حكاية ام

كده المصنع حيفلس والبيت حيتخرب مش عارفه حلاقيها من الواد اللى حيلتى اللى ولا فى دماغه حاجه ضيع نفسه وحيضيعنا كلنا بالزفت اللى بيشربه

واللا من الغلبانه اللى انا ضيعتها بطمعى وجوزتها لواحد بهدلها وفى الاخر طلقها ورماها

هى ايه المصاېب اللى حطت فوق دماغى دى مرة واحده

اعمل ايه بس ياربى

فى شقة فريد وشهد

هنا حمد الله على السلامة يا شهد

شهد الله يسلمك يا هنا عقبال ماربنا يقومك بالسلامه انتى كمان.

محمود ان شاء الله

هنا هو انا ممكن اشيل البيبي

شهد ايوة طبعا ياهنا

سمي يا هنا

هنا بسم الله الرحمن الرحيم

الله دى امورة اوى ماشاء الله ربنا يخليهالك يارب هى اسمها ايه

شهد حياة

هنا كنتى بتحبيها اوى كده.

شهد تجرى الدموع فى عينها

حياة دى كانت احلى حاجه فى حياتى لولا الزمن اللى فرقناعن بعض

هنا ربنا قادر يجمعكم ببعض تانى

فريد بقوكم ايه انا حناخدمحمود وننزل نقعد عالكافيه شويه عشان مليش فى قاعدة الستات دى

شهد ماشي ياحبيبي

هنا ماشاء الله شكلكم بتحبوا بعض اوى

شهد فريد ده هواللى خللى حياتى جميله وحلى الدنيا فى عينيه خصوصا بعد غياب حياة عنى

هنا ..........

شهد ايه رحتى فين

هنا هو محمود كان بيحب حياة

شهد مين اللي قالك الكلام ده

هنا محمود مرة وهو بيضربنى قاللى ان ضوفر حياة برقبتى وانه لو رجع بيه الزمن مش حيتجوز حد غيرها

شهد پصدمه هو محمود بيضربك ياهنا

هنا ايه ايه بيضربنى انا قلت بيضربنى

خدى ياحبيبتى بنتك ربنا يخليهالك يارب انا ماشيه

شهد تقوم من على السرير وتنزل وراءها هنا استنى ياهنا انتى مش حتمشي غير لما تفهمبنى الموضوع ايه

هنا وهى تبكى پخوف والنبي ياشهد امانه عليكى ماتقولى لمحمود انى قلتلك انه بيضربنى

وحياة بنتك ماتقوليله حاجه الله يخليكى

تشفق شهد عليها وعلى حالتها

شهد هنا ممكن تهدى وتعتبرينى زى اختك وتحكيلي عن كل حاجه

الى هنا وټنفجر هنا فى البكاء وكانها وجدت ملجأ ترمى فيه همومها

شهد وهى تطبطب عليها ارمى كل حملك علية واحكيلي ياهنا

هنا ححكيلك ياشهد

فى فيلا الدكتور مصطفى السعدى

مصطفى يسر عامله ايه دلوقتى ياعفاف طمنينى الله يخليكى

عفاف الحمد لله والله احسن

مصطفى ربنا يستر انا خاېف عليها اوى

عفاف ان شاء الله حتبقى زى الفل الدكتورة قالت مفيش حاجه هى بس تبطل تنطيط شويه وتهدى كده وتبقى عاقله

وربنا يكملها على خير يارب

مصطفى يارب هى صاحيه اكلمها

عفاف بعد ماكلمها مالك نامت

ربنا يرجعه بالسلامة يا رب

ربنا يخليهم لبعض دول متعلقين ببعض اوى انت عارف وهى بتكلمه كنت سامعه عياطه فى التليفون

مصطفى بيعيط اقسم بالله الاتنين دول حيشلونى

عفاف ههههههه حرام عليك دول زى العسل

مصطفى يااااه ياعفاف صوت ضحكتك وحشتنى اوى

عفاف ربنا يخليك يا مصطفى

مصطفى ويخليكى لينا يا رب انا مش عارف من غيرك كنا حنعمل ايه

عفاف انتوا اللي ربنا يخليكم لية ويرجعلى بنتى بالسلامه يارب

مصطفى ان شاء الله حترجع وربنا حيجمعكم على خير

كانت هنا تحكى لشهد كل ماحدث بينها وبين محمود بكل صدق وامانه دون ان تضع نفسها فى دور الضحيه

شهد أمسكت بيد هنا هنا ممكن تعتبرينى زى اختك وتسمعينى كويس

هنا والله

ده شئ يسعدنى ياشهد انا طول عمرى كان نفسي يبقى عندى اخت

اتفضلي اتكلمى وانا سامعاكى

شهد بصي ياهنا اولا انا لاحدافع عنه ولا حدافع عنك انتم الاتنين غلطانين بس ده بردو ميديهوش الحق انه يمد ايده عليكى

بصي ياهنا مشكلتك انتى ومحمود انكم بداتم غلط من الاول محمود هو مكنش بيحب حياة بمعنى الحب المعروف

محمود كان معجب باخلاقها وطموحها العلمى واصرارها على التفوق

وده اللى كان بيخلينا كلنا نعتقد انه بيحبها وانه ناوى يتجوزها بس للاسف اول ماظروف حياتها اتغيرت وسابت المدرسه واشتغلت هو مبقاش طايقها لدرجة انه طفشها من بيتنا

طب بزمتك فى واحد بيحب واحده حب حقيقي يتخللى عنها فى اشد وقت كانت محتاجاه فيه

محمود عمره ماحب حياة ياهنا كل الحكايه انه لما اتجوزك

ولقى شخصيتك قويه عليه حس ان ربنا بيعاقبه عشان ساب حياة وندم على انه اتخللى عنها وبقى بينتقم من اللى عمله فيها فيكى بقى بيطلع همه فيكى انتى لما ذان بيمد ايده عليكى زى مابتقولى اكيد كان بيبقى بيتهياله انه بيضرب نفسه

وطبعا انتى بعمايلك واسلوبك معاه سمحتيله بالفرصه دى

هنا انا عارفه انى غلطت ياهنا ومعترفه بغلطى بس والله اهلى هما اللى كانوا سايبينى اعمل اللى انا عاوزاه اتعودت مع الوقت ابقى متسلطه محبش حد يمشي كلمته علية لحد مالقيت نفسي بعمل كده مع محمود من غير مااحس بس محمود كان اسي علية اوى

شهد محمود طول عمره ماشي بعقله عمره ماخللى مشاعره تسيطر عليه ابدا

بس انتم دلوقتى وضعكم اختلف وبقى فى طفل جاى

حياتكم لازم تقربوا من بعض وهو والله مش وحش اوى

هنا بصراحه هو من يوم ماعرف بموضوع حملى وهو ممدش ايده علية تانى

وبيحاول يحسن علاقته معايا

شهد يبقى انتى كمان حاولى تخللى علاقتك بيه كويسه وربنا يصلح حالكم يارب

هنا انتى طيبه اوى ياشهد انا اسفه انا كنت واخده عنك فكرة مش كويسه عشان محضرتيش الفرح ولاعمرك جيتينى

شهد بصي ياهنا انا مكنتش واخده منك موقف لشخصك انا مكنتش اعرفك انا مكنش عاجبنى اللى حصل من محمود وخصوصا بعد اللى حصل لحياة واللى وجعنى اكتر انها مشت من غير حتى ما تسلم علية او تطمنى عليها مشت وهى مقهورة على امها اللى مكنتس تعرف ياحبيبتى انها عايشه

مقهورة من عمها ومراته واللى عملوه فيها واكتر حاجه كسرتها بجد كانت محمود اللى كان بالنسبه لها كل دنيتها اللى أتمنيتها كان اول حب فى حياتها

انتى متتخيليش حياة كانت بتحب محمود إزاى

وللأسف ان معاملته ليها خلاها تطمن ان مفيش حاجه حتفرق بينهم مهما حصل لكن هى ياحبيبتى صډمتها فيه

كانت كبيرة اوى انا عمرى ماحنسى ابدا اليوم اللى كانت فيه هنا وهو طردها من البيت يااه على قهرتها

هنا كل ده حصلها

شهد حياة دى ياهنا لو كنتى عرفتيها انتى نفسك كنتى حتحبيها مش قادرة اقولك كانت طيبه وحنينه اد ايه

هنا ربنا يجمعكم على خير يارب

شهد يارب ياهنا ثم تقبل ابنتها نفسي تشوف حياة بنتى حياة

قربي من محمود ياهنا وانسوا اللى فات

وافتحوا صفحه جديده مع بعض نفيهلش غير الحب والتسامح

هنا حاضر ياشهد

فى العياده

حضرتك متاكد يادكتور

الدكتور طبعا يابنتى متاكد

حياة وهى تبكى طب حنعمل ايه دلوقتى

الدكتور دلوقتى احنا الحمد لله لسه فى اول مرحله وكويس اوى انكم متاخرتوش يعنى نقدر نسيطر على الحاله باذن الله

بس المشكله اننا منعرفش اذا كان الورم حميد واللا خبيث

حياة وطبعا عشان نعرف لازم ناخد عينه من الورم ونحللها

الدكتور بالظبط كده بس المشكله ان استئصال الورم ومعرفة نوعه ده امر مش سهل لان ممكن اوى الورم بوضع المشرط عليه يتحول من حميد لخبيث

حياة والحل يادكتور

الدكتور لازم دكتور شاطر هو اللى يعمل العمليه عشان يقدر يحدد بالطبط طريقة استئصال الورم من غير مايتحول لخبيث

حياة طب حضرتك ممكن ترشحلى دكتور يعمل العمليه

الدكتور طبعا ده اكيد فى دكتور مخ واعصاب كويس جدا وممتاز فى استئصال الاورام

حياة بس يادكتور بعد اذنك لية طلب

الدكتور اتفضلي

حياة ياريت حضرتك ممكن ترشحلى دكتور يكون يعنى اجره مش عالى اوى عشان احنا ظروفنا على ادنا

الدكتور الدكتور اللى حقولك عليه دكتور محترم جدا

وبيراعي ظروف الناس وقلبه رحيم بالمرضى

وكمان انا حتصل بيه قبل ماتروحوله عشان يبقى عارفكم

حياة متشكرة جدا لحضرتك يادكتور

فى شرم الشيخ

ملك نور ياللا ياقلبي عشان حننزل نتعشى تحت

نور حاضر انزلوا انتم وانا ححصلكم

فارس معلش بقى باحبيبتى احنا بعد ماحنتعشى حسيبك انتى ونور وانا حقابل واحد صاحبي

ملك واحد صاحبك مش فاهمه

فارس ده واحد كان زميلي فى الجامعه وامبارح لما نزلتى انتى ونور تشتروا حاجات وانا قعدت تحت فى الريسيبشن اتقابلنا صدفه واتفقت معاه نتقابل النهارده ونقعد مع بعض شويه

ملك وياترى بقى صاحبك ده واحد من اياهم

فارس لا والله ابدا انتى بتقولى ايه مؤمن ده انسان محترم جدا وابن ناس

ملك هو شغال زيك فى السياحه

فارس مؤمن لاء

شغال فى المقاولات

عشان كده هو موجود هنا بيقوللى متعاقدين على بنى قريه سياحيه

ملك واو

بقولك ايه هو مرتبط

فارس ايه ياحبيبتى نفسك راحتله واللا ايه

ملك فشړ ياقلبي انا مفيش راجل فى الدنيا كلها ممكن يملى عينى زى فارس حبيبي

فارس امال ايه الحوار

ملك طب ريحنى هو مرتبط

فارس والله اللى اعرفه انه كان خاطب وفشكلوا بس معرفش حاليا حاجه عنه

ملك طب وانت قاعد معاه كده عاوزاك تعرفلى الموضوع ده

فارس بت انتى مترسينى عالدور بدل مااديكى بالبوكس فى وشك هو فى ايه بالظبط

ملك نور يافارس نور

فارس ايه ده انتى تقصدى

ملك ايوة اقصد ايه رايك

فارس انتى اتجننتى واللا ايه انتى عاوزانى اقوله تعالى اتجوز اختي

ملك لاء طبعا انت بتقول ايه بص احنا ممكن نخليهم يقعدوا مع بعض ونشوف مش يمكن يعجب بيها

فارس مظنش ياملك

نلك ليه بس يافارس

فارس اصلي انتى مش فاهمه بصي انا كنت شفت صور خطوبته عاالفيس بصراحه كانت واحده ايه يخرببيت جمالها حاجه كده ملهاش حل

شبه نجوم السينيما لدرجة انى استغربت اوى لما عرفت انه فشكل

وبصراحه فى فرق شاسع بينها وبين نور يعنى اكيد نور مش حتعجبه وممكن كمان يفهم الموضوع لانه ذكى جدا

وانا مش عاوز اجرح مشاعر نور

ملك ياسيدي نجرب والنبي يافارس انا نفسي اوى نور تفرح زى كل البنات

وياعالم محدش يعرف النصيب فين

فارس طب سيبينى اقلب الموضوع فى دماغى

ملك ماشي ياقلبى

تنزل نور وتبحث عنهم ولكنها لاتجدهم

الله هما راحوا فين المفروض ان ده المكان اللى حتقعد فيه

تخرج التليفون من حقيبتها

ايوة يافارس انتوا فين انا نزلت وملقتش حد فيكم

فارس حاضر ياحبيبتي نازلين على طول اقعدى عندك واحنا نازلين

تذهب نور للجلوس على مائدة الطعام لتنتظرهم

بينما مر من امامها شاب وسيم له لحية خفيفه قمحى اللون طويل الى حد ما ونحيف الجسم

نظرت له نور فقد جذب نظرها برائحة عطره التى اخترقت انفها

فاخذت تحدث نفسها ياربي هى دى الرجاله اللى تفتح النفس معقوله ممكن يبجى يوم من الايام واتجوز واحد زى ده

لا لامش ممكن طبعا انتى اتجننتى وهو القمر اللى زى ده حيبصلك على ايه ده انتى حتى مش عارفه تخسي جرام واحد

اخذت تحدث نفسها

حتى وجدت من يقيظها من احلام يقظتها

ملك اتاخرنا عليكى

نور لا ياروحى مانا قاعده اهوه

فارس طلبتى العشا

نور لاء لسه

فارس يلمح ظهر صديقه

فينادى عليه مؤمن

يلتفت مؤمن للصوت

فتحدث نور نفسها ايه ده هو فارس يعرفه

يقبل عليهم مؤمن ويسلم على فارس

فارس اتفضل يامؤمن معانا

مؤمن شكرا خدوا راحتكم وبعد كده نقعد مع بعض زى مااتفقنا

فارس ياعم ماتقعد فى ايه

اعرفك ملك

مراتى فيمد لها يده اهلا وسهلا

فارس نور اختى

مؤمن اهلا بيكى

تشعر نور بالخجل الشديد من جلوسه معهم

يطلب فارس العشاء بينما كانت نور تتحدث الى ملك

يعلن هاتف نور عن مكالمه وارده

فتجيب بسرعه شديده

حبيبي وحشتنى

فارس بصوت منخفض حبيبي الله يخرببيتك فقريه

كانت نور تتكلم بمنتهى العفويه غير منتبهه للشخص الذى معهم حتى انه الټفت اليها وهى تتحدث لان صوتها كان عاليا الى حد ما

نور ايوة والله انا كويسه اطمن علية

فارس ايوة والله واخد باله منى

..........

حبيبي متقلقش عليه والله انا كويسه

...........

كاد فارس ان ينفجر من الغيظ منها ومن طريقة تحدثها بتلقائية شديده غير مراعية وجود شخص غريب معهم وانه قد يظن انها تتحدث الى حبيبها

نور ماما حبيبتى وحشتينى اوى

عامله ايه ياحبيبتى وصحتك عامله ايه اوعى تكونى مابتخديش العلاج بتاعك

سيلين وتولين عاملين ايه ياماما وحشونى اوى اول مرة يبعدوا عن حضنى

فارس وهو يضرب خده ويحدث نفسه وده وقت تولين وسيلين وكمان حضنك دول كده بقوا ولادك رسمى

يادى النيله

كانت ملك تخبطها فى قدمها ولكنها لم تنتبه حتى انها قالت

رجلى ياملك حاسبي

ملك سورى ياحبيبتي

ثم ضحكت لفارس

نور بابا حبيب قلبي وحشتينى يابطتى

فارس لنفسه ياللا بطتى فرختى كبدتى قنصتى ياللا قولى اللى تقوليه بقى ماهى كده كده باظت

منك لله يانور

نور بابا انت تعبان وبتخبي علية

.................

لا تعبان انا حسه صوتك تعبان انت اكيد اهملت فى علاجك

...............

اغلقت معه الهاتف لتحدث فارس

فارس انا عاوزة انزل اسكندريه دلوقتى

فارس نعم انتى بتقولى ايه مينفعش يانور

نور بابا تعبان يافارس

ملك وهى تنطر لفارس حبيبتى اهدى هو مش بابا كلمك وقالك انه كويس

نور لا ياملك صوته مش عاجبنى هو بس مش عاوز يخوفنى عليه

والنبي يافارس رجعنى وبعد كده ارجع تانى انت وملك

كان فارس لا يعرف ماذا يفعل وكان شديد الاحراج من مؤمن

وتاكد ان كل ماكان فى تخطيط ملك قد انتهى بالفشل

فارس وهو يحاول تهدئتها

خلاص يانور مفيش حاجه ياقلبي طيب بصي انتى عارفه انا مبعرفش اسوق بالليل بكرة الصبح كلنا حننزل خلاص ياروحى اهدى بقى ثم قام وقبل راسها اهدى بقى ياقلب فارس

نور بجد يافارس طب مش زعلان منى عشان بوظتلكم الرحله

فارس فداكى مليون رحله ياحبيبتى وليكى علية ياستى بعد مانطمن على بابا وماما والعيلة كلها والمناطق المجاورة نيجى تانى

نور حبيبي يافارس منحرمش منك يارب

كان مؤمن يتابع الموقف دون ان يتحدث بشئ فهو لايحب ان يدخل نفسه فى اى مشاكل عائليه

تم تناول العشاء وكان مؤمن يتحدث الى فارس

بينما كانت ملك تتابع نظراته فتجده لايلتفت نهائيا لنور

فظنت انها لم تعجبه او انه ظن انها كانت تتحدث الى زوجها وتسال عن بناتها

حياة ان شاء الله حيكون الورم حميد االدكتور متفائل جدا

ابو علا وقد فرت من عينيه دمعه دون ان يشعر

حباة انا عاوز اامنك على علا والولاد امانه عليكى ياحياة لو حصللى حاجه وقابلت وجه كريم ماتسيبيهم وتخللى

بالك منهم

علا غلبانه وملهاش حد هنا غيرك ومتخليهاش ترجع البلد حيبهدلوها

حياة وهى تبكى على بكاؤه ليه بتقول كده بس بعد الشړ عنك هو انت مش مؤمن واللا ايه

مش الرسول بيقول بشروا ولاتنفروا

ابو علا عليه الصلاة والسلام

حياة خللى ايمانك بربنا كبير وان شاء الله حتبقى زى الفل

ومحدش حيربي ولادك غيرك

ابوعلا يارب ياحياة

تدخل ام علا عليهم لتجدهم يتحدثون بصوت منخفض

علا انا عاوزة اعرف ايه اللى بينكم بالظبط

حياة فى ايه ياعلا مالك

علا بقى كده بردو ياحياة وانا اللى بقول عليكى اختى

حياة وانا عملت ايه يزعلك بس ياعلا

علا مخبيه علية حاجه ياحياة من ساعة مادخلتى من برة وانتوا الاتنين عمالين تتودودوا بصوت واطى عشان انا مسمعش

قولوا مخبيين علية ايه اتكلموا

ابو علا فى ايه بس ياام محمد مفيش حاجه

علا وهى تبكى