حكاية ام

حاجه سعادتك ياحبيبتى

مبسوطه يا نور عينيه

حياة مبسوطه اوى اوى ياماما اسر ده احلى حاجه فى حياتى كلها

عفاف ربنا يسعدك يا حبيبتى يارب

فجاة تشعر حياة بالدوار

عفاف مالك ياحبيبتى فى حاجه

حياة مش عارفه يا ماما دخت بس شويه عفاف تلاقيه من إرهاق الامتحانات يا حبيبتى

ربنا ينجحك يارب

ولكن حياة تقوم سريعا لتتقيا فى الحمام

عفاف مالك ياحياة

حياة مش عارفه ياماما حسه انى عاوزة ارجع الظاهر اخدت برد

عفاف حبيبتى يمكن تكونى حامل

حياة حامل لا مش معقول

معقوله اكون حامل تصدقى ممكن يكون صح ياماما انا الامتحانات نسيتنى ياماما الموضوع ده

ماما انا عاوزه اعمل تحليل عشان اتاكد

تطلب عفاف من الخادمه تذهب لاحضار اختبار حمل من الصيدليه سريعا

ثم تعطيه لحياة

حياة بعد مده من دخولها الحمام ماما انا حامل ياماما

عفاف ياحبيبتى الف مبروك ياحبيبتي الف مبروك

فرحه شديده لم يسعها قلب الجميع ما كل هذا الهناء الذى تعيشه هذه الاسر التى أصبحت أسرة واحده لم يجمع بينهم روابط ډم وانما جمع بينهم الالفه والحب والنسب والصداقه

فارس وهو جالس واضعا قدم فوق الاخرى وامامه ريان هذا المسكين الذى كتب له الحظ ان يكون والده فارس

كان يتحدث إليه وكأنه يفهمه بينما ينظر الجميع اليهم فى تعجب وحاله من الاندهاش التى يتحدث بها فارس الى ذلك الرضيع

فارس انا اعتقد ياريان يابن فارس والأخت ملك انك حيكونلك شأن كبير ايوة ده بالتاكيد اللى حيحصل عارف ليه ياابنى العزيز عشان انت محظوظ والحظ خدمك اكتر لما طلعت ابنى من يوم ماجيت ياحبيبي وانت وشك وش السعد انت المفروض كان يبقى اسمك سعد

يمكن تبقى زى سعد زغلول فى يوم من الايام

انا لازم انزله اعتذار رسمى فى الصحف والمجلات على سوء ظنى فيه

ياااه ياه هو شغل المقاولات بيعمل كده تلاته عمتك حامل في تلاته يعنى من اول شهر وكمان تلاته فهم ليسوا واحد ولا اثنان بل ثلاثه ده لو كسبهم فى فوازير رمضان واللا فى كيس شيبسي واللا فى كيمو كونو مكنوش يبقوا تلاته يكونش كان عنده عرض لو مراته حملت فى واحد ياخد عليهم اتنين هديه

جوز عمتك ده يابنى المفروض يستعان به فى حل مشكلة فلسطين

المفروض يدخل موسوعة جينز

ده المفروض يتعملله مقام جمب المرسي ابو العباس

كل ده حصل ببركة وجودك يارونى فى حياة هذه الاسرة

لاء وخد عندك بقى التقيله القنبله قنبلة الموسم امك امك ياحبيبي اللى قعدت سنين وسنين على ماعرفت تجيبك ياقلب ابوك تصور امك حامل يعنى لما تفتح تفتح مرة واحده يبقى لسه عندك تلت شهور ياقلب ابوك وامك حامل تانى

بس ياخسارة حامل فى واحد بس

اهئ اهئ اهئ

انا شكلى وحش اوى ادام العيله دى بقى فارس اللى طول عمرى فارس

فارس ايه بقى ده انا طلعت فارس بنى خيبان كل مرة معرفش اجيب غير واحد

وعمك الراجل المحترم اللى بيضرب بيه المثل فى الاخلاق والقيم والمثل العليا اول طلعه ليه يجيب اتنين

وعمتك اول طلعه ليها تلاته وانا بطل هذه العائله واحد بس الحمد لله ان ربنا نصرنى ورفع راسي وامك اهيه ربنا نفخ فى صورتها وحتجيب التانى ان شاء الله

كان الجميع ينظرون اليه والى مايتحدث به الى هذا الوليد وهم مندهشون منه والعجيب ان ريان كانت عيونه مسلطه على ابيه وكانه يفهم مايقول له

تولين بابي

اسر نعم ياروح بابي

تولين هو رونى فاهم عمو بيقولله ايه

اسر لا طبعا ياحبيبتى ريان صغير مش حيفهم اللى ابوه بيقولهوله

فارس لا انا ابنى ذكى لابوه واكيد فاهمنى صح انطق ياريان قلهم انك فاهم ابوك ياحبيبي

سيلين لا يافارس ريان صغير مش حيعرف يرد عليك مش كده يابابي

اسر لا حول ولا قوة الا بالله فارس اټجنن مخه ضړب ياحبيبة بابي

عايده

وهو يعنى ده جديد عليكم ماطول عمره لاسع يابنى انت ياهمى الكبيرصللى عالنبي كده احسن جوز اختك بعد الشړ يحصلله حاجه

من كتر كلامك ده يادى النيله علية وعلى خلفتى السوده

فارس يحصلله حاجه ده ايه بعد الشړ عنه انتى بتقولى ايه ياامى طب انا عاوز بس حد يقربله وانا امحيه من وش الدنيا ده فخر العائله ده انا حعمل برواز للعائله وححط صورته فى النص وحكتب عليها الفرعون

ملك ماما انا خاېفه على فارس اوى ده المفروض يتحجز عند مالك فى المستشفى قبل ماحالته تسوء اكتر من كده

ده ياعينى من يوم ماعرف موضوع نور وحمل حياة واللى زاد وغطى من ساعة ماعرف انى حامل وهو ياحبيبي بقى رايح جاى يكلم نفسه

اسر بصوا بقى يتجن يتهبل انا كل اللى يهمني الولد وبس هات ريان ياتحفه انت الولد مذهول من اللى بيسمعه

انا مش قلتلكم ملك مش دعوة بالولد انا شكلى كده حاخده معايا المكتب بصراحه انا مش مطمن عليه وهو قدام فارس كده

الجميع يضحك بشده

بينما فارس ماشي ماشي ليك حق تعمل اكتر من كده بعد مابقى شكلى زباله فى وسط العيله دى

عايده خلاص ياحبيبي ولا تزعل نفسك مش مراتك ربنا كرمها وفتحت عالرابع هاتلك كل سنه عيل وبكده حتحصلهم ان شاء الله

فهمى يحصل مين ياعايده انتى كمان هما داخلين سباق فارس ده اتهبل ومخه ضړب

فارس والله انتوا ماعارفين قيمة وجودى فى العيله دى ده لولا بركات ابنى ريان هى اللى حلت على هذه العائله

اسر طبعا ده اكيد حبيب قلب عمو ياناس هو اللى جه وجاب معاه الخير كله

ربنا يحميه ويخليه ويبارك فيه يارب العالمين

تدخل حياة الغرفه هههههههه هههههههه

اسر حبيبتى كفايه خاېف عليكى من كتر الضحك

حياة مش قادرة والله ماقادرة كل ماافتكر منظر اسر وهو بيكلم ريان نقدرش اوقف الضحك اقسم بالله انا خاېفه افتكر وانا فى المحاضرة اضحك الدكتور يطردنى من المحاضره

اسر لاياحبيبتى مينفعش المحاضره ليها احترامها

حياة ححاول امسك نفسي والله وحقول لهدير لو لقتنى بضحك تقرصنى عشان اسكت هههههههه هههههههه

اسر الواد فارس نشر عدوته فى البيت كله الله يخرببيت سنينك يافارس

بس قوليلي ياقلبي اخبار هدير ايه

حياة اخبار هدير ازاى يعنى ده انا اللى المفروض اسالك هى مش بقت بتشتغل عندك

اسر وهى يعنى عشان بتشتغل عندى حعرف اخبارها انتى اللى صاحبتها واكيد تعرفي كل حاجه عنها

حياة بص ياحبيبي انا والله بحبها جدا وربنا يعلم غلاوتها عندى هى بنت حلال اوى وطيبه جدا وخدومه بشكل لو لقت حد محتاج مساعده تقدمهاله من غير مايطلب

يعنى الاسبوع اللى فات واحده زميلتنا ابوها اتوفى فمجتش اليوم ده الكليه ولما اتصلت عليها مردتش فقلقت عليها والله تانى يوم قالتلي انها كانت مع زميلتنا طول اليوم من ساعة مادفنوا باباها وفضلت جمبها اليوم كله وماسابتهاش لحظه وتانى يوم اخدتنا رحنا عزينا البنت ساعة مااتصلت بيك ياحبيبتى واستئذنتك

وقبل مانروح طلبت مننا ان كل واحده تحط اى مبلغ تقدر عليه وتعرف يااسر هى اول واحده دفعت برغم انى متاكده ان ظروفها على ادها ومردتش تديها هى الفلوس خلت المعيده اللى راحت معانا العزا هى اللى تديها الظرف عشان هى اكبر واحده فينا وعشان زميلتنا متتكسفش مننا

ده غير انها من وقت ماعرفت انى حامل وهى خاېفه علية اوى وكل مانحتاج نصور ورق او نشترى حاجه تخلينى انا استريح وهى اللى تعمل كل حاجه بس مع كل ده هى من النوع الكتوم اوى ومش بتحكى حاجه تخص حياتها الخاصه خالص الا اذا سالتها بتجاوبنى لكن متحكيش من نفسها

اسر يعنى متعرفيش اذا كان فى حد فى حياتها واللا لاء

حياة ليه ياقلبي هو انت جايبلها عريس

اسر ياريت والله ياحياة انا لو قدامى حد مناسب ليها مش حستخسره فيها ابدا

حياة طب واخوها اخباره ايه فى الشغل

اسر سعيد بيشكرلى فيه اوى وبيقوللى محترم وفى حاله ومجتهد جدا وملتزم

حياة طب الحمد لله ههههههههه هههههههه

اسر فى ايه يا بنتى مالك

حياة مش قادرة يااسر افتكرت فارس

اسر هههههههه ده مخه ضړب خلاص

حياة بس طيب والله وقلبه ابيض

اسر عارف والله ياحبيبتى انتى عارفه ياحياة طول عمره فقرى

ههههههه عارفه واحنا فى المدرسه مكنش بيسيب بنت الا لما يعاكسها ده حتى المدرسات كان بيعاكسهم طول عمره منحرف

ربنا يستر على ريان منه انا لولا انه بيرضع كنت رحت اخدته منهم وجبته ينام هنا معايا

حياة بتحب ريان اوى كده يااسر

اسر ريان ده حته من قلبي انا مهما قلتلك بحبه اد ايه مش حتتخيلى ده مش بس ابن اخويا ده نور عينيه من جوه انا بحس انى بخاف عليه من الهوا الطاير

حياة ايوة عارفه انت حتقوللى فاكر يوم تطعيم الشهرين لغيت المكتب وصممت انك تروح بنفسك تطعمه وفضلت جمبه طول اليوم وكنت بتديه الخافض بنفسك

اسر بحبه اورى ياحياة ونفسي اشوفه احسن راجل فى الدنيا وخاېف عليه من الاتنين المجانين اللى هو نايم وسطهم ياضنايا بابنى

اراهنك ان المچنون ابوه دلوقتى مقعده وعمال يحكيله عن بطولاته مع النساء وانه فلانتينو زمانه

وطبعا ملك تقعد تقولله يافروستى الواد اخلاقه حتبوظ وهو يقوللها لا اطمنى ابنى حيطلع راجل ويفضلوا يغنوا ويردوا على بعض

حياة اسر هو انا لو خلفت بنت حتزعل

اسر حبيبة قلبي ليه بتقولى كده

حياة مش انت قلتلي انك نفسك فى ولد اوى

اسر ايوة نفسي فى ولد مبنكرش بس هل ده معناه انى انا حزعل لو ربنا رزقنا ببنت لا والله ابد ده كله رزق من عند ربنا وسواء كانت بنت او ولد الحمد لله وكفايه انها حتكون اخت تولين وسيلين وحتكون منك ياحبيبة قلبي والبنات رزقهم واسع انتى عارفه يوم ماعرفنا ان جنى حامل في بنتين وقتها جنى بردو جالها نفس الاحساس وكانت خاېفه اوى انى ازعل لكن انا اقسم بالله العظيم الدنيا مكنتش سايعانى من الفرحه

ويومها المكتب مسك قضية قتل والمتهم كان رجل اعمال كبير ووقتها اخوه قاللى

لو كسبت القضيه حيدينى نص مليون جنيه والحمد لله ربنا يوفقنى وكسبت القضيه وعملت بالمبلغ وديعه باسم البنتين

وانا اهم حاجه عندى انكم تقومولى بالف سلامه ياحبيبتى

حياة ربنا يخليك ليناياحبيبي يا رب

اسر ويخليكى لية ولبناتك ياست الكل

فى شقة كريم وداليا

داليا ربنا يخليك لية ياحبيبي يارب

شادى اى خدمه ياست الكل الشقه بقت تمام فل الفل مش ناقص غير العفش

داليا انا مش قادرة اصدق معقوله فاضل شهرين بس وكريم حيبقى معانا

شادى ايوة باحبيبتى ربك كريم اوى وياللا بقى استعدى ياست البنات اما انا حعملك حتة فرح مااتعملش لحد قبلك

هبه ربنا يهنيكى ياحبيبة قلبي يارب

داليا ويقومك لينا بالسلامه يارب ياهبه

هبه يارب ياحبيبتى

شادى مالك ياهبه فى حاجه مضايقاكى

هبه لا ابدا باشادى ليه بتقول كده

شادي مش عارف حسك مسهمه كده وزى مايكون فى حاجه مضايقاكى

هبه لا طبعا مفيش حاجه عن اذنكم بس انا حروح عشان حسه انى تعبانه شويه

شادى طب اجى اوصلك

هبه لا ياحبيبي خليك انت مع داليا عشان تظبطوا كل حاجه وانا حروح البيت لوحدى

داليا هى هبه مالها

ياشادى حساها متضايقه من حاجه

شادى مش عارف والله ياداليا

تخرج هبه وهى تمسح دموعها انتى اتجننتى واللا ايه ياهبه انتى من امتى كنتى كده ده انتى مفيش عندك اغلى من كريم وداليا ربنا بهنيهم يارب ليه مستكترة عليهم الفرحه ليه زعلانه ان شادى حيعملهم فرح

زعلانه عشان كان نفسك تلبسي فستان فرح خلاص ياستى ملك يش نصيب احمدى ربنا بقى هو ليه الانسان كفور بنعمة ربنا كده مش تحمدى ربنا وتشكرى فضله

افرحيلهم ياهبه افرحى لاخوكى وداليا حبيبتك وانسي ياهبه وافتكرى انك اتجوزتى الانسان اللى كتنتى بتحلمى بيه العمر كله واديكى اهوه حتبقى ام كمان ايه كل ده مش مكفيكي واللا ايه

تمسح هبه دموعها الحمد والشكر ليك يارب

فى مكتب اسر

يدخل اسر المكتب فيجد هدير تقوم بالعمل بكل همه ونشاط

حتى انها لم تنتبه لدخوله

اسر صباح الخير ياهدير

هدير صباح النور يا استاذ اسر

اسر معلش ياهدير انا عارف ان ضغط الشغل عليكى كتير حقك علية

هدير لا والله يااستاذ اسر انا مش تعبانه ولا حاجه

اسر عالعموم هما اسبوعين وفرح حترجع ان شاء الله

هدير ربنا يهنيها ويسعدها يارب خلليها تنبسط يااستاذ اسر وتفرح دى بتعيش اجمل ايام حياتها

اسر عقبالك ياهدير لما نفرح بيكى انتى كمان

هدير ربنا يخليك يارب

اسر هدير معلش حتعبك ممكن تعمليلي فنجان قهوه عشان عم عبده مش موجود النهارده

هدير حاضر يا استاذ اسر ثوانى وحيكون عندك تحضر هدير الادوات اللازمه لعمل القهوة ثم تقوم باعدادها

فتجد من ياتى من خلفها اعمليلي انا كمان فنجان قهوة بس يارب تعرفى تعمليها بوش حلو مش شبه وشك

تلتفت هدير وهى متأكده من صاحب هذا الصوت

فبرغم انها لم تراه منذ شهرين ولكن من غيره يتحدث اليها بهذه الطريقه المهينه

هدير استغفر الله العظيم ياربي عالصبح

والله انا كنت مرتاحه من وشك الفترة اللى فاتت

امجد ليه وهو حد قالك انى جاى اتملى فى جمالك واللاحاجه

هدير انت متتكلمش معايا خالص انت فاهم استاذ اسر جوة اتفضل ادخله ثم تعطيه ظهرها ياساتر يارب انا مش عارفه ايه البلاوى اللى بتتحدف علينا دى

أمجد اش اش اش ايه اللبس الجامد ده شكل اسر مظبطك فى المرتب والنعمه بانت عليكى لاء بس طقم جامد الصراحه بس مش لايق عليكى كان عاوز واحده مزة كده مش شبهك

ثم يمسك هاتفها ويقول وايه ده كمان ياسلام عالموبيلات الحديثة الله يرحم التليفون المعفن ابو زراير اللى كنتى ماسكاه وده بردو من المرتب واللا من حبيبك اللى كنتى واخداله لب وسودانى هو اللى جابهولك

بس اكيد انتى واقعه على واحد كحيان شبهك ماهو اصل الكويس حيبصلك على ايه وانتى وشك شبه قفاكى كده

هدير وهى ترد عليه بسخريه ملك ش فيه مين جابهولى شئ ميخصكش و حتى لو كان حبيبي كحيان عاجبنى انت مالك يااخى ثم تاخذ من يده التليفون وايدك متتمدش على حاجه متخصكش انت فاهم

ينظر اليها امجد بغيظ فلقد استطاعت ان تستفزه بردها الهادئ فهو يريد دائما ان يستفزها ويرى دموعها وانكسارها أمامه ولكنه فشل فى هذه المرة فلقد استطاعت هدير ان تظهر عكس مافى داخلها

يضع يده على مقبض الباب وهو يتوعدها بعينيه بينما هى كانت تنظر اليه نظرة تحدى ظاهرة فى عينيها

اسر اهلا بامجد باشا

أمجد ازيك يااسر عامل ايه

أمجد تمام الحمد لله على كل حال

تدق هدير الباب وتضع القهوة امام كل