رواية قصيرة القامة طويلة اللسان بقلمي شيماء صبحي
المحتويات
بجدية .. البت دي كدابه ومحمد مقربش منها فعلا وعلشان أقولكم علي الكبيره هيا حامل اصلا يعني عذريتها اصلا مش موجوده!!
احمد وصافي بصوا لقمر پصدمه وقمر هزت راسها بكل ثقه وقالت لمحمد البس هدومك يا محمد ومتقلقش انا عارفه ان دي حكايه معموله عليك وانا مش هسكت للحربايه
دي تدمرلك حياتك !!
ساندي بصتلها پغضب وشاهي قالت بصوت عالي انتي كدابه انا بنتي لسا بنت بنوت ومحدش لمسها..
ساندي وشاهي بلعوا ريقهم بتوتر وقالت ساندي دكتور ايه انتي كمان انتي مش شايفه حالتي عامله ازي وبعدين انتي ايه هتدافعي عنه في دي كمان لا انا مش هسكت وهعرف هادي كل حاجه لان دا شرفي انا ومش همسح لحد يدمرلي حياتي ..
قمر بصت لمحمد اللي كان لسا واقف مكانه ومصډوم من الموقف اللي هوا محطوط فيه وقمر قربت من التيشرت اللي علي السرير ومسكته وادتهوله وقالت بصوت اوضح البس هدومك يا محمد متقلقش انا واثقه فيك وعارفه انها مش بنت اصلا .
ساندي قالت بعياط.. انا مش كدابه انا بقول الحقيقه هو الي...
قمر قالت پغضب هو ولا الشخص اللي كنتي بتقوليلو امبارح انك حامل..
ساندي وقفت مصدومه من كلامها واولهم صافي واحمد و اللي لاحظو ان ساندي ملامحها اتحولت للصدمه لما سمعت كلام قمر ودا معناه ان قمر عندها حق في كلامها وان محمد بريئ وساندي هيا اللي عامله القصه دي كلها عليه..
محمد كان لبس هدومه وقرب من ساندي وقال انا مستحيل كنت اقرب منك اولا لانك بنت خالة صحبي واللي انا عايش في بيته وثانيا لاني بحب خطيبتي والنهارده كتب كتابنا ومستحيل اني اعمل حاجه تغضب ربنا زائد انك غبيه يا ساندي كشفتي عملتك السودا بنفسك !!!
احمد كان بيسمع كلامها وحاسس بضيق علي صدره لان كلامها مش مريح وغير نظرات امها اللي يعتبر مش فارق معاها كلام بنتها ولا حتي مصدومه ان بنتها طلعت حامل من غير جواز وانها حاليا مفضوحه قدامهم !!
شاهي هزت راسها واخدت ساندي ودخلو اوضتهم وفضل احمد وصافي وقمر باصين لمحمد وصافي قالت بحزن حقك عليا انا يا محمد بس انا والله مفهامه ايه اللي بيحصل معاهم من وقت ما رجعوا وهما مش مريحين حتي تصرفاتهم عريبه!!
محمد هز راسه وقال المهم دلوقت انها انكشفت قبل ماكانت هتلبسني مصېبه وانا كنت هكتب الكتاب النهارده..يعني لو خطيبتي عرفت حاجه زي دي الله اعلم كانت هتعمل ايه
احمد باستغراب وانت خطيت امتي وهتتحوز امتي ..
محمد بصله وقال كل حاجه جت بسرعه والله يا عمي بس كنت هكلم حضرتك طبعا علشان تحضر معايا لانك عارف ان والدي ووالدتي متوفيين ومليش غيركم انتو وهادي والشباب..
احمد قال بفرحه طبعا هاجي معاك وصافي كمان ولا ايه يا حبيبتي
صافي هزت راسها وقربت منه وقالت انا زي مامتك يا حبيبي متقلقش طبعا هنكون معاك !
محمد ابتسم وبص لقمر بحب وقال انا مش عارف اشكرك ازاي علي اللي عملتيه معايا انتي انقذتيني..
قمر قربت منه وقالت بابتسامه وانت بق مش عارف انك زي اخويا واكتر ومن حقي اني اقف جامبك واساعدك.
محمد ابتسم وقال كل يوم معذذتك بتزيد في قلبي ياقمر ربنا يخليكي لينا..
قمر بابتسامه المهم قولي هتروح بيت سهر امتي علشان هنيجي معاك
محمد ابتسم بفرحه لانه مكنش متوقع ان كلهم هيحضروا معاه وهيحس ان ليه عيله بجد..
محمد قال بحماس.. علي الساعه ٨ كدا..
قمر قالت بابتسامه حلو اوي المعاد دا هو هادي عارف ولا زي الباقي
محمد هز راسه وقال طبعا عارف دا اخويا الكبير. وبعدين دا هوا الي مجهزلي الشقه اللي هنقعد فيها !
قمر ابتسمت وقالت بهمس الف مبروك يا محمد سهر بنت حلال وتستاهلك..
محمد ابتسم بحب وقال وانا والله هشيلها في عيني انتي مش عارفه انا بحبها قد ايه!
قمر ابتسمت وقالتك عارفه منا كنت بشوف بعيني
بس انت بق تعرف اني انا الي خليتها تحبك وتاخد بالها منك
محمد بصلها وضحك وقال بجد والله يعني انا كنت فاكر اني مبهر وهيا وقعت في حبي لاني جامد وكدا ولاكن طلعت ولا مبهر والا حاجه وحضرتك اللي مخليتها تحبني !!! ..
قمر واحمد وصافي ضحكوا وهوا قال علي العموم في الحالتين بتحبني وانا بحبها..
احمد قرب من محمد وقال عمالين تتجوزو واحد ورا التاني بتحسسوني اني عجزت
محمد بابتسامه مين دا الي عجز بس والله دا انا الي حاسس اني بكبر وحضرتك بتصغر..
احمد ضحك علي كلامه وقال لصافي شايفه الولد بكاش طول عمره..
صافي ضحكت عليهم وقال طيب انا هنزل ابلغ الخدامه تيجي توضبلك اوضتك وانتي يا قمر تعالي علشان عوزاكي..
قمر هزت راسها وراحت مع صافي وفضل احمد ومحمد واقفين وبيتكلموا
_____________
وفي الشركة وبالتحديد في مكتب هادي كان قاعد هو وسعيد وعبدالله ..
وسعيد بيقول بجديه المشروع دلوقت ماشي تمام والعمال بدأو حفر ولاكن واقفين علي بقيت التصميم ..
هادي شاور علي لوحه كبيره موجوده في مكتبه وقال التصميم جاهز ..
سعيد وعبدالله قامو علشان يجيبو اللوحه الي بيشاور عليه بإستغراب واول مفتحوها قدامه قالو بانبهار انت عملت كل دا امتي يا هادي!!
هادي هز راسه وقال انا كنت مصمم نصها وقت الدراسه ولاكن كملتها اول لما رجعت من السفر..
سعيد باستغراب بس انت ازاي ظبط شكلها علي شكل الارض بالظبط كدا ..
هادي هز راسه بهدوء وقال شوية تعديلات بسيطه عملتها وكل حاجه طلعت مضبوطه ..
عبدالله بصله وقال بتشجيع انا اول مره اشوف تصميم حلو كدا !
هادي ابتسم ووقف جنبهم وقال ناقص بس سميح يشوفها وبعدها تحولوها للمهندسين علي الموقع..
سعيد هز راسه وقال بس انا من رأيي نحولها علي الموقع الاول وبعدين سميح يروح هناك ويشوفها..!
هادي بصله بانتباه وقال انت شاكك في حاجه ولا ايه يا سعيد ..
سعيد هز راسه وقال اكيد طبعا شاكك .. ادهم النجار عارف ان سميح استسمر في الشركه واكيد عارف ان هو السبب في اننا
متابعة القراءة
