يعلم انا كمان بحبها اد ايه

وان شاء الله حنكون اسرة واحده

متخافش يامؤمن انا حكون لمامتك ان شاء الله بنتها مش مجرد مراة ابن

مؤمن ربنا يخليكى لية ياحبيبتى منحرمش منك يا رب

نور ولا ربنا يحرمنى منك ياحبيبي

فى المكتب

اسرتمام انا كده فهمت كل حاجه

ومن بكرة ان شاء الله حطلب مقابلته وحتكلم معاه فى كل التفاصيل

يسر وهى تبكى حتى تورمت عيناهايعنى جوزى حيخرج ياأستاذ اسر

اسرحيخرج ان شاء الله

يسري ارب والله مالك مش ممكن ياذى حد ده كان بيحبها اوى

انا خاېفه خاېفه عليه اوى

انا ممكن اموت لو مالك اتسجن ده ابنه لسه فى اللفه

لسه ملحقش يتمتع بحضنه

اه يامالك اه

كانت يسر تبكى بمرارة حتى ان اسر رق لحالها بينما كانت حياة جالسه معهم وكانت تبكى على حال تلك المراة المسكينه

فلم تشعر بنفسها الا وهى تاخذها فى حضنهااهدى اهدى ياحبيبتى ان شاء الله خير

تفاءلوا الخير تجدوه

وربنا قال انا عند ظن عبدى بى هو انتى مش مؤمن ه بربنا واللا ايه خللى تقتك فى ربنا كبيرة وتاكدى ان ربنا حينصره

وحيخرجه من محنته على خير ان شاء الله

يسرخاېفه عليه اوى ده غلبان والله العظيم غلبان وطيب اوى

كل همه فى الدنيا انه ميشوفش حد تعبان يبقى ده جزاؤه يتهموه انه قټلها طب ليه ېقتلها ليه

اسرمدام اهدى شويه انا بكرة ان شاء الله حطلب مقابلته

وحعرف منه كل حاجه وان شاء الله خير

مصطفى يارب انا كل املى فى ربنا وفيك والله يااستاذ اسر انا لو مكنتش متاكد من براءة جوز اختى انا عمرى ماكنت حكون موجود قدام حضرتك دلوقتى

اسردكتور مصطفى انا يشرفنى ثقة حضرتك فية حضرتك من اعظم الدكاترة واكتر واحد بيحس بآلام الناس

ويكفينى ان حضرتك عملت العملية لاخو خطيبتى من غير حضرتك ماتعرفهم ولاتعرف ظروفهم ومااخدتش منهم ولا مليم

الإنسان اللى زى حضرتك نادر اوى وزى ماحضرتك فكيت كرب المحتاجين لازم ربنا يفك كربك

مصطفى هى الانسه خطيبتك

اسرايوة خطيبتى

مصطفى ربنا يهنيكم ويسعدكم يارب

يسر خليك جمبنا ربنا يخليك وحياة اغلى حاجه عندك متتخلاش عن جوزى ده روحى ده النفس اللى بتنفسه

انا لو مالك اتسجن انا حموت والله ماحقدر اعيش يوم واحد من غير مالك

انا مش قادرة اصدق انى حدخل البيت مش حلاقيه

عقلي حيقف من التفكير انه قاعد دلوقتى مع الحرامية والڼصابين

اسربجد انا مش عارف اقولك ايه على حبك واخلاصك لجوزك بالشكل ده

واطمنى ان شاء الله ربنا حيقدرنى واعمل اللى فيه الخير

يخرج مصطفى ويسر من المكتب

بينما كانت حياة قلبها يتقطع من الحزن على تلك المسكينه احست ناحيتها بالعطف

بكت على دموع تلك المراة

حياة اسر الله يخليك متسيبهومش خليك معاهم

اسراكيد طبعا يا حياة ده واجبي

حياة مراته دى صعبت علية اوى

شفت بتحبه ازاى بجد انا بفرح اوى لما الاقى واحدة بتحب جوزها بالشكل ده

اسريعنى انا لو اتعرضت لمحنه حتبكى عشانى كده

حياة يالهوى بعد الشړ عنك ياحبيبي

ربنا يبعدعنك الهم يارب وتكون كل ايامك جميله

اسر انا افديك بروحى اسر انت متعرفش انت ايه عندى ده انت روحى يااسر

اسرانتى كتير علية اوى ياحياة

حياة انا اللى كتيرة عليك ده انا بحمد ربنا فى كل وقت انه جمعنى بيك

ده اناخايفه اكون كل اللى انا عايشاه ده حلم اسر انا مهما قلتلك انى بحبك صدقنى اى كلمة حب ممكن ينطقها لسانى مش ممكن تعبر عن اللى جوايا ناحيتك

دق على الباب

اسرادخل

يسري امسك عندك اتنين مخطوبين فى فعل ڤاضح

اسرايه يامجنون انت الكلام ده

يسري المكتب ده طاهر وحيفضل طول عمره طاهر

فرحياام المطاهر رشي الملح سبع مرات

اسريانهار اسود لا والنبي ايه هو انا ربنا واعدنى بالمجانين واللا ايه لا انا مش حسيب ملوكتى وفروستى فى البيت اجى هنا الاقى فرح ويسري لا وحياة ابوكم ده اقتلكم انا خلاص حتجنن من العالم دى

حياة ههههههه هههههه

معلش ياحبيبي سيبهم يهزروا شويه

اسرطب ننادى بقى بقية الناس اللى فى المكتب بالمرة

فين بقية زمايلك يابنى

يسري عصام فى مكتبه بيراحع ملف قضيه

اسرقضية ايه

يسري قضية سړقة شقة لوران

اسراه طيب وانت بقى بتعمل ايه يافالح طبعا تلاقيك قاعدلى جمب الست فرح

يسري دايما كده ظالمني بصراحه اه

وياللا بقى عشان عازمكم على ايس كريم

اسرايس كريم ايه يابنى ده وقت غدا

يسري غدا يالهوى لا ده انتوا كده حتخلصولى مرتب الشهر

فرح وحياة ههههههه هههههه

اسرخلاص خلاص انت حتعيط انا عازمكم على الغدا

حياة طب انا حتستئذن من اخويا الاول

اسرماشي ياحبيبتى

تتصل حياة على سعيد حيث كان فى المحل يبيع لبعض الزبائن

سعيدايوة ياحياة خير يا حبيبتى

سعيد بقولك ايه يااخويا اسر عاوز يعزمنى انا وفرح ويسري على الغدا

سعيد

هو مش لسه عازمك من كام يوم على الغدا

مش كل شويه بقى ياحياة

حياة حبيبى انت زعلت خلاص يااخويا انا حعتذرله

سعيدلا ياحياة متعتذريش ولا حاجه روحى ياحبيبتى

حياة لا لا مش عاوزة اروح خلاص مادمت اتضايقت

سعيد حياة انا واثق فيكى كويس وعارف اخلاق اختى بس انا مبحبش كده

انا سيبتك تفضلى فى الشغل عشان متزعليش واديكى بتروحى كل يوم المكتب وماقلتش حاجه

يبقى مفيش داعى كل يوم والتانى بقى خروج لما تتجوزوا ان شا

الله يا رب يبات بيكى فى الشارع لكن طول مانتى فى بيت اهلك يبقى الخروج بحساب

حياة حاضر يا حبيبي

سعيد علا انا مش عايزك تزعلى منى يمكن انا راجل جاهل ومفهمش فى الحاجات دى بس هو ده اللى اتربينا عليه

وانا عايز اختى يبقى مهامها عالى عند خطيبها انا عايز اغليكى عنده ياحبيبة اخوكى

حياة لا يااخويا اوعى تقول على نفسك كده تانى ابدا انت مقامك عالى عندى اوى يااخويا انت

على راسي ياابو علا

ربنا يخليك لية وتفضل مضلل علية العمر كله

وانا خلاص مش حروح معاهم انا رضاك عنى بالدنيا كلها

سعيد طب ممكن تديلي اسر اكلمه

حياة حاضر يا حبيبي

اسرسلام عليكم ازيك ياابو علا

سعيدبقولك ايه يااستاذ اسر انا موصي على اكلة سمك حلوة اوى تستاهل بؤك ايه رايك تجيب حبايبك وتيجوا تتغدوا معانا ونقعد مع بعض شويه

اسر وهو يتفهم حقيقة الامر ويعلم مافى نفس ابو علا

الله هو فى حد يقدر يرفض عزومة سمك طبعا موافق

وبصراحه محمد الصغير وحشنى اوى ونفسي اشوفه

سعيدخلاص يبقوا تتفضلوا تيجوا واحنا فى انتظاركم

يجرى ابو علا سريعا على محل السمك الذى يوجد على ناصية الشارع ويطلب منه تحضير كميه من السمك والسبيط والجمبري

ثم يتصل على علا لتقوم بعمل الارز والسلطات

يسري ياااه سبحان الله يعنى يبقى نيتى اعزمكم على ايس كريم تقوم تتقلب لعزومة سمك والله انا مش عارف اقولكم ايه ياجماعه

حياة اسر انا

اسرانتى ايه صدقينى ياحياة لو قلتلك ان ابوعلا ده كل يوم بيكبر فى نظرى اكتر من اليوم اللى قبله ده حد مش موجود في الزمن ده

انتى فاكرة انى ممكن ازعل من واحد عاوزيحافظ على اخته لحد مايسلمها لجوزها

اقسم بالله العظيم انا لو بايدي لاديه جايزة الاخ المثالي

حياة ربنا يخليك يارب

فى منتصف الليل

فارس يافارس قوم اصحى قوم يابنى ادم انت

فارس ايه فى ايه فى زلزال

ملك زلزال ايه انا عاوزة اكل فسيخ

فارس تاكلى ايه فسيخ انتى هبله واللا عبيطه

ملك نفسي فيه يافارس شامه ريحته

فارس لا ياحبيبتى دى تلاقيها ريحة رجلى عشان مغسلتهاش نامى نامى الله يهديكى

ملك فارس بقى قوم انا مليش دعوة انا عاوزة فسيخ دلوقتى

فارس وهو يقوم ويجلس وهو متعصبليلتك سوده ياملك عاوزة ايه منى يامنيله

ملك وهى تحتضنهاخس عليكى يافروستى كده بردو ده انا قلت اول مااقولك نفسي فى حاجه حتجرى تروح تجيبهالي

فارس استغفرك يارب واتوب اليك

يعنى انتى عاوزانى انزل دلوقتى هى الساعه كام يلقى نظره على هاتفه بخرببيتك دى الساعه اتنين اروح اجيبلك فسيخ منين دلوقتى انتى مخك لحس

ملك وانا مالى هو انا اللى عاوزة ده ابنك هو اللى عاوز

فارس ابنى مياكلش الارف ده

انتى اللى طول عمرك تموتى فى الحاجات المقرفه دى

ملك لا مسمحلكش اه انا بقولك اهوه ابنك هو اللى عاوز فسيخ الواد صاحب مزاج وطالبه معاه فسيخ وبصل انت من اولها حتحرمه من اللى نفسه فيه

فارس ملك انتى حتستعبطى انا اعرف الوحم ده بيبقى فى اول شهر لكن انتى فى التالت ياقلبي

ملك لا ياروحى الوحم بيبقى طول الحمل

وعالعموم ماشي يافارس على راحتك بلاش تجيب متشكرة اوى بس لما ابنك تطلعله فسيخه فى وشه والناس تقوله باابو فسيخه متبقاش تزعل

فارس ايه انا ابنى تطلعله فسبخه والتاس تقوله ياابو فسيخه لا لا كله الا كده

بس ممكن تستنى للصبح بس وانا حجيبلك

ملك لاء مش حقدر استنى انا مليش دعوة ابنك جوه عمال يعيط وعاوز فسيخ

فارس ولما الضغط يعلى عليكى والواد يحصلله حاجه

واحنا ماصدقنا ياهمى الكبير اعمل فيكى ايه والله حخنقك بايديه وارتاح منك

ملك لا اطمن انا ضغطى على طول واطى وبعدين انا بعد مااضرب الفسيخ مع البصل انا حشرب لترين تلاته كركديه

والدنيا حنتظبط ان شاء الله

قوم بقى يابارد قوم لاحسن حقتلك يافارس

فارس ياما انتى مالك قلبتى على امنا الغوله كده ليه

ملك وهى تمسكه من ملابس نومهفارس انت حتنزل يعنى حتنزل

فارس يادي الليله السوده بابنتى افهمى ياعديمة الفهم اجيبلك فسيخ منين دلوقتى المحلات كلها قافلة

ملك مليش دعوة اتصرف اتصرف

حاضر ياملك والله مانا عارف اخرتها ايه معاكى

خليهم يمسكونى فى كمين عشان ترتاحى

يقوم فارس ويرتدى ملابسه وينزل

الداده فارس رايح فين يابنى الساعه دى

فارس رايح اجيب للبلوة اللى ربنا بلانى بيها فسيخ

الخادمهههههههه والنبي ملك دى عسل

فارس طبعا مانتوا اللى مربيينها مين حيشهد للعروسه المهم قوليلي ياداده الاقيلها فين فسيخ دلوقتى

الخادمه وهو فى حد فاتح دلوقتى يابنى اكيد طبعا المحلات كلها قافله

فارس طب انا اعمل ايه دلوقتى شوفيلي حل

الداده ولا يهمك ياحبيبي انا حجيبلك فسيخ

فارس بجد منين

الداده من عندى ياحبيبي انا اللى عملاه بأيدي

فارس انتى بتعملى الحاجات العجيبه دى

الدادهايوة طبعا اصل بنتى الصغيرة بتحبه فانا بقرف من اللى بيتباع برة فبملحه بايدي

فارس انا مش عارف بياكلوا الارف ده ازاى

الدادهههههههه مزاجهم كده بقى

بص تعالى معايا نوصل لحد البيت ونجيبه سوا ونرجع قبل ماحد يحس وكمان عندى بصل اخضر

يذهب فارس مع الداده فى العربيه لاحضار الفسيخ من بيتها

بعدمرور حوالى ساعه

يدخل فارس غرفة نومه ومعه صينيه مغطاة

انتى يازفته انتى ياوش الهم قومى يابختى الاسود

ملك ايه فى ايه بتصحينى ليه

فارس قومى كلى ياختى الفسيخ اللى انتى عاوزاه

ملك انا قلت عاوزة فسيخ انت كنت بتحلم ياحبيبى واللا ايه

انا عاوزة انام

فارس ايه يا روح امك طب والله العظيم لو ماقمتى دلوقتى كلتى الارف ده لكون محميكى بيه انا بقولك اهوه

ملك يييه بقى الله انت جبته منين

ثم تشمشم احييه ده فسيخ بجد

فارس وهو متقذذ منهاخدى البتاع المعفن ده وروحى كليه فى الحمام انا مش عاوز ارف

ملك ا رف يالهوي ده