حكاية ام

انت تقصد ايه بالكلام ده

اسر اقصد انك يمكن لو كنت سامحت اخوك زمان او حتى كنت اديتله فرصه بس يتكلم معاك كان ممكن وقتها ربنا سبحانه وتعالى جعل هدير تسامحك هى كمان

لكن انت قفلت كل الابواب فى وشه فمتزعلش دلوقتى من اللى هدير عاملاه معاك ياصاحبي

أمجد اسعد هو فين واللا اراضيه فين ماهو مش خلاص ومحدش يعرف عنه حاجه

اسر أمجد اللى متعرفوش ان اسعد اخوك لحد النهارده على اتصال بية

أمجد انت بتكلمه من ورايا يااسر

اسر هو اللى دايما يكلمنى ياامجد عمره مابطل يتصل يسال عنك ويعرف اخبارك ولحد دلوقتى بيحلم باليوم اللى تسامحه فيه وتغفرله اللى حصل منه زمان

وعشان اكون صريح معاك انا اتصلت بيه كام مرة بس لما عمل الحاډثه

أمجد حاډثه حاډثة ايه

اسر عمل حاډثه عربيه هو ومراته وولاده بس الحمد لله مراته وولاده خرجوا كويسين لكن هو

أمجد هو هو ايه ياامجد اتكلم اسعد حصله ايه

اسر كسور شديده فى العمود الفقرى ادت الى اصابته بالعجز وعدم القدرة على المشي وبعد اكتر من عمليه عملها بقى يادوب بيقدر يمشي على عكاز بس بيكون بصعوبه جدا

أمجد ايه معقوله الكلام ده اخويا انا يحصله كل ده وانا معرفش ليه ماقلتليش يااسر ليه

اسر كنت عاوز اقولك والله ياامجد بس اسعد رفض وبشده

أمجد اسعد هو اللى رفض انك تقوللى مش معقول

أمجد ايوة ياامجد وقتها قاللى انه عارف انك لو عرفت يااما حتشمت فيه ويبقى عندك حق بس ده حيكون ليه تاثير سلبي عليه لان وقتها كل الدكاترة اجمعوا ان العامل النفسي اهم حاجه ويااما حتشفق عليه وهو

مش عاوز يكون محل شفقه وعطف من حد وخصوصا لو كان الحد ده انت

وبرغم الامه الشديده الا انه برضوا كان بيتصل دايما عشان يعرف اخبارك باستمرار

أمجد هو اتجوز وخلف

اسر ايوة اتجوز واحده مصريه من الاب لكن امها اجنبيه اتعرفوا على بعض ووقفت جمبه وقت ماكان تعبان نفسيا أول ماسافروشجعته كتير

أمجد عنده ولاد اد ايه

اسر عنده أمجد وأحمد ورقية

أمجد أمجد واحمد ورقيه

اسر ايوة قاللى انك انت وباباك ومامتكم الله يرحمهم اكتر اشخاص حبهم فى حياته كلها عشان كده سمى اولاده على اسمك واسم باباك واسم مامتكم

يجد أمجد الدموع تنزل من عينيه دون ان يشعر

اسر واللى انت متعرفوش انه هنا فى مصر

والد زوجته اتوفى وكان موصيهم يدفن فى بلده واسعد جه مع مراته وحماته وولاده عشان يدفنوه واول حاجه عملها اول ماجه انه اتصل علية وقابلنى عشان يطمن عليك بس لما شفته قلبى وجعنى عليه اوى وعلى رجله اللى مش قادر يمشي عليها

وهو خلاص مسافر تانى ومش ناوى يرجع تانى منيفسكش تشوفه ياامجد تشوفه ولو مرة واحده ياعالم الوشوش حتتقابل تانى واللا لاء

أمجد شفت ولاده

اسر كان جايب معاه امجد ابنه الكبير بيقول انه

بيحبه اوى عشان اسمه على اسمك تعرف ياامجد انه حتة منك كانه ابنك انت مش ابنه شبهك بالظبط سبحان الله وورانى صورة احمد امور اوى والبنوته ياربي عالجمال سبحان من صور وابدع العرق الاجنبي ماثر فيها جامد بصراحه عيال تعقد ربنا يحميهم يارب

تعرف ان امجد هو كمان سالنى عليك ونفسه انه يشوفك اوى

أمجد هو يعرفنى

اسر اللى فهمته من أسعد انهم متعلقين ببعض اوى وبيحكيله كل حاجه والولد هو بيسالنى عنك حسيت الدموع جريت فى عينيه ونفسه اوى يشوفك

يعلن هاتف اسر عن اتصال من حياة

اسر حبيبة قلبي انتى فين

هدير الحقنى يااستاذ اسر

اسر خير ياهدير فى ايه حياة حصلها حاجه

هدير كانت عندى وبعد مانزلت على السلم تعبت اوى وانا طلعتها عندى تانى وهى دلوقتى تعبانه اوى شكلها بتولد

اسر بتولد حياة بتولد انا جاى حالا

أمجد استنى يااسر انا جاى معاك

يطلب اسر عربة الإسعاف ويذهب سريعا لبيت هدير

يدخل اسر وامجد منزل هدير وهذه كانت اول مرة يدخل فيها أمجد بيت هدير وتقوم الاسعاف بحملها

حياة الحقنى يااسر انا حاسه انى حموت

اسر بعد الشړ عنك ياحبيبتى ان شاء الله حتقومى بالف سلامه

يركب اسر عربة الاسعاف مع حياة ويطلب من امجد ان يركب سيارته ويصطحب معه هدير

أمجد وهو يفتح الباب لهدير اتفضلي اركبي

تركب هدير بجانب أمجد بدون التحدث باى كلمه

يجد امجد اتصالا من اسر ايوة يااسر خير

اسر ادينى هدير ياامجد

يمد أمجد يديه بالتليفون لهدير اسر عاوزك

تأخذ هدير الهاتف منه فتجده ينظر فى عينيها

هدير ايوة يااستاذ اسر

اسر هدير الله يخليكى اتصلي على مامة حياة وعلى البيت عندنا بلغيهم وقوليلهم كلهم يحصلونا على المستشفى عشان انا مفيش اعصاب اكلم حد

هدير حاضر

تعطى التليفون لامجد اتفضل

ثم تقوم باخراج تليفونها من حقيبتها وتقوم بالاتصال على عفاف وعايده لاخبارهم بالأمر

ثم تضع هاتفها فى الحقيبه مرة اخرى

أمجد عامله ايه يا هدير

هدير الحمد لله

أمجد هدير انا

هدير أستاذ أمجد الله يخليك مش عاوزة اتكلم فى حاجه

أمجد هدير الله يخليكى نفسي تدينى فرصه بس اتكلم معاكى

هدير انا بحبك والله العظيم بحبك

هدير وانا مبحبكش ومش طايقاك ومبكرهش حد اد مابكرهك ثم تنزل الدموع على خدها

فيقف أمجد بالسيارة جانبا هدير ربنا يخليكى متوجعيش قلبي اكتر من كده هدير ادى نفسك فرصه تسمعينى وتسامحينى ونفتح مع بعض صفحه جديده نبدا بيها حياتنا وننسى اللى فات

هدير انسى ايه ياحضرة الظابط انسى تجريحك لية واھانتك لية فى الرايحه والجايه وكل ده ليه عشان ټنتقم لنفسك من واحده باعتك طب انا مالى ايه علاقتى انا بالموضوع هى كانت من بقية عيلتى

من فضلك اطلع بالعربيه الجماعه حيوصلوا المستشفى قبلينا

ينظر لها امجد بحزن ثم يتحرك بالسيارة

تقف سيارة الإسعاف أمام المستشفى

ويتم حملها سريعا الى الداخل وهى تصرخ من الألم ثم يتم إدخالها على غرفة العمليات مباشرة

بينما تقف هدير ويقف أمجد امامها كانت عيونه لاتنزل من عليها كان يؤنب نفسه وبشده عما حدث منه

فجاة يجد دكتورا مقبلا نحوها ويمد يده اليها هدير ازيك عامله ايه

هدير الحمد لله والله ياعلاء

علاء خير فى حاجه

هدير حياة صاحبتى فى حالة ولاده جوة

علاء بجد طب الف مبروك عقبال لما نفرح بيكي ان شاء الله

هدير ربنا يخليك يا علاء شكرا

علاء طب مش عاوزين حاجه او محتاجين اى مساعده

هدير لا والله شكرا

علاء طب بصي انا جوة فى المكتب عندى لو فى اى حاجه كلمينى على طول وانا كمان شويه حاجى اطمن عليها

هدير شكرا ياعلاء

كانت عيون أمجد تخرج شرارا وهو يراها تتحدث الى هذا الشخص وهو لايعرف من هو وفيم كانوا يتحدثون

التفتت هدير بعينها فوجدته ينظر اليها فلم تهتم للأمر ونظرت بوجهها للناحيه الأخرى فتجد عفاف وزوجها ويسر ومالك يجرون عليهم

هدير اهلا يا طنط ازى حضرتك

عفاف الحمد لله ياحبيبتى طمنينى بنتي عامله ايه

هدير فى العمليات ياطنط

كان اسر فى حالة توتر شديده

بمجرد ان راى عفاف جرى عليها واحتضنها ادعيلها ياامى حياة بتولد جوة

عفاف اطمن ياحبيبي ان شاء الله حتقوم بالف سلامه

مصطفى متقلقوش ياجماعه ان شاء الله خير

حد كلم سعيد يقولله

اسر ياربي نسيت والنبي كلمه حضرتك يادكتور احسن ده ممكن يقاطعنى فيها

بعد قليل تصل عائلة فهمى التهامى ياتى فهمى وعايده وملك وفارس ولكنهم تركوا الصغيرات وريان فى البيت مع الداده حتى يطمئنوا على حياة

عايده طمنى يابنى ايه الاخبار

اسر فى العمليات ياماما ربنا يستر

فارس متقلقش ان شاء الله تقوم بالف سلامه

اسر يارب يارب

بعد قليل يجدون سعيد يدخل وهو يجرى عليهم اختى عامله ايه

فارس ماشاء الله دى العيله كلها هنا دى حتجيب واحدياجماعه مش فريق

عايده والنبي يافارس ابوس ايدك تنقطنا بسكاتك عشان اسر على اخره والا انا مش مسئوله عن اللى حيعمله فيك

فارس حاضر ياقلبي

الكل منتظر وقلقان ولاتوجد اى اخبار

عفاف مصطفي الله يخليك ادخلهم طمنى على بنتى انا حسه انى حتشل

مصطفى بعد الشړ عنك يا قلبي

يدخل ويتم تعقيمه وارتداء روب العمليات فيرحب به الدكتور والممرضات

مصطفى ايه الأخبار

الدكتور بنحاول معاها طبيعى من بدرى بس الظاهر مش حينفع لازم نفتح قيصريه

حياة بصوت ضعيف بابا انا

تعبانه اوى انا حسه انى حموت

فيجد مصطفى دمعه تهرب من عينيه حبيبتى الف بعد الشړ عنك ان شاء الله حتقومى بالف سلامه

انا حخرج اطمنهم دكتور الله يخليك ياللا بلاش نضيع وقت بنتى تعبانه

الدكتور حاضر يادكتور

يخرج مصطفى اليهم ان شاء الله حتقوم بالسلامه

اسر حياة تعبانه حياة فيها حاجه الله يخليك طمنى

مصطفى متقلقش يابنى ان شاء الله خير كل الموضوع ان كان فى فرصه انها تولد طبيعى بس للاسف حياة تعبانه ومش قادرة وده اللى اخرهم لكن هما دلوقتى حيولدوها قيصرى

عفاف مش مهم اى حاجه المهم بنتى تقوملى بالسلامه عاوزة اشوف بنتى يامصطفى قدام عينيه

خليهم يعملوا اى حاجه المهم بنتى بنتى تخرجلى بالسلامه

ثم ټنهار عفاف من البكاء

عايده اهدى ياحبيبتى ان شاء الله حتقوم بالف سلامه

عفاف يارب يارب اقف معاها يارب

دى كل دنيتى وحياة حبيبك النبي احميها واقف جمبها يارب

دخل مصطفى مرة ثانيه العمليات

بينماكان سعيد واقفا على جمب وهو يرفع يديه للسماء داعيا الله لها ان تقوم بالسلامه

ثم يجدون مازن و شيرين مقبلين عليهم وعلى ذراع مازن عاصم

فياخذه فارس منه تعالى ياضنايا اهلا بالشيوخ الاخ مازن والاخت شيرين

حمد الله على السلامه ياغاليين ربنا يتقبل أن شاء الله

حج مبرور وذنب مغفور أن شاء الله

مازن حج ايه يابنى احنا كنا فى عمرة

فارس اه معلش والله الواحد اتلغبط اعذرونى باجماعه اصلنا فتحنا مستشفى الشاطبي فى العيله دى كل يوم والتانى واحده بتولد خلونى اتلغبطت والله

شيرين بطل رغي بقى شويه وطمنى على حياة أخبارها ايه

ملك لسه فى العمليات

شيرين ان شاء الله حتقوم بالف سلامه

عايده حبيبتى انتوا لسه راجعين من السفر تعبتم نفسكم ليه بس

شيرين يالهوي ياماما ازاى يعنى منجيش نطمن على حياة ده انا والله دعتلها كتير قدام الكعبه ان ربنا يقومها هى وملك بالف سلامه

عايده يارب يقوموا بالسلامه يارب

ثم يجدون شهد مقبله عليهم هى الأخرى حياة عامله ايه

فارس بصوا بقى ياجماعه انا حروح اقف انظم المرور وامنع دخول اى حد المستشفى اه ماحنا احتلينا المستشفى

كلها لحسابنا

ملك فارس اهدى ياحبيبى الله يرضى عليك انا تعبانه ومش حمل تهزئ كل شويه

فارس ليه بس هو انا لسه عملت حاجه ده لسه لما اختى وفريقها القومى ييجوا وعلا القمر وولادها ييجوا

ملك فارس حتتلم واللا المك

فارس بهزر ياقلبي من جوة

كان الكل قلقا وخائڤا فجاة يجدون اسر يحلس على الكرسى ويبكى كالاطفال

عايده صلى عالنبي كده يابنى ان شاء الله حتقوم بالف سلامه

تسر يارب يارب تقوم بالف سلامه انا والله لاعاوز اطفال ولاغيره انا مش عاوز غيرها حياة لو حصلها حاجه انا حموت حتبقى دى نهايتى كفايه علية اللى راح انا مش حقدر استحمل اخسرها هى كمان

سعيد متقلش كده اختى حتقوم بالف سلامه ان شاء الله

اسر يارب يارب

تدخل علا وهى تجرى عليهم

فارس اهلا بالتليفزيون شفتى ياملوكتى قلتش حاجه انا دلوقتى

اخيرا وبعد طول انتظار يخرج اليهم مصطفي مرة ثانيه

فيجرى عليه الجميع

مصطفى وهوينظر اليهم ثم يتجه ناحية ذلك المحمر العينين من ا لبكاء ويحتضنه الف حمدلله على سلامة مراتك وابنك يابنى

اسر ودموع الفرح تملاء وجهه بجد حياة كويسه وقامت بالسلامه

مصطفى طب وابنك مش عاوز تسأل عنه هو كمان

اسر ابنى هو انا بقى عندى ابن

مصطفى قمر ياحبيبي ربنا يباكلك فيه يارب ويجعله من الصالحين

اخذ الكل يهنئ بعضهم البعض على سلامة حياة وطفلها بينما اخذت علا وشهد يطلقون الزغاريد فى المستشفى

أمجد وهو يقترب من هدير والفرحه تملاء وجهها حمدالله على سلامة صاحبتك

هدير بابتسامه جميله والضحكه تملاء وجهها الله يسلمك

يسعد امجد بهذه الابتسامه التى لم يعدها من قبل

فى داخل الجناح الذى اخذه اسر ليكفى كل هذه العائله

فارس اللهم صللي على كامل النور هى مصر كلها بضواحيها مع مراعاة فروق التوقيت كلها هنا

منور ين والله ياجماعه انا بقول بقى بالمرة نجيب الحمص والسودانى وندق الهون ونعمل السبوع بالمرة ونعزم بقى طقم المستشفى يعنى هى جت عليهم

مازن طنط هو فارس ده ميعرفش يسكت خالص لازم يحط بصمته فى كل مكان كده

عايده معلش ياجماعه والله انا كنت عاوزة اجى بسرعه قبل مايشوفنى بس حعمل ايه حس بية وشبط زى العيال الصغيرة

وفاء لاياجماعه من فضلكم محدش يزعل فارس حبيبي ده هو احلى حاجه فى العيله دى

عايده والنبي مافى حد مارعه علينا غير دلعك فيه ده طبعا ماهو من يوم مانور ر بنا كرمها وهو لازق عندكم

ملك لا واحلى حاجه انه بياخد معاه ريان ويفضل مقعده جمب ايلين ويقعد يقولله دى خطيبتك ياواد اوعى حد ياخدها منك ده انا كنت احرمك من الميراث

فارس ايوة طبعا مش دول أبطالنا اللى رافعين راس العيله

يضحك الجميع على فارس

عفاف حبيبة امك عامله ايه يا قلبي من جوه

حياة الحمد لله ياماما

ماما ابنى حلو

عفاف بسم الله ماشاء الله تبارك الله

اسر يجلس بجوار حياة ويقبل يديها تعبانه ياحبيبتى

حياة حبيبي مادمت انت جمبي اى تعب فى الدنيا يهون

اسر حبيبتى ربنا يخليكي ليا يارب

حياة شفته جميل ازاى

اسر قمر ياحبيبتى ربنا يحميه ويجعله سند لاخواته يارب

حياة هما فين ياحبيبي انا مش شايفاهم

اسر فى البيت ياحبيبتى

حياة انا عاوزاهم يااسر

اسر حجيبهملك ان شاء الله

فارس مش وقته دلوقتى الحب والحنان ده قولولنا حتسموا الواد ايه

عايده أنا نفسي افهم انت ايه حكايتك مع الأسماء كل ما حد يولد تقول حتسموا ايه حتسموا ايه انت مالك شاغل نفسك ليه

فارس هدي اعصابك ياحاجه كده هو انا ورايا غيركم يعنى لو مشغلتش نفسي بيكم حشغل نفسي بمين يعنى

عشان تعرفى بس ياامى العزيزة انى طول عمرى حمال الاسيه

عايده حمال مين ياقلبي ده احنا اللى طول عمرنا متحملينك ومتحملين قرفك

فارس مقبوله منك ياغاليه ياللا قولنا بقى حتسموه ايه

اسر سليم ان شاء الله

فارس سليم وده من إيه

فهمى أصيل والله يااسر

فارس هو انا طرطور فى القعده دى واللا ايه ماتفهمونى ياجماعه ايه حكاية سليم دى

اسر والدموع تترقرق فى عينيه الله يرحمه كان صاحبي

فهمى كان زميل اخوك فى اولى ثانوي وهو واخوك راجعين من الدرس طلع عليهم عيل صايع وجايب معاه اتنين كمان وكان عاوز يؤذى اخوك عشان كان غيران منه انه اشطر منه واحسن منه

سليم الله يرحمه وقفلهم واتصدر لهم عشان يدافع عن اخوك

لكن اللى منهم لله ضړبوه ضړب