حكاية ام

فى الدنياكلها وعمر مافى واحده شاركتنى فيك ودلوقتى جه الوقت اللي لازم تعيش وانت متهنى وفرحان ولازم تسعدها زى مااسعدتنى

اسر يعنى مش زعلانه منى

جنى انا حكون زعلانه منك لو انت قصرت معاها ومقدرتش تسعدها زى مااسعدتنى

خللى بالك من نفسك يااسر خللى بالك من بناتي ياحبيبي

تمشي جنى بينما كان اسر ينادى عليها جنى استنى ياجنى يقوم من نومه وهو يناجى عليها جنى جنى

يفيق من نومه فيدرك انه كان يحلم

ولكنه يفرح ويرتاح عندما يتذكر الحلم الذى حلمه ومااستشعره من رضا جنى وعدم حزنهايجد من يفتح عليه باب الغرفه

ايه ياعريس انت نايم هنا والدنيا مقلوبه تحت

اسر مقلوبه ليه فى حاجه حصلت

فارس يعنى تفتكر فرحك النهارده واخوك فارس حسيب اليوم يعدى كده ده حتى يبقى عيب فى حقى ياراجل انا جايبلك فرقة حسب الله تحت

اسر فرقة ايه يامجنون انت

فارس ياللا باعم عاوزين نحموك ونليفوك ونوضبوك دى الليله ليلتك يامعلم بس بقولك ايه عاوزك ترفع راسك اخوك الليله دى عاوزك تبقى اسد كده اه

اسروهو يقذفه بالمخده امشي ياجذمه

فارس طب انجز ياللا احنا عندنا شغل

اسر مؤمن جه

فارس اهو متلقح تحت هو كمان

اسر مالك يازفت بتتكلم كده ليه عن مؤمن

فارس مش عارف مش مرتاحله سهتان كده فى نفسه انا خاېف ليكون ملوش فى الليله تبقى خيبه

اسر ولا احترم نفسك هو انت على طول كده تفكيرك شمال وبعدين يافالح مش ده صاحبك حبيبك اللى انت جبته وقلت على ضمانتى

فارس لا ياعم انا مليش دعوة انا قلت ضامنه اه بس من ناحية الأخلاق لكن انا مكشفتش عليه اه انا مش مغسل وضامن جنه ربنا يستر عليكى يانور يااختى يارب

اسر يابنى احترم نفسكشويه انت ايه مفيش فى دماغك غير الحاجات دى

فارس وهو فى احلى من الحاجات دى يااسور

اسر طب يالاا انزل حصلي العصر وانزلكم

فارس تمام يامعلم والليله ليلتك يامعلم

فى الاوتيل

شيرين وهى تتحدث للميكب ارتيست لو سمحتى ممكن تغيري لون الروج

الميكب لو سمحتى ممكن تهدى شويه انا شايفاكى حامل وتعبانه ومش هاين عليكى تقعدى رايحه جايه عماله تدى فى اوامر انا والله عارفه شغلى كويس شوفى اختك دى قاعده ازاى فى مكانها منطقتش

شيرين هى بمنظرها ده حتقدر تفتح بؤها اصلا ده احنا خايفين تولدلنا فى الفرح ربنا يستر وبعدين دول اخواتى وانا عاوزاهم يبقوا الليله دى قنبله

الميكب والله حيبقوا زى القمر واديكى شايفه احتا شغالين من الصبح اهدى بقى

فجاة تقف حياة يانهار ابيض ده انا نسيت حاجه مهمه اوى

ملك نسيتى ايه ياحياة

حياة نسيت اعزم عبير سليم

يسر مين عبير سليم دى ياحياة

حياة ياخبر عليكى عبير دى حبيبتى ولولاها مكنتش حعرف اسر ولا احبه ولا اتجوزه انا لازم اعزمها حالا

طلعتى اصيله والله ياحياة وانا اللى قلت انك نسيتينى طبعا مانتى تربية سعيد

المهم بقى يارب التليفون يرن احسن الشبكه عندى علطول واقعه كنت فين انا بقى يابنات كنت محمرة بطاطس وقاعده باكلها انا والولاد اصلي مكدبش عليكم رجعت من المدرسه هلكانه ومش قادرة اعمل اكل قلت امشيها كفته وبطاطس محمرة

وانا فى ايدي البطاطسايه لقيت الواد محمد ابنى بيقوللي ماما ياماما

انا ايوة ياميدو اكلت السندويتش ياحبيبي

محمد فى رقم غريب بيرن عليكى ياماما

انا هاته ياحبيبى اما اشوف مين الو ايوة مين معايا

حياة ازيك ياحبيبتى عامله ايه

انا الحمد لله والله مين معايا

حياة معقوله مش عارفه صوتى انا حياة ياحبيبتى بطلة حياة اسرت قلبي

انا حياة مش معقول ايه المفاجاة الحلوة دى بس ياحبيبتى مش النهارده فرحك خير اوعى يكون اسر زعلك فى حاجه وانا بحمر البطاطس ومااخدتش بالى

حياة لا ياحبيبتى اطمنى ده بيلبس دلوقتى بس بقولك ايه انا عاوزاكى تجيبي ولادك وكل الناس اللى بتحبيهم وهما بيحبونى عاوزاكم كلكم تبقوا حوالية الليله نفسي احس بفرحة كل الناس اللى بتحبنى لية انا واسر

انا طبعا ماصدقت مانتوا عارفين انى كنت حموت عشان اروح الفرح

انا بس كده وانا حاجى لاغلى منك ياحبيبتى بس انتى حبايبك كتير اوى ياحياة بصي انا حكتبلهم على الصفحه واللى

عاوز ييجى يبجى بس متزعليش بقى من اللى مش حيقدر ييجى احنا جمب بعض فى اسكندريه لكن فى ناس بتابعنا من اماكن كتير

حياة خلاص ياحبيبتى ولا يهمك انتى بس بلغيهم

وعرفيهم

حسيبك بقى عشان اكمل لبسي ومكياجى

انا روحى ياقلبي خللى شيرين تفضل واقفه

على دماغ الميكب ارتيست اه انا عاوزاكى النهارده تبقى قمر

حياة ماااكيد حتعمللى اللى انتى عاوزاه مش انتى عارفه شكلى كويس

انا والله ياحبيبتى انا لا اعرف شكلك ولاعمرى شفتك انا بس راسمالك صورة فى خيالى بس انا متاكده انك حتكونى احلى من الصورة دى كمان ووالله بحبك كده لله فى لله

حياة وانا كمان بحبك اوى

انا . طيب ياللا روحى احسن الوقت بيجرى بسرعه وانا حجهز واجيلك حالاوطبعا بعد ما قفلت معاها ناديت على الولاد يامحمد ياريماس ياادهم

ريماس ايوة ياماما

انا ياللا ياولاد عشان نلحق نلبس عشان الليله احنا معزومين فى فرح حياة

محمد حياة اللى بتحب اسر ياماما

انا ايوة ياحبيبي هيه

محمد بس دى روايه ياماما

انا مااحنا حندخل جوة الروايه ياحبيبي ونفرح يوم من نفسنا

محمد طب وبابا مش حنقلله ييجى معانا

انا لاء بابا ايه بس ياحبيبي بقولك عاوزين نفرح

قصدى يعنى ياحبيبي انت عارف باباك ملوش فى جو الافراح ده خليه هو قاعد هنا وانا حاخدك انت واخواتك ونطلب اوبر ونروح

اه صحيح عاوزة الاول اكتبلكم ياحبايبي عشان اللى عاوز ييجى الفرح ده فرح حياة ياولاد ربنا يهنيكى يارب ياحياة ويهدى سرك ياحبيبتى يارب

يمر اليوم سريعا ويبدأ الجميع فى الاستعداد للانتهاء من اللبس والذهاب الى القاعه

فى منزل مصطفى

هنا ايه رايك ياحبيبي الفستان حلو علية

محمود قمر ياحبيبتى

هنا حبيبي ر بنا يخليك لية يارب

يجدون طرقا على الباب

يفتح محمود تعالى ياماما

خديجه تعالى ياهنا ظبطيلي الطرحه مش عارفه اعملها يابنتى

هنا حاضر يا ماما

خديجة يحضرلك الخير يارب ويكملك على خير ياحبيبتي يارب

بينما فى الاسفل كانت عفاف ترتدى فستانها ومصطفى يرتدى يرتدى بدلته الانيقه

مصطفى القمر بتاعى عيغطى على العرايس الليلادى عفاف دى عنيك هى اللى حلوة ياحبيبي

مصطفى حبيبتى انتى أجمل ست شافتها عنيه

عفاف حبيبي منحرمش منك يارب

هو مالك حيروح من هناك مع اسر وفارس

مصطفى ايوة مالك وفريد جوز شهد معاهم من الضهر وحيروحوا كلهم من هناك

عفاف ياحبايبي ربنا يحميهم لشبابهم يارب

بينما كانت وفاء ام مؤمن جالسه فى منزلها باكية دامعة العينين

وكانت تحدث نفسها ياااه ياولادى جبتوا قساوة القلب دى منين معقوله متجوش تباركوا لاخوكم وتقفوا معاه في يوم زى ده ياحبيبي يابنى عينى عليك ياضناياليه بس ياربي ليه ده انا مربياهم كلهم زى بعض تربيه واحده معقوله يهون عليهم مؤمن اخوهم يبجى فرحه وميحضروش ولا حتى يتصلوا اتصال واحد يباركوا ويعتذروا

طب ابوه وانا رميت طوبته من زمان لكن اخواته كمان يارب عوضه عنهم خير يارب يارب انت عارف انه طول عمره حنين وغلبان بس ملوش بخت مع ابوه ولا اخواته اقف جمبه وانصره يارب

فجاة تجد تليفونا ازيك يامدام عايده

عايده حبيبة قلبي العربيه جايالك فى الطريق عشان تيجى عندنا

وفاء لا ياحبيبتى انا حلبس واروح من عندى

عايده لا وربنا مايحصل احنا حنروح مع بعض من هنا وبعدين الواد فارس جايب زفه جميله لاسر ومؤمن واللا انتى مش عاوزة تشوفى مؤمن وهو بيتزف

وفاء ياااه ده يوم المنى ده هو ده اليوم اللي كنت بتمناه طول عمرى

عايده خلاص يبقى تجهزى والسواق جايلك فى الطريق

وفاء حاضر يا حبيبتى

غرفة سعيد وعلا

علا ياللا انزلى ياعلا انتى وشهد اختك على ماالبس انا كمان ياحبيبتى

علا حاضر ياماما

سعيد ايه رايك ياعلا تمام كده البدله مظبوطه علية

علا الله اكبر عليك يا قلبي ماشاءالله تبارك الله

والله اللى يشوفك كده يقول انك انت العريس

سعيد ههههههه حبيبة قلبي يالوله

علا لا يااخويا انا خاېفه عليك من العين بقولك ايه ياابوعلا اوعى واحده تبصلك كده واللا كده

سعيد ههههههه واحده تبصللى ايه بس ياعلا

علا ايوة ياحبيبي ده فيه بنات وستات يدبوا فى عينهم ړصاصه وانت الله اكبر عليك ربنا يحميك لشبابك يارب

سعيد وهو يمسكها من يديها وانتى كمان حلوة اوى ياعلا بسم الله ماشاء الله عليكى انا اوقات كتير بحسد نفسي عليكى وانك انتى مراتى

علا يالهوى ياسعيد ده انا اللى بحسد نفسي عليك ده انت روحى يانور العين ربنا يخليك لينا يارب وتفرح بعلا واخواتها ياحبيبي

يلتفت سعيد لمن يشده من ملابسه

سعيد حبيب بابا ياناس عقبال ماافرح بيك انت واخواتك ياحبيبي

علا سعيد ايه رايك فستانى حلو

سعيد حلو ده حلو لدرجة انى خاېف عليكى الليلادى من العين يانور العين

علا يالهوى يالهوي عالكلام اللى انا مقدرش عليه ده

يذهب الجميع الى القاعه التى تمتلئ بالناس والاهل والأصحاب وكل من يريدون تقديم التهنئه للعرسان

يصعد فارس وسعيد واسر ومؤمن ومازن وفريد ليصطحبا العرايس وزوجاتهم الى التصوير

يدقون على الباب فتفتح لهم احدى خبيرات التجميل

اهلا ياجماعه الف مبروك اتفضلوا

كانوا جميعهم على اتم الاستعداد

ينظر اسر ومؤمن ومالك وفارس وهم مندهشون

شيرين ايه رايكم فى المفاجأة الحلوة دى

مازن احلى مفاجاة يامراتى ياحبيبتى انا بفكر نفتح قناه دينيه وانا وانتى نديرها

شيرين ههههههههه

سعيد بسم الله ماشاء الله تبارك الله احسن الخالقين ايه الجمال ده كله يا قلب اخوكى

الحجاب منور على وشك ياحبيبة قلبي

حياة الله يبارك فيك يا قلب اختك ربنا يخليك ليا يا رب

انا حلوة يا اخويا

سعيد زى البدر المنور فى ليلة تمامه

كان اسر يقبل نور ويبارك لها على الحجاب ثم يقف ليترك المجال لسعيد مع اخته

سعيد تعالى يااسر واقف عندك ليه ياحبيبي

اسر وهو يقبل جبينها الف مبروك ياحبيبتى بس ايه المفاجاة الحلوه دي

حياة وهى فى قمة خجلها الله يبارك فيك يا حبيبي

شيرين اى خدمه ياعم عدوا الجمايل بقى

اسر ههههههه بركاتك ياشيخه شيرين

يمسك اسر من يديها ويقف بجوارها

بينما كان فارس يقبل اخته نور ويبارك لها الف مليون مبروك يا حبيبتى

نور الله يبارك فيك يا قلبي

فارس البيت حيبقى وحش اوى من غيرك يا ست البنات

نور خلاص يا حبيبي النونو حييجى ان شاء الله وحيملى عليكم حياتكم

فارس خللى بالك من نفسك يا قلبي وعاوزك تخللى بالك من جوزك يا حبيبتى

مع ان قلبي مش مطمن ربنا يستر بقى

نور خير يا فارس هو فيه حاجه

فارس لاء هو احنا مش حنعرف دلوقتى اذا كان فيه واللا لاء لسه كل شئ حينكشف ويبان

نور فارس هو في حاجه قلقتنى

فارس هههههه بهزر معاكى ياقلبي متقلقيش ان شاء الله ربنا حيستر

ثم يلتفت لمؤمن ماتتفضل معانا ياعريس واللا انت مش واخد بالك من عروستك

يقبل مؤمن ويقبل جبين نور الف مبروك ياحبيبتى والف مبروك على الحجاب

نور عجبتك المفاجاه ياحبيبي

مؤمن طبعا ياحبيبتى احلى مفاجأه فى الدنيا

فارس وهو يتوجه بالحديث لملك ايه ياباشا الحلاوة دى كلها

ملك ايه رايك فية فى الحجاب

فارس قمر وربنا قمر ربنا يثبتكم كلكم يارب

شيرين ايوة كده عى دى الدعوة الحلوة

واخيرا ياتى دور يسر

مالك اخر حاجه كنت اتوقعها انك تتححبي يايسر

يسر ليه ان شاء الله هو انا كنت ابو لهب

مالك ههههههه لا ياقلبي مقصد والله بس انا كلمتك كذا مرة وانتى كل مرة كنتى بتهربي وتقوليلي بعدين بعدين

يسر اصل بصراحه

شيرين اقنعتنى وكمان لقيت اختى حتتحجب قلت مش معقوله اختى تتحجب وانا لاء

فارس وانتوا بقى اتفقتوا مع بعض على كل ده امتى

شيرين من فترة بس قلنا نعملهالكم مفاجأة

سعيد احلى مفاجاة والله

اسر

وهو يقبل بناته ايه الجمال ده كله ياحبايب بابي

تولين وسيلين حلوين يابابي

اسر طبعا ياحبايب قلب بابي

سعيد ياللا بقى ياولاد عشان تتصوروا الناس كلها مستينه تحت

بعد الانتهاء من التصوير

ينزل اسر وفى يديه حياة

وينزل مؤمن وفى يديه نور

بينما كان فارس يحتضن ملك ومالك يحتضن يسر وفريد يحتضن شهد

يغلق باب القاعه وتبدا الزفه للعرسان الكل يخرج من داخل القاعه ليشاهدوا هذه الزفه المنتطرة

يصفق الجميع والزغاريد تعلو كل مكان والكل يقبل على العرسان ليهنئهم

وبعد انتهاء الزفه يدخل الجميع القاعه ويغلق الباب مرة اخرى وتطفا كل انوار القاعه استعدادا لدخول العرسان

يفتح الباب ويدخل العرسان على الانغام الموسيقيه الجميله والاطفال الصغار تولين وسيلين وعلا يمسكون لهم الشموع

ويسيرون امامهم

يدخلون القاعه وتضاء الانوار ويصفق لهم الجميع وتبدا فقرات الحفل الجميله

ويبدا الحفل برقصه خاصه للعرسان فيتقدم على البيست اسر وحياة ومؤمن ونور

اسر انا مش مصدق انك بين ايديا انا خاېف اكون بحلم

حياة طب وافرض كان حلم

اسر يبقى اجمل حلم حلمته فى حياتى

حياة مبسوط يا اسر

اسر انا مبسوط وفرحان اوى ياحياة من اول مرة شفتك فيها وانا اتشديت ليكى حاجه قالتلي انك حتكونى لية والحمد لله

حياة وانا كمان يااسر من اول مرة شفتك وانا اتشديتلك اوى بس انت بالنسبه لى كنت حلم بعيد صعب انه يتحقق

اسر خلاص ياحبيبتى الحلم بقى اجمل حقيقه فى الدنيا كلها

بينما على الجانب الاخر

مؤمن فرحانه يانور

نور اوى اوى يامؤمن

مؤمن ربنا يقدرنى واسعدك ياحبيبتى

نور بس انا شايفه فى عينك نظرة حزن ممكن اعرف سببها

مؤمن كان عندى امل ان حد من اخواتى ييجى الفرح بس الظاهر انهم خلاص خرجونى من حساباتهم

نور وهو انا مش كفايه عليك ياحبيبي انا حكون كل اهلك يامؤمن وربنا يقدرنى واكون مراتك واختك وحبيبتك وكل دنيتك

مؤمن انتى فعلا كل دنيتى يانور ربنا يخليكى ليا يا حبيبتي يارب

تقف الموسيقى ويعلن الميكروفون عن وصول الماذون للقاعه

ياخذ فهمى الماذون ويجلس به على احدى الطاولات التى قد تم حجزها مخصوصا للحظة كتب الكتاب

يجلس سعيد ومصطفى وحياة واسر ويجلس مؤمن وفارس

ومالك وفريد

فهمى حنكتب كتب كتاب اسر وحياة الاول

مصطفى ياللا ياسعيد عشان تحط ايدك فى ايد اسر

سعيد لا طبعا محدش حيحط ايده فى ايد اسر غيرك انت ابوها

مصطفى وانت الاخ اللى ربى وكبر والله ماحد حيجوز حياة غيرك

سعيد لا مينفعش يادكتور

فارس خلصونا ياجماعه احط انا ايدي فى ايده حتضيعولنا الليله انجز ياعم سعيد الله يخليك

يمد اسر يده لسعيد ليضع عليها الماذون المنديل وامامه الميكريفون ليعلن عن مراسم عقد قران اسر وحياة

ثم ياتى دور مؤمن ونور

يمد فهمى يده لمؤمن ليعقد قرانه على ابنته نور

تعلو الزغاريد فى القاعه ويتم التوقيع على الزواج والدعاء لهما بان يبارك الله لهم جميعا

يتم استكمال الفرح والان يصعد الجميع على البيست للرقص الهادئ

حيث تم اعلان ان كل كابل