حكاية ام

فقد وجدت فى مازن الشخص الذي استطاع ان يحتويها ويعطيها كل ماتتمنى احست معه بمشاعر لم تشعرها تجاه رجل من قبل

وبعد مرور فترة من الوقت يقرر مازن الاعتراف بحبه لشيرين التى ملاءت عليه حياته ويقرر ان يعرض عليها الزواج

مازن موافقه ياشيرين

شيرين موافقه يامازن

مازن مش حسه انك حتنظلمى بفعدتك معايافى مكان بعيد عن الدنيا كلها مكان مش حتشوفى حد فيه غيري

شيرين وانا مش محتاجه حد غيرك من الدنيا كلها يامازن

انا عمر قلبي ماعرف معنى الحب غير معاك وجودك فى حياتى هو الدنيا كلها يامازن

مازن بس احنا لازم نبدا حياتنا صح

شيرين تقصد ايه انا والله بقيت بصلي واتحجبت وحسه انى بقيت انسانه تانيه اتغيرت بفضل وجودك فى حياتى يامازن

مازن ايه رايك بعد مانتجوز نروح عمرة

شيرين ياريت يامازن

مازن مش حتندمى ياشيرين

شيرين انا اذا ندمت فانا حندم على السنين اللى راحت من عمرى وانا مش معاك

تبدا حياة مازن وشيرين الزوجيه وهى مملوءة بالحب والسعاده والاحساس بالامان الذى وجده كل منهم فى الاخر

اصبحوا لبعضهم الاهل والسكن والاصحاب استغنوا بحبهم عن الدنيا بما فيها

ثم توج حبهم بالاعلان عن حمل شيرين فى طفل من مازن يكون اعلان عن ميلاد عشق يجمع بين شيرين ومازن

يفيق مازن وشيرين من هذه الذكريات الجميله

نعم فكل هذه الذكريات كان مازن يتذكرها مع شيرين فقط استوقف الكلام مع اسر عن حياته قبل زواجه من شيرين وقال له بانه قابلها صدفه ليس اكثر لم يرد اخباره بشئ خاص بينهما

ولكن بعد ان اخذ شيرين وصعد بها الى الغرفه تذكرا معا تلك الذكريات الجميله

شيرين حتفضل اجمل ذكريات فى حياتى يامازن اول مرة شفتك فيها

جتلى منين ياحبيبي انا عاوزة اشكر القدر اللى كان رحيم بية اوى عشان اشوفك واحبك الحب ده كله

مازن حبيبتى احنا القدر جمع بيننا لان ربنا سبحانه وتعالى اراد انه يجمع بين قلبين تايهين وضايعين

ووصلوا بر الامان مع بعض

ربنا يخليكى لية ياست الستات

شيرين ويخليك لية يانور عينيه يااحلى حاجه فى حياتى كلها

فى اليوم التالي

جلس اسر يتحدث الى مازن فلقد احس انه مقرب اليه وبدا يشعر بالراحه فى الحديث اليه

اسر الهروب اللى انت فيه ده مش حل يامازن

مازن انا اتعودت على كده خلاص يااسر ومرتاح كده

اسر ازاى بس يعنى ينفع انكم تعيشوا فى مكان مقطوع زى ده

افرض حد اټهجم عليكم تعملوا ايه

انت وشيرين لازم تعيشوا وسط الناس والحمد لله كلها كام شهر وحيبقى معاكم طفل حيملى عليكم حياتكم ولازم يطلع يلاقى ابوه بيشتغل يلاقى نفسه عايش فى وسط اهله

مازن حفكر فى كلامك يااسر

ياخذ مازن راى شيرين فيما قاله اسر فتوافق اسر الرأى

مازن انتى شايفه كده يا قلبي

شيرين بص ياحبيبي انا معاك فى اى مكان فى الدنيا بس انا شايفه ان اسر معاه حق ايه رايك تعمل مشروع صغير ونعيش وسط الناس

وكل فترة نروح الشاليه نجدد فيه ذكرياتنا الجميله

مازن بس انا مفيش فى دماغى فكرة مشروع معين

شيرين انت ممكن تستعين باسر وهو يساعدك

مازن حفكر واشوف

بعد مرور يومين

مازن اسر انا فكرت فى كلامك واقتنعت بيه

اسر بجد يامازن

مازن ايوة بجد بس عاوز اخد رايك فى مشروع نفسي اعمله بعد ماقررت انى ابعد نفسي تماما عن مجال الزراعه

اسر قول يامازن

مازن انا حابب افتح سلسلة محلات للبيع عارف زى فتح الله كده ويكون البيع فيه بسعر الجمله عشان الناس تاخد الحاجه بسعر يناسبها وكمان يبقى فرصه انى اساعد الشباب اللى مش لاقى شغل يشتغل

اسر الفكرة حلوة بس محتاج راس مال كبير

مازن ماهى دى المشكله انا صحيح معايا مبلغ كويس بس خاېف ميكفيش بس ممكن اكمل بقرض من البنك

اسر طب ايه رايك ادخل شريك معاك

مازن بجد يااسر

اسر وليه لاء ونعتبر المشروع فيه صدقه لنساعد بيه الشباب على الشغل وبنقدم للناس طلباتها بسعر مخفض

مازن تمام يبقى نعمل الميزانية للمشروع ونشوف

بس ححتاج معايا واحد بيفهم فى البيع والشړا كويس حتى لو كانت ليه حصه من الارباح معنديش مشكله المهم يكون امين واقدر اعتمد عليه

اسر موجود اطمن شخص تقدر تاتمنه على نفسك ومالك وكل ماعندك

مازن بجد تعرف حد كويس كده

اسر واكتر من كده كمان ده انسان مش موجود فى الزمن ده

مازن تمام يااسر يبقى نبدا

من بكرة ان شاء الله

اسر ازيك ياابو علا عامل ايه

سعيد الحمد لله والله بسال عليك حياة دايما

اسر عارف

والله بقولك ايه انا عازم نفسي على كوباية شاي عندك

سعيد ياخبر ده انت تنور البيت بيتك

اسر طب خلاص انا جايلك مسافة السكه وحكون عندك

فى منزل سعيد

علا منور نا والله يااستاذ اسر

اسر البيت منور بيكم ياام علا

علا تعالي يامحمد ياحبيبي

اسر سيبيه معايا شويه انا بحبه اوى ربنا يحميه يارب

علا عقبال يارب ماربنا يديك انت وحياة الولد الصالح

اسر يارب ياام علا

علا طب انا جوة لو احتاجام اى حاجه نادوا علية

سعيد خير ياحبيبي شكلك فى حاجه عاوز تقولها

اسر ايوة ياسعيد وخاېف تكسفنى

سعيد ياخبر وانا اقدر بردو اتفضل قول

اسر محتاجك جمبي اوى ياسعيد فى مشروع حدخله مع واحد قريبي وححط جزء كبير من فلوسي فيه وطبعا انت عارف المحاماه مش مخلية عندى وقت عشان كده محتاجك تكون مكانى فى المشروع ده تخللى بالك من الفلوس وتقف جمبنا انا عارف انك بتفهم فى البيع وللشړا كويس

وحيكون لك حصه من الارباح ايه رايك

سعيد مش عارف والله بس انا بفهم صحيح فى البيع والشړا بس فى محل على ادى مش مشروع كبير

اسر حنتعلم ياسعيد

يتكلم اسر مع سعيد فى طبيعة المشروع الذى قرر ان يقوم به مع مازن حتى استطاع اقناع سعيد بالأمر

اسر انا بجد مش عارف اقولك ايه ربنا يخليك لية

سعيد ربنا يقدرنى واكون عند ظنكم فية

اسر اكيد ياسعيد انت الشخص الوحيد اللى اقدر اعتمد عليه

يمشي اسر ويتصل على مازن ليخبره بموافقة سعيد ولكى ياتى هو وشيرين ليريهم الشقه السكنيه التى سيسكنان بها ويتركان الشاليه

شيرين الله الشقه حلوة اوى يامازن

مازن عجبتك ياحبيبتي

شيرين حبيبي اى مكان معاك فى الدنيا جنه

اسر ايه ياجماعه لاحظوا ان معاكم واحد واقف راعوا مشاعره

شيرين ههههههه طب مستنى ايه

اسر خلاص هانت كام يوم ونحدد المعاد بامر الله

شيرين ربنا يهنيك يااسر يارب

تمر الايام وهى تحمل السعاده لكل القلوب نعم فلقد ان الاوان ان ترتاح كل القلوب بما شقت وتشعر بلذة الحياة

فى صباح احد الايام التى بدات تهب بنسمات عطرها تجلس فى حديقة الفيلا وهى تستذكر بعض دروسها وتستمتع بنسيم الهواء وتشم رائحة الصباح المنعش الذى يبعث النساط والحيويه والتفاؤل والامل فى غد مشرق

فجاة تجد من ياتى من خلفها ويتحدث اليها

صباح الفل والياسمين على عيون ست البنات

حياة صباح الخير يا بابا

مصطفى بتذاكرى ياحبيبتى

حياة ايوة يابابا لقيت الجو جميل قلت انزل اذاكر فى الجنينه شويه هى ماما صحت

مصطفى لاءةالقمر بتاعى لسه نايم

حياة ربنا يخليكم لبعض ويديم بينكم المحبه

مصطفى ويخليكم لينا يارب انتى ومالك ويسر وتفضلوا ماليين علينا حياتنا

حياة بتحبها اوى كده

مصطفى تقصدى مامتك

حياة ايوة مامتى فاكر لما قعدنا هنا وسألتني عن رايي فى جوازكم

مصطفى ايوة طبعا يا حبيبتى فاكر

حياة كان نفسي اسالك بتحب ماما اد ايه بس وقتها مش عارفه ليه حاجه منعتنى اسالك السؤال ده

مصطفى ودلوقتى نفسك تعرفى ياحياة

حياة انا متاكده من انك بتحب ماما حبك ليها واضح وشايفاه بعنيا بس نفسي اعرف ازاى حبتها وامتى قررت انك تتجوزها مكدبش عليك يابابا فى اساله كتير جوايا نفسي اعرف اجابتها مش عاوزة اسمع اجابتها من ماما عشان ممكن من غير مااقصد اخليها تفتكر ايام صعبه ومرة عدت عليها

مصطفى بس نفسك تسمعيها منى مش كده

حياة لو ده مكنش يضايقك او يعطلك عن شغلك

مصطفى انا مفيش حاجه تعطلنى عنك ياحبيبتى

مامتك دى ياحياة طاقة النور اللى اتفتحتلى من السما هى اللى نور ت دنيتى فى عز العتمه اللى كنت عايش فيها بذنب مراتى الاولى اللى حكمت عليها بالمۏت

مرتين اول مرة لما وافقتها فى انها تكمل حياتها معايا مع انسان ربنا قدرله انه يكون عقيم واحرمها من انها تكون ام والمرة التانيه لما حرمتها من حقها فى الحياة ووافقتها فى انى اعملها عملية الورم واللى ياما عملتها لناس ونجحت بس يشاء رب العالمين انها ټموت وانا بعمللها العمليه

عشت سنين بتالم حياتى كانت فاضيه مفيهاش غير يسر لحد ماقابلت مامتك ياحياة كانت تايهه مش عارفه هى مين ساكته مبتتكلمش سنين وسنين بتمر علية وهى ادام عينيا حبتها من قبل مااسمع صوتها ولا اعرف هى مين حبتها وعشقتها ياحياة لدرجة انى بقيت خاېف انها ترفض حبي

لحد ماربنا اراد انه يتم شفاها بمساعدة مالك واتجوزنا بعد فترة طويله مش قادر اقولك ان اجمل واسعد يوم فى حياتى هو اليوم اللى مامتك بقت فيه مراتى

اطمنى ياحياة مامتك مش بس مراتى مامتك حبيبتى وكل حياتى

وكل هدفى فى الدنيا انى اكون سبب فى سعادتها

حياة ربنا يخليكم لبعض يابابا

مصطفى حبيبتى مش عاوزة حاجه منى اجيبهالك معايا

حياة هههههه يابابا اناكبرت خلاص

مصطفى البنت مهما تكبر بتفضل فى عين ابوها طفله صغيرة

وانتى ويسر حتفضلوا طول عمركم فى نظرى اطفال

حياة ربنا يخليك لينا ياحبيبي بس انا بعد اذنك اسر عازمنى النهارده على الغدا النهارده

مصطفى قوليلي الاول سعيد بيعمل ايه لما بتقوليله ان اسر عازمك عشان اعمل زيه

حياة ياحبيبي يااخويا سعيد ربنا يخليه لية يارب كان بيذلنا انا واسر عشان يوافق على خروجنا

مصطفى واسر مكنش بيضايق

حياة ابدا والله بالعكس ده كان بيعليه فى نظره اوى

مصطفى اممممم طب اعمل ايه انا دلوقتى بقى

بصي خلاص المرة دى سماح روحى ياستى لحد مااعمل مداولات مع سعيد فى الموضوع ده

حياة هييبه يعني حروح معاه

مصطفى ههههههه ايوة ياحبيبتى روحى وانبسطى

يفرح سعيد ويسعد بمعاملة حياة معه وقربها منه بهذا الشكل

فى السچن

شادي خلاص ياكريم كلها كام شهر وحتبقى بيننا ان شاء الله

كريم ان شاء الله ياشادى

كريم هبه عامله ايه وحشتنى اوى

شادي والله العظيم كانت حتموت عشان تيجى معايا بس بعد ما كان حيحصلها اجهاض والدكتورة حرجت عليها الحركه وهى تقريبا مبقتش بتتحرك نهائى حتى داليا بتيجي تعمللها كل حاجه وترجع تانى عند ماما وعلى فكرة داليا هى اللى عاملالك كل الاكل ده

كريم تسلم ايديها وعنيها

شادي ايه ياعم مش حتحن عالبت بقى وتخليها تيجى تزورك دى حتموت عليك ياعمنا

كريم معلش يا شادى انا مقدرش اخللى داليا تشوفنى وانا بلبس السچن

شادي خلاص هانت ياكريم وعلى فكره انا ظبطت المحل والشغل والدنيازى الفل عشان اول ماتخرج بالسلامه نقسم الشغل بيننا عشان اخوك تعب عالاخر كمان عاوز لما هبه تولد ان شاء الله اقدر اقعد جمبها وافرح بابنى شويه

كريم ربنا يكملها على خير يارب ياااه انا مش مصدق كرم ربنا بجد انا مش عارف لولاك كنت انا واختى عملنا ايه انت انقذتنا احنا الاتنين يا شادى

شادي متقلش كده ياكريم ده احنا اخوات ياحبيبي وخلاص هانت اوى الحمد لله

بس نفسي ربنا يكمل فرحتنا على خير و اسلمك اللى حتموت عليك دى

كريم داليا ياااه متعرفش بحلم باليوم اللى حيتقفل علينا فيه باب واحد ازاى

شادي حييجى وحنفرح كلنا وحعملك م حتة فرح متعملش لحد قبل كده

كريم تعرف ياشادى انا زمان كنت بحلم باليوم اللى اجوز فيه هبه اختى وارقصلها فى فرحها وازفها حتة زفة مفيش بنت اتزفتها بس للاسف كل دى

بقت احلام

شادي ربك كريم ياكريم ونحمد ربنا على كل حال

كريم ونعمه بالله

فى احد الأحياء الراقيه بمدينة الاسكندريه

فى شقة

مازن وشيرين

شيرين حبيبتى ريحى دلوقتى شويه لحد ماناكل احسن انا عصافير بطنى بتصوصو

نور ماشي ياشيرين

عايده ياللا يابنات الاكل على السفره

نور الله مكرونه بالبشاميل وفراخ مشويه واو

شيرين تسلم ايدك ياماما الاكل شكله يجنن

عايده بالف هنا وشفا ياحبايبى ياللا بقى اقعدوا

شيرين القعده الحلوة دى كانت عاوزة ملك

نور ههههههه هههههه

شيرين بتضحكى على ايه

نور اصل ملك ناويه تلزق النهارده لفارس ومصممه تروح معاه الميتينج

شيرين يالهوى عليها مجنونه وربنا وفارس وافق

نور والله مااعرف احنا مشينا وجينالك واحنا منعرفش ناويين على ايه

عايده وهى تقطع قطع المكرونه يااختى فككم منهم دول مهابيل والاتنين اعبط من بعض

شيرين حنفرح بيكى امتى يانور

نور مع اسر ان شاء الله

شيرين بجد انتوا حتعملوا فرحكم مع بعض

نور ايوة وكمان حنروح شهر العسل مع بعض

شيرين بس خللوا بالكم اكيد فارس وملك حيشبطوا هههههه

عايده انتى بتقولى فيها ماده اللى حيحصل بس مش حينفع

معاد ولادة ملك حيبقى على الفرح تروح معاهم تعكنن عليهم فى شهر العسل ويجرونا وراهم خليهم قاعدين هنا

نور بصي ياشيرين اوضة النوم اتظبطت وحطيتلك كل حاجه فى مكانها واوضة النونو ان شاء الله بقت تمام

دلوقتى فاضلنا الليفينج والمطبخ

شيرين حبيبتى منحرمش منك يا رب تعبتك معايا ياقلبي

نور وهى تاكل لا ياروحى مفيش تعب ولا حاجه احنا اخوات

يعلن تليفون شيرين عن إتصال

شيرين ايوة ياحبيبي عاملين ايه

مازن اهوه والله بنشتغل باقصى مجهود عندنا وبصراحه سعيد اخو حياة هلكان ربنا يقويه يارب

والاستاذ اسر خلع من شويه راح يقابل الجو بتاعه

شيرين ههههههه هههههه حبيبي انت مالك بقيت بتتكلم زى الواد فارس كده ليه

مازن تصدقى معاكى حق اصله كل شويه ينطلنا ولقطت منه شوية كلام

شيرين لا ياروحى خد بالك هههههه

مازن مټخافيش على جوزك حبيبك

شيرين وهو بينطلكم كل شويه ليه

مازن اهوه بيقعد يلف بين الاقسام وبينى وبينك كده بشوفه وهو عمال يعاكس البنات اللى شغالين هنا

بس بصراحه انا كلمت اسر فى الموضوع ده وقلتله انى مبحبش كده عشان ربنا يباركلنا فى شغلنا

شيرين مفيش فايده فيه انا مش عارفه هو بيعمل كده ليه مع انه والله العظيم بېموت فى مراته وروحه فيها يبقى لزمته ايه اللى بيعمله ده انا نفسي افهم

مازن اكيد ده طبعه طول عمره انا اعرف ناس كتير زي فارس مبيقدرش يبعد عينه عن اى واحده يشوفها ربنا يهديه يارب وينور بصيرته

شيرين متزعلش منه ياحبيبي والله ده طيب اوى مفيهوش غير العيب ده بس

مازن لا والله انا بعزه ومتاكد من انه كويس بس بردو اللى بيعمله ده غلط وانا مصمم انى افضل وراه لحد مايتعدل

شيرين حبيبي انت حتقوللى ده انت الشيطان يتوب على ايدك

مازن لايا شيرين مش كده بس احنا لازم نعمل