حكاية ام

مين ده كمان اللى عاوز يتقدملها طب يورينى حيروح يخطبها ازاى عشان ارنه علقھ اجيبله فيها عاهه مستديمه

اسر بتحبها اوى كده

امجد وهو يبتسم من بين دموعه بحبها يااسر بحبها اوى

اسر ايوة بقى هو ده الكلام قشطه عليك

أمجد قشطه عليك

اسر الواد فارس يخرببيت فقره نشر عدوته فى المكان كله ده حتى الشيخ مازن بقى بيتكلم زيه

أمجد هههههههه

يحتضنه اسر بحب هو ده امجد صاحبي اللى انا عارفه

أمجد بس تفتكر حتوافق يااسر انا بهدلتها اوى وخليتها تكرهنى ومتطيقش تبص فى وشي

اسر هدير طيبه واللى زيها قلبها بيبقى كبير وبتقدر تسامح

بس اللى نفسي اعرفه ازاى وامتى حبيتها

امجد وهو يبتسم ابتسامته الجميله ويمسح الدموع عن وجهه صدقنى لو قلتلك من اول مرة شفتها معرفش وقت مااصرت انها تنزل من العربيه ولما هينتها وشفت الدموع وهى نازله من عينها مش عارف حسيت بنغزة فى قلبي

ليلتها منمتش والله يااسر طول الليل وانا بانب نفسي ازاى هينتها كده وجرحتها بالشكل ده

ولما رجعت شفتها بالصدفه وحاولت اعتذرلها وعرضت عليها انها تركب معايا ورفضت كبرت فى نظرى اوى واتاكدت انها فعلا محترمه بس ماكنتش عاوز اصدق الاحساس اللى جوايا ناحيتها كنت كل مابشوفها بتعمد اهينها عشان اثبت لنفسي انى مبحبهاش وان زيها زي سوزان متختلفش عنها حاجه

بس الحقيقه ان الفرق بينهم كان واضح اوى بس انا اللى كنت اعمى البصر والبصيرة

عارف يااسر فى حاجات لما كنت بفتكرها وانا قاعد مع نفسي كنت بتاكد انها كانت وحشه من الأول بس انا اللى مكنتش عاوز اشوف ده

كنت عاوز اشوفها طول الوقت كويسه

كنت بلتمس لها العذر دايما فى اى تصرف بتتصرفه

اسر معقوله مع ان اللى زى دى بتبقى حساباتها موزونه عشان تقدر تخدع ضحيتها كويس

أمجد لايااسر طمعها وجشعها كان واضح زى الشمس بس انا اللى كنت اعمى أمجد انا تقريبا كنت بصرف مرتبى على فسحها ولبسها والاكل اللى كل يوم كنت باكلها فى المطاعم

وهى عمرها ماقالتلى لاء على حاجه بجيبهالها عمرها ماقالتلي كفايه انت جبتلى ياما

بعكس هدير يوم ماركبت معايا العربيه اول مرة صممت تنزل ولما عرضت عليها تانى وتالت مرة بردو تركب معايا رفضت كبرياءها وعزة نفسها ورضاها باللى هى فيه علاها فى نظرى اوى بس انا مكنتش عاوز اضعف تانى يااسر

اسر خلاص نفوق بقى لنفسنا ونتمسك بالحب ياامجد حاول تتمسك بيها وبحبك ليها صدقنى هدير تستاهل الحب ده

وتستاهل انك متفرطش فيها

امجد وهو يضع يده على خده اه بس انا كنت مستحلفلها اردلها القلم

اللى ضربتهولى

اسر هههههههه احسن تستاهل والله حلال فيك وبعدين انت ممكن تبقى تردلها القلم بطريقتك انت بقى يامجود

بس حيبقى احلى قلم فى الدنيا قلم يخليها تغيب عن الواقع وتنسى كل الدنيا ومتشوفش فيها غيرك وانت وشطارتك بقى

أمجد انت متاكد انك اسر التهامى لا انا شكك فيك ياصاحبي

اسر منك لله يافارس

تخرج هدير وحياة من الجامعه بعد الانتهاء من الامتحان

حياة انا قلقانه اوى من الماده دى انا حسه انى عكيت فيها

هدير سيبيها على الله وان شاء الله خير

حياة مروحه عالبيت واللا حتروحى المكتب عند اسر

هدير حروح المكتب ارتب بس شوية قضايا وبعد كده اروح

حياة بتفكرينى بنفسي يابت ياهدير كنت زيك كده بالظبط بس تعرفى ان المكتب ده وشه حلو على البنات اللى بيشتغلوا فيه انا اتجوزت اسر وفرح اتجوزت يسري وان شاء الله نفرح بيكي انتى كمان ياحبيبتى قريب

هدير ربنا يخليكى يا حياة انا كل اللي عاوزاه انى اخلص الكليه واشتغل واحقق ذاتى

حياة يعنى منفسكيش تتجوزى يابت ياهدير

هدير اكيد طبعا يا حياة نفسي اتجوز وافرح زى كل

بنت بس ازاى ومنين ياهدير مانتى عارفه اللى فيها ده لولا ان استاذ اسر شغلنى انا واخويا انا مكنتش قدرت اكمل تعليمى الحمد لله اوى على كده

حياة ياحبيبتى بكرة ربنا يكرمك باللى يشيلك هيله بيله كده من غير اى حاجه

يكون ببحبك ومش عاوز غيرك يا حبيبتي

هدير وده حيطلعلى فى كيس الشيبسي واللا ايه كل واحد بياخد اللى شبهه ياحياة وانا غلبانه غلبانه اوى ويوم ماربنا حيكرمنى حيبقى زيي وممكن يكون اسوا منى كمان

حياة ياسلام طب مانا قدامك اهوه مااسر حبنى واتجوزنى وانا بردو كنت فى نفس ظروفك

هدير ياحبيبتى كل قاعده وليها شواذ وانتوا اكيد الشواذ

حياة بقى احنا شواذ ياجذمه

هدير هههههههه هههههههه مقصدش والله ياقلبي

حياة لا مانا عارفه انا بستعبط

حياة هدير اسر بيرن علية حرد عليه حبيبي وحشتني

اسر انتى اللى وحشانى علطول ياقلب اسر طمنينى عليكم عملتوا ايه انتى وهدير

حباة الامتحان كان صعب اوى النهارده وخاېفة اوى

اسر ان شاء الله خير يا قلبي

بقولك ايه انتى مش حترجعى عالبيت

حياة امال حروح فين حتخطفنى ياروحى

اسر لو عالخطف فانا نفسي اخطفك فعلا ونروح عالبلد اللى تجمع شمل العشاق

حياة يالهوى يالهوي لاء انا مش اد الكلام الحلو ده كله

اسر الحلو لازم يتقالله الكلام الحلو

حياة بركاتك يافارس

اسر هههههههه مش ممكن كلنا بقينا بتكلم زيه

المهم بقى انتى حتطلعى على المستشفي

حياة مستشفى ليه خير ايه اللي حصل

اسر حصل كل خير ياحبيبتى شيرين ولدت

حياة ايه بجد شيرين ولدت

اسر ايوة ولدت مازن لسه مكلمنى والعيله كلها راحتلها مافضلش غيري انا وانتى

حياة حاضر يا قلبي مسافة السكه واكون هناك بس انت مقلتليش مستشفى ايه

كانت هدير تمشي بجوار حياة وهى شاردة الذهن وتسال نفسها هو معقوله ممكن يبجى اليوم اللى احب واتحب فيه

يااه نفسي اوى الاقى الانسان اللى يحبنى ويقدروجودى فى حياته وميجرحنيش او يعايرنى بفقرى زي مااللى اسمه امجد ده بيعايرنى كل مايشوفنى

انا نفسي افهم انا عملتله ايه عشان يكرهنى بالشكل ده ويفضل يتريق علية وعلى شكلى كل مايشوفنى ده انا ولا كانى قاتلاله قتيل ياللا االعموم اكيد بعد الكلام اللى قلتهوله اخر مرة حيحترم نفسه ومش حيطلعلى زى عفريت العلبه تانى

فى المستشفى

فارس ناويين تسموا البيبي ايه بس وحياة ابوكم بلاش الاسماء العجيبه اللى بتسموها دى

ملك ايه رايكم تسموه معاذ

فارس معاذ ايه ده يابنتى لا الاسم ده مش عاجبنى شوفوا اسم تانى

عايده طب ايه رايكم فى اسم مصعب

فارس وتصعبوها علينا ليه بس اللى بعده

فهمى لا حول ولا قوة الا بالله مش دى يابنى اسماء الصحابه اللى لازم نقتدى بيهم

فارس معاك حق والله ياابواسر بس ممكن نشوف اسم تانى

نور انا عاوزة اعرف انت مالك اساسا بالاسم انت حاشر نفسك ليه هو انت كنت ابوه مازن وشيرين ياعم يختاروا الاسم وانت ريح دماغك

وفاء عيب يانور فارس يزعل يا حبيبتي

فارس لا لا انا مش ممكن ازعل ابدا من نور اختى حبيبتي دى مراة البطل بتاعنا قاهر الاعداء ومحطم الفرنج والتتار

وفاء تتار هما فين يابنى

الجميع هههههههه هههههههه هههههههه

فارس وهو يجلس بجوارها حبيبتى يافوءة والله انا عاوزك تتبنينى

عايده ليه يازفت هو انت كنت عدمتنا واللا ايه

فارس مين اللى بيتكلم اعرفكم ياجماعه الست دى امى شقيانه طول عمرها ماشفتش غير همى وانا اخر صبرها

عايده ماشي يااخرة صبري انا فعلا ماشفتش غير همك يابنى انت مش ناوي تعقل بقى انا مش عارفه خلفت واحد والتانى جاى فى السكه حتعقل امتى

فارس اهئ اهئ اهئ اديكى قلتى بلسانك اهوه واحد واحد بس ياامى شفتى بقى اللى انا فيه

شفتى الخيبه اللى ابنك . حبيبك فيها

عايده هو ايه اللى انت فيه ياخيبة املى يا اخى اتنيل محسسنى انك فالح اوى وبتعرف تربي ده احنا لو اعتمدنا عليك فى التربيه يبقى عليه العوض ومنه العوض فى العيال اللى استنيناهم سنين

فارس ايه ده انتى تقصدى ايه ياست الحبايب ياحبيبه

ملك تقصد انك احلى اب فى الدنيا ياحبيبي طبعا هو فى حد زى فروستى واللا فى حد حيطلع ابنه راجل زيك ياروح قلبي

فارس حبيبة قلبي محدش ناصفنى غيرك

فهمى بقولك ايه ياملك شيرين تعبانه خدى جوزك واطلعوا انتوا الاتنين غنوا وردوا على بعض برة وارحمونا من ازعاجكم شويه

فارس ملك هما

العالم دول طردونا انافهمت صح واللا ايه

ملك لا ياحبيبي كل الحكايه انهم طردونا بس

فارس قومى ياملك وهاتى ريان وياللا نقعد برة بكرامتنا

عايده لا عندكم ريان مين ده اللى تاخدوه ياللا ورونا عرض قفاكم ملك مش دعوة بالواد اه انا مش مستغنيه عن حفيدي

يخرج فارس وملك والجميع يضحك. عليهم

بينما يدخل اسر وحياة السلام عليكم

الجميع وعليكم السلام ورحمة الله وبركاته

يحتضن اسر مازن الف حمد الله على سلامة شيرين والمولود يامازن

مازن الله يسلمك يا اسر

تقبل حياة شيرين حمدلله على السلامه يا قلبي

شيرين الله يسلمك يا حبيبتي عقبال ماربنا يكملك على خير ان شاء الله

اسر سميتوا القمر ده ايه

فهمى حنكمل الصداع تانى

اسر صداع ايه مش فاهم

مازن هو قصده على فارس مش عاجبه ولا اسم

اسر هههههههه فارس ده مبيعجبهوش العجب

وفاء بقولكم ايه فارس ده حبيب قلبي محدش يزعله

عايده والله ماحد مقويه غيرك ياوفاء يااختى ده خلصلكم على اكل البيت كله ده بقى لاجئ عندكم

وفاء ده منور نا والله

عايده تصدقى بالله ريحتينا من صداعه

ده كان عاوز البيت عندنا مطبخ مفتوحله مخصوص

يجلس مازن بجوار تولين وسيلين حبايب قلبي الصغيرين نسمى النونو ايه

سيلين نسميه عاصم

اسر اشمعنى عاصم ياسيلي

تولين اصل عاصم بيجيب لسيلين كل يوم شيكولاته يابابى

اسر بيجيبلك شيكولاته وانتى بتقوليله ايه ياقلب بابي. سيلين بقولله ميرسي يابابي

فيضحك الجميع على الصغيرة ووجههاةالاحمر فتحتضنهم حياة حبايب قلبي ربنا يحميكم يارب

مازن واناحسميه زى ماالاميرة سيلين قالت عاصم

يفتح فارس الباب ربنايعصمنا جميعا من الغلط

فيقذفه اسر بالمخده فى وجهه فيضحك الجميع

ثم يسمح اسر لملك وفارس بالدخول مرة ثانيه ويجلسون بعض الوقت حتى يشعرون بضرورة الانصراف حتى تنعم شيري بالهدوء بعض الوقت وتظل عايده معها فى المستشفى

ويعود الجميع الى المنزل

فى السيارة

حياة

اسر

اسر نعم ياقلب اسر

حياة سعيد وعلا وحشونى اوى

اسر اممممم عاوزة تروحيلهم طبعا

حياة يعنى لو معندكش مانع

اسر وايه المشكله ياللا بينا فتحتضنه حياة وتقبله حبيبي ياناس فتصفق تولين وسيلين هيييببه حنروح عند علا وشهد

فى شقة سعيد

علا ده سعيد لما يرجع ويلاقيكم هنا حيفرح اوى

اسر ربنا يخليكى يارب

علا ايه ياحياة عامله ايه يا حبيبتي طمنينى عليكى

حياة الحمد لله والله انا كويسه

يفتح الباب سعيد ويدخل السلام عليكم

يرد الجميع وعليكم السلام ورحمة الله وبركاته

سعيد ايه النور ده كله

يسلم عليهم ويجلسون ويتحدثون فى عدة امور

يتكلم سعيد واسر فى امور خاصه بالمحلات وبعض العروض التى يقدمونها للزبائن

بينما الصغار يلعبون بالالعاب وهم فرحين

وكانت حياة وعلا تتحدثان فى بعض الامور النسائيه

يقضون وقتا جميلا ويتناولون العشاء ثم ياخذ اسر حياة والبنات ويعودون الى الفيلا

فى الصباح فى مكتب اسر

كانت هدير تتحدث الى فرح بينما يدخل اسر المكتب ويطلب منهم بعض الملفات

تدخل فرح اليه لتعطيه الملفات المطلوبه

اسر اقعدى يافرح عاوزك

فرح خير يااستاذ اسر

اسر عاوز اطمن عليكى يافرح عامله ايه ويسري عامل ايه معاكى معلش يافرح انا

عارف انى مقصر فى السؤال عنك بس انتى شايفه ضغط الشغل

فرح ربنا يقويك يا رب يسري ده احلى هديه جاتلى فى حياتى ده احسن مما توقعت الف مرة انا بحمد ربنا فى كل وقت انه عوضنى بيه

اسر ربنا يهنيكم يارب يافرح ويرزقكم بالذريه الصالحه

فرح يارب يااستاذ اسر يارب

يمر اليوم بالمكتب وياتى ميعاد الانصراف

هدير فرح انا ماشيه ياحبيبتى عاوزة حاجه

فرح عاوزة سلامتك ياقلبي انا حقعد استنى يسري ونروح سوا

هدير طب سلام انا بقى

تخرج هدير من الشركه وتتجه نحو المكان الذى تركب منه الميكروباص فتجد من يناديها هدير هدير

فتلتفت للصوت وهى تعرف صاحبه

هدير ياربي مش كنا خلصنا خلاص وحليت عنى جاى تانى ليه عاوز ايه تانى

أمجد هدير ممكن بعد اذنك توافقى نقعد مع بعض فى اى مكان عاوز اتكلم معاكى شويه

هدير واحنا مفيش بينا كلام ياحضرة الظابط وعمر ماحيكون فى بيننا كلام عن اذنك

امجد وهو يمسك يدها هدير ارجوكى اسمعينى

هدير وهى تبعد يده ابعد ايدك واياك تلمس ايدي تانى انت فاهم والا وربي للم عليك الناس

امجد هدير والله العظيم انا مش عاوز اضايقك انا عاوز بس اتكلم معاكى شويه مش اكتر فى حاجات محتاج اوضحهالك

هدير وانا مش عاوزاك توضحلى حاجه انت كلك على بعضك متخصنيش ارجوك بقى كفايه لحد كده واللا يمكن نفسك تقول حاجه لسه ماقلنهاش اتفضل قول لو فى حاجه فى نفسك تانى

هاه المرة دى انا شبه مين وياترى بان علية النعمه اه والله تصدق فعلا بان علية تعرف الفستان اللى لابساه ده لسه شارياه من يومين اصل الحمد لله استاذ اسر راضي عن شغل اخويا اللى انت فاكره حبيبي واداله مكافاه فاخويا حبيبي ادانى جزء من الفلوس واناورحت اشتريته ياترى حلو واللا بيئه ومعجبش سمو الامير

أمجد ارجوكى ياهدير ارجوكى

فجاه تجد هدير تليفونها يعلن عن مكالمه

هدير استاذ اسر ايوه حضرتك فى حاجه

اسر روحى معاه ياهدير عشان خاطرى اقعدي معاه اسمعيه وشوفيه عاوز يقولك ايه

هدير ايه اللى حضرتك بتقوله ده يااستاذ اسر

اسر انا عارف انا بقولك ايه هدير مش انتى بتثقى فية

هدير اكيد طبعا

اسر يبقى اسمعى الكلام

هدير حاضر يااستاذ اسر حاضر

تنظر هدير لامجد ولا تعرف ماذا تقول له ولكنها وجدت امجد يفتح لها باب السيارة لتركب فتركب هدير دون النطق بكلمه

فى احد المطاعم

أمجد تحبي تاكلى ايه ياهدير

هدير انا لاعاوزة اكل ولا اشرب اتفضل قول عاوز ايه وخلصنى

أمجد مش لما تبقى على زمتى الاول ابقى اخلصك

هدير استغفر الله العظيم ياربي رجعنا للتريقه تانى

أمجد والله انا مابتريق انا اصلا محلمش انك تكونى على زمتى

هدير والله طب كويس الله يخليك انا لازم اكون فى البيت قبل أشرف مايرجع

أمجد اطمنى أشرف حيرجع بعد انتى ماتدخلى الشقه تمام اطمنى بقى واهدى كده

هدير من فضلك ممكن حضرتك تدخل فى الموضوع عشان امشي

أمجد هدير اولا انا عاوز اقولك انا آسف على كل الم سببتهولك او كل دمعه نزلت من عيونك بسببي

انا اسف ياهدير وياريت تسامحينى

هدير انا مستعده اسامحك بس بشرط

أمجد شرط شرط ايه ياهدير

هدير انك تبعد عنى وتسيبنى فى حالي وتنسى انك شفتنى فى يوم من الايام وتخرجنى من دماغك

أمجد للأسف ياهدير مش حقدر انفذ طلبك

هدير ليه ليه حرام عليك كفاياك بقى يااخى انت عاوز منى ايه ايه اللى بيبسطك ويفرحك لما تبهدلنى كل ماتشوفنى وتقلل منى ايه انت مريض نفسي