قولتلك من الاول البنت دي وش فقر
الامتحان اساسا .. متزودهاش انت
_ كانت عايزة رقم موبيلي
اتعصبت
جدا واتعدلت اكتر ناوية تدخل في نقاش خناق وهو مبسوط ب كدا
ايه دا بقا ليه أن شاء الله وياتري خدت لينك الانستا بالمرة
ما انتي جيتي بقا وملحقتش
قول كدا يعني انا قطعت جو التعارف عليكوا صح
حاجه زي كدا !
طب قوم .. قوم يلا متذاكليش روح للملزقه خد رقمها واتعرفوا براحتكوا و انا أنا مش مهم أصلا.
لا لا ملوش لازوم وخليها تاخد رقمك التاني عشان لو دا طلع مشغول .. واضحكوا بصوت عالي وسيبني انا احړق في نفسي
فارس ضحك جدا قد ايه بتبقي حلوه وهي غيرانة ومتعصبة
بهزر وغلاوتك بهزر أنا مكملتش دقيقة في الكلام وجيتي وخدتك ومشينا علي طول هي كانت بتتريق علي مادة صعبه شوية بيدرسوها في كليه الطب وقالت عليها كلمة خلتني اضحك عليها فعلا.
ولله .. بس قوليلي ايه اللي خلاكي تتضايقي وتتعصبي كدا
سكتت بتوتر وحست أنها في موقف محرج
عادي يعني منطر ضايقني واقف تضحك معاها وانا بضايق لما بتكلم بنت غيري يا فارس متعملهاش تاني .. ومش لازم تجيلي الجامعه بيطلعلي صحاب فجأة
لما بتيجي ..
يعني مش حاجه تانيه
حاجه زي ايه
غيره مثلآ !
اه .. غيره عشان انت عيلتي وابويا واخويا وبح.. وبس كدا .. مش من حق بنت غيري تكلمك ..
مكنتش هقول حاجه وبص عشان تراجعلي ..
اتنهد بيأس وهي ضحكت ..
خلصت فلك امتحانات وبعديها نتيجتها طلعت وهي مكانتش راضيه تروح تجيبها كانت قلقانة ومتوترة فطلبت من اقرب حد ليها هو اللي يروح يجيبها .. وراح بيجيبها .. وجي
عملت ايه قولي
جبتي ت...
ولا لٲ لو وحش متقولش هيغمي عليا ساعتها.
يا لهوي شيلت! لا لا .. انا كنت حاسه شلت مادة ايه
شيلتي ايه ! ولا دا ولا دا!
يا مصېبتي يبقي هعيد السنه كلها اكيد هو اخر سنه في حقوق بتبقي اصعب من الحجر خلاص متكملش سيبني بقا دلوقتي مع نفسي.
هو في ايه يا ماما فلك ما كنتي روحتي جبيها انتي اديني فرصه علي العموم انتي نجحتي وجبتي تقدير ممتاز امال هنتوقع ايه من دحيحة بتشرب المذاكرة زيك.
لا متنزليش خليكي كدا شوية اشبع منك ومش هعدي كلمة بحبك دي غير لما تقولهالي تاني ..
فلك اتكسفت اوي وغطت وشها بٲيدها وهي بترد بصوت واطي من كسوفها
دا .. رد فعل من فرحتي بس
اتكلم بضحك وهو بيقلد طريقتها
لا لا احساسك واضح في كلامك قوليها مرة كمان يا فلك .. بحبك .. وحبيبي
وكالعادة اتهربت منه وهو وقف حط ايده في وسطه ووقف يبصلها ومتٲمل في يوم انها تقولها بجد مش رد فعل ..
فلك كانت عايزة تبتدي شغلها وتدربها كمحامية .. ف دور فارس انه يدورلها علي مكتب كويس تتدرب فيه وبعد بحث طويل ومعارف لاقلها مكتب تتدرب فيه وابتدت فعلا .. ومفيش كتير ومحاميها اللي ببتتدرب عنده شكر في شطارتها وبديهتها جدا .. وقالها انها هتبقي محاميه شاطرة جدا في المستقبل
من اللي عمله وحسست علي السلسله الدهب الي لبسهالها
كل سنه وانتي طيبه يا حبيبتي انتي ناسيه عيد
ميلادك ولا ايه
عيد ميلادي انت لسه فاكره
انا كل حاجه تخصك فاكرها وحافظها
الله يا فارس تحفه السلسلة بس دي دهب غاليه اوي كنت جبت حاجه فضه وخلاص!
انتي ميجبلكيش غير الغالي ودي اول حاجه دهب اجبهالك متنسيش اننا اتجوزنا بدبلة فضة وبكرة اعوضك أن شاءالله..
ملست عليها بسعادة
علي فكرة أنا بحب الدبلة الفضة اوي
بصلها بنظرة معينة _ وانا بحبك
وطت وشها ب خجل
ربنا يخليك ليا يا فارس انت الوحيد الي بتهتم بيا صحيح ربنا خد مني بابا وماما لكن رزقني بيك عوض بيهم كلهم بس يلا ادخل عشان عملالك مفاجاة .. وانت جيت بدري انهاردة بوظتها.
مفاجاة عشان ايه
عشان حاجات كتير هتبتدي في حياتنا ادخل بس او انزل اقعد علي قهوة اشتري حاجه المهم انشغل ساعه واحدة بس وهتعرف .
ليه كل دا
متبقاش فضولي بقا يا فارس ساعه واحدة وهتعرف انزل يلا
فارس فعلا سابها ونزل علي حسب رغبتها وهو متعجب منها وساعه بالظبط فضوله مقدرش يستني وطلع البيت بس الصدمه بقا الي خلتيه واقفة مشلۏل مع نفسه ومبلم هي فلك .. بشكلها الجديد !!
كانت طافيه انوار الشقه كلها .. الا شموع موالعها عامله ضوء جميل وحاطه العشاء حواليها ومزيناه بطريقه مميزة وهادية ..
فلك !!! انتي عامله ايه
ما هي دي مفاجائي يا فارس معجبتكش
معجبتنيش دا انا هتجنن بس يعني ليه عمل...
انا هقولك تعالي
قرب ليها ووقف قصادها فهي ارتبكت بس تشجعت وكملت خلاص هي قررت وفكرت لٲيام مش هترجع في كلامها دلوقتي
انت نفسك من زمان اعترفلك بحبي صح
صح
خدت نفس
انا بحبك من كل قلبي يا فارس التعبير مكنش بيخوني وانا بقولك انك كل عيلتي لانها حقيقة لولاك معرفش كنت هكمل ازي مع عمتو انصاف وندي هما اذوني كتير بس انت كنت حاسم ليهم انا اجلت الكلمة دي لٲنها كبييرة متتقالش غير وانا حساها ومتٲكدها .. وملقتش اكتر من دلوقتي عشان اقولك .. اللي عملته عشاني كتيير وابقي انانيه لو حرمتك من كلمة زيها وانا فعلا بحبك يا فارس اوووي ومستعدة اكون مراتك وام عيالك وكل دنيتك زي ما بتقول ..
من قلبك يا فلك
_ من قلبي جدا يا حبيبي انا طول عمري بحبك من وانا طفله وانا مراهقه وحتي دلوقتي .. بس كنت خاېفه اكون مش حسباها او فهماها وخۏفت اعشمك علي الفاضي.. لكن دلوقتي الكلمه دي قليلة علي الي انا حساه نحيتك .. واخترت يوم ميلادي بالذات عشان .. انا بتولد كل دقيقه بوجودك جمبي
فارس اتنهد جامد وكٲنه كسب بعد معاناة وقد ايه مفاجائتها فرحته وعملت جواه حاجات كتير ليها .. مشاعره ملغبطة
باس راسها
اخيييرا ياست الكل وانا هعيدها واقولك ان بعشقك يا فلك انتي مكسبي ومستقبلي واحلامي وكل حاجه ..
ابتسمتله اوي بخجل وهو خدها وبيرفع كفها يبوسها وفرحته انها قالتها من قلبها متتوصفش واتمني وقتها ان يخلف منها كتيير يملوا دنيتهم ويعوضوهم ... وكفايه انها بقت مراته فعلا ..
شهور كتير بتعدي وفارس بيعلي في شغله وعملياته كلها ناجحه وبيحضر مؤتمرات طبيه ووضعهم المالي بقا ممتاز .. مش هو بس فلك كمان .. بعد تدريب طويل مسكت اول قضية واترافعت ونجحت فيها وفرحتها كانت اكبر من وصفها واول دعم فخور ليها هو حبيبها وعيلتها فارس وثقفت
نفسها وكانت ناجحه في شغلها وبيتها .. يعني خلاص حياتها بقا اجمل من زمان بكتير قد ايه
عوض ربنا جمييل .. بس الصبر
حياتهم هاديه ومبتخلاش من حبهم وهزارهم ورومانسيتهم وفارس اشتري شقه واسعه وانيقه غير شقه الاوضه والصاله اللي عايشين فيها بس مسابوهاش خلوها لأنها فيها كل ذكرياتهم وبدايتهم الحلوة وهما عايشين زوج وزوجه طبعيين .. في يوم مش متوقع ل فارس .. كان بيجهز ل دخول عمليه جراحيه ..
جهز نفسه ولبس لبس العمليات .. ودخل بيبص علي المصاپة والصدمه اخته ندي !! اتفزع لما شافها چروح وكدمات ووشها متعور من كل مكان .. سنين بيدور عليهم لحد ما بيٲس ويوم ما يقابلهم يقابلهم كدا اتجمد حاول يفحصها وهو متوتر وبدٲ عمليته ك جراح وايده مش مطوعاه مهزوز ومش مصدق وزميله لما لاحظ كدا طلب يكمل هو مكانه .. خرج برا بسرعه لاقا امه انصاف قاعده بټعيط ..
ماما !!
فارس !!!!
انصاف وقفت عياط والصدمه شلتها ابنها ! وهي تقدر تغيب عن ملامحه حتي لو اتغيرت شوية .. بقا بملامح رجوليه خشنه ب تعبه وكفاحه عشان يوصل ل كدا .. وطول اكتر من الٲول .. وشعره مرتب وناعم .. شكله شكل راجل مهم وجذاب ..
ماما ندي حصلها ايه
فارس ابني حبيبي وحشتني اووي يا بني !
يا ماما كلميني ندي اللي عمل فيها كدا
ضعنا يا فارس! ضعنا يابني .. اللي عملاناه في بنت اخويا طلع اضعاف علينا واتردلي في بنتي.
طب فهميني !
جوزها الله يجحمه ويورينا فيه يوم .. اللي عمل كدا فيها
قال ب صدمة _ جوزها ! ندي اتجوزت
_ابوك منه لله هو كمان .. هو اللي جوزها للحيوان دا .. عشان انت رفضت تتجوز البت اياها .. ف جوز اختك لابنه الكبير بيعه وشروة يا فارس ودفعنا التمن غالي.
انصاف حكت لٲبنها كل الي حصلهم في السنين اللي فاتت وحكتله ان ابوه اتزنق في الديون الي عليه فملقاش حد ينقذه بعد رفض ابنه غير ندي .. وندي رحبت بالفكرة جدا كفايه انه غني وهيعيشها في قصره وهتسيب الدراسة ومش مهم اخلاقه الوحشه اللي سمعت عنها عامله ازاي
واسماعيل ومراته باعوا فيلتهم وراحوا قعدوا معاهم في قصره الكبير وقطعوا علاقتهم بٲبنهم وندي عاشت كويس في البداية بعدين ظهرت اخلاقه الوحشه والمريضه وان هو انسان مش طبيعي دا مريض نفسي وعصبيته هلاك علي غيره ..
كان بېضربها وبيبهدلها وحاولوا ابوها وامها يتدخلوا ويمنعوه بس هددهم ميتدخلوش بينهم ..
وأنهم قاعدين في خيره ل سنين وهو كدا
لما جيه يوم وندي قالتله أنها حامل وهيخلفوا وطلبت منه يتغير عشان ابنهم حتي !
اټجنن عليها وقالها أنه مش بيخلف بسبب حاډثة قديمة وهما حاولوا يقولوله أن أبوه فهمهم أنه كان بيعالجوا
وخف حتي أبوه حاول يقنعه ومصدقش وفضل مكمل پهدلة فيها بدون رحمة ولا شفقة ..
واسماعيل مسكتش راح كسر علي دماغه فازة عشان يسيب بنته اللي ھتموت من بين ايديه لكن هو انتقم وراح وبحسب انه معروف وليه معارف كتير .. لبس اسماعيل قضية ممنوعات زور وحپسه وطرد انصاف من بيته .. وفضلت ندي تحت رحمة مرضه ووحشيته محدش قادر ينقذها منه وانصاف حاولت تاخد بنتها كتير بس فشلت .. وبقت ملهاش مكان تقعد فيه و اشتغلت فراشه في مدرسه ابتدائي .. وحاولت توصل لفارس كتير عشان ينقذ اخته من المچنون دا .. بس معرفتش.
فارس دموعه كانت محپوسة في عنيه وهو بيسمع اللي جري ل عيلته وهو مش معاهم يساعدهم ..
اختك تقريبا جوزها شوه وشها من الضړب يا فارس !
واللي في بطنها
مش راضي يعترف بيه ! كان مقعدها بس عشان يربيها فاكرها خانته.
معقول توصلوا للدرجه دي شوفتوا نتيجه عمايلكم شوفتوا !
مش حمل عتاب يا بني .. انا الزعل والقهرة هدتني .. خلاص معدتش قادرة
طب
انتي وصلتلها ازاي
يا قلب امها كلمتني وهي بتطلع في الروح الكلب بعد ما
ضربها سابها زي ما هي مهانش عليه يسعفها .. حاولت علي قد ما تقدر تتصل برقمي وتقولي وبالعافيه عرفت اروحلها الحقنا يا فارس الله لا يسيئك يابني معدش لينا غيرك ..
_ دايما يا ماما كنت اقولكوا بلاش تفترو علي الضعيف والغلبان .. هيجي اليوم اللي هتشوفه بحد اقوي منكوا ويستقوي عليكوا .. شوفتوا نتيجه عمايلكم وتشويه وش فلك من ندي اه داقت من نفس اللي دوقتهولها داين تدان ربنا بيخلصلها ..
انت شمتان فينا يا فارس شمتان في ابوك وامك
مقدرش يا ماما .. بالعكس انا قلبي بيتقطع علي حالكوا اللي وصلتوله انا بس بفكركوا .. ان الي بتعملوه اي كان خير او شړ بيتردلكوا ..
خلاص يابني كفايه .. مصدقت لقيتك انا حفيت عشان القيك انا نايمه في اوضه فراشه في مدرسه ابتدائي .. وابوك محپوس من اربع شهور مقدمناش غيرك .. سامحنا يابني وخلي فلك تسامحنا
خلاص يا ماما اهدي محلوله ان شاء الله انا هتصل بفلك تيجي تاخدك البيت عندنا تنوريه .. وندي الحنين بخير بس لازم نعمل اشاعه عليه لأن نسبة شك تقريبا من اللي حصل ممكن يتولد بتشوه غير كدا هي هتبقي كويسه بس نفسيتها مش كدا يا ماما ..
يعيني عليكي يابنتي ! وهي فلك هترضي ان احنا نعيش في بيتها بعد اخر مرة شوفنها فيها
سبق وقولتلك .. فلك مفيش احن منها .. روحها وقلبها اطيب من اي حد صدقيني هتقابلك وهتحضنك كمان ..
اتصل فارس بيها وهي لما عرفت سابت كل الي وراها وجاتلهم .. وساعه وكانت عندهم انصاف بصتلها .. والدهشه ملتها .. فلك بقت حد تاني شكلا اللي شافته واحدة تانيه غير فلك الطفله الضعيفة المكسور اللي تعرفها ..
اللي جايه ست انيقه وشيك جدا في لبسها وحجابها .. ونظرة الثقه كبيرة بعيونها علي عكس نظرة الكسرة والالم زمان .. وكمان الثقه دي مش بتيجي من فراغ .. في معامله بتفرق .. ممكن واحد يخليكي مقهورة ومکسورة وينزلك الارض .. وواحد تاني يرفعها سابع سما ويخليها واثقه في نفسها وفي ذاتها ويبقي فخور بيها ومخليها حد مهم في المجتمع ودا الي عمله فارس بالظبط اهتم بفلك .. ومالها بحنانه ودعمه .. وخلاها انسانة ناضجه وناجحة وليها كيان .. لازم نختار صح عشان الاختيار دا هيحدد انتي هتبقي ايه .. مکسورة ومهزومة ولا كسبانه وثقتك كبيرة .
قامت انصاف وقفت مذهولة وبصت لنفسها ولفلك حست انها متليقش بيهم .. دي الي كانت بتبهدلها وټضربها وبنتها تقولها شحااته دي اللي طردوها هي وابنهم باللي عليهم هي كانت بتعمل كدا وكرهها وصلها للدرجه بسبب غيرتها من اخوها الغيرة بتقتل صاحبها ببطء وبتدمره ..
بصت للبس فلك وشياكتها والبالطو بتاع المرافعه الي شيلاه علي ايديها زمان لما تقولها هيبقي محامية كانوا بيتريقوا عليها وبيهدموا طموحتها هي وبنتها بقوا ايه دلوقتي البنت بتقوي بشهادتها وتعليمها الي بتفتخر بيه .. لكن بنتها سابته
وكسلت تتعب فيه وادي اخرتها .. انصاف دمعت ب قهرة هما ظلموهم وجم عليهم .. اكيد موصلوش لكدا بالساهل اكيد تعبوا في حياتهم كتيير .. يارتهم كانوا استنوا
وحشااني يا عمتي عامله ايه ان شاء الله ضيقة وتزول .. متقلقيش انا هعمل اقصي ما في جهدي عشان اترافع عن عمي اسماعيل واخرجه بس نثبت ان الممنوعات مش بتاعته وندي انا هعرف اجيبلها حقها من جوزها .. وهنثبت كل الضړب الي عمله فيها .. وفي استاذ محامي كبير في البلد اعرفه هيساعدنا وهيعرف يتعامل مع جوزها وممكن يتحجز في مشفي امړاض عقليه.
كتر خيرك يافلك لو مش عايزانا نقعد معاكي قولي وانا هق...
قاطعتها بعتاب
عيب يا عمتو دا بيتكوا انتوا وهتنوروني ولله .
ابتسمت انصاف بكسره .. رغم كل دا لسه قلبها قلب طفله وابيض من ناحيتهم وعايزة تساعدهم راح فارس ياخد فلك في اوضة مكتبه وقفل الباب عشان يكلمها ..
لك يا حبيبتي حقك طبعا ترفضي انهم يعيشوا معانا مؤقتا وبالذات ندي .. انا ممكن اشوف شقه ليهم و ..
لا
يا حبيبي هو انا كدا برضو هما اه جم عليا كتير واذوني اكتر .. بس ربنا بيسامح وكفاية أنهم السبب في انك تبقي معايا واظن كفاية اللي هما فيه ويكفي انها خدتني ربيتني وسطيكوا وانا لوحدي ومرمتنيش في دار ايتام .. اللي طلعت بيه من كل دا انت يا حبيبي عشان كدا مقدرش ازعل منهم .. وممكن يقعدوا معانا لحد ما ربنا يفك زنقتهم .. والبيت بيتهم.
فلك انتي كتير عليا بجد ! .
فلك بصتله بحب .. وابتسمت ورفعت ايديها لدقنه بتضحكله ..
متقولش كدا بس انا وصلت الي انا فيه دا بسببك انت .. طب انا عايزة اقولك علي حاجه عارفه انه مش وقتها .. بس من فرحتي مش قادره اسكت بصراحه.
ايه
اتنهدت وضحكت ضحكتها الحنيه والدافيه ومسكت ايده حطتها علي بطنها وابتسمت قدام عيونه المذهوله ..
انا كنت مستنيه نتيجه التحليل تظهر عشان اتٲكد ولما اتٲكدت مقدرتش استني عليتنا هتزيد فرد زي ما كنت بتتمني يا حبيبي
لا .. هو انتي فعلا
اه .. يا فارس انا حامل في شهرين!
فلك اوعي تكوني بتهزري
وهو دا فيه هزار لما نروح البيت هوريك نتيجه التحاليل عشان تتٲكد وا... انت بتدمع يا فارس ! انت فرحان للدرجادي
مش عارف اوصفلك فرحتي .. انا بحبك اووي يا حبيبتي متعرفيش كل يوم كنت بتمني ان اخلف بنت منك وتاخد نفس جمال ضحكتك وعفويتك وعيونك العسلي انتي بتنوري حياتي وبتعليها واحنا عانينا كتير في الٲول
بس في الٲخر ربنا عوضنا بهديه حلوه اوي.
وفرحتي اضعاف فرحتك انا مليش عيله غيرك تخيل عيلتي هتزيد وحته منك كمان!
ربنا يخليك لينا يا حبيبي
فلك بصت ل فرحته ب رضا ودموع وكل حاجه بتثبتلها ان وسط عالم مليان حقد وغيره واذيه لازم يكون في واحد بس منهم نضيف من جواه
شعاع نور يورينا ان ربنا رحيم في ابتلائته
وكريم في عوضه ومش لازم نقابل الۏحش بالۏحش مهما فاتت ايام ربنا هينتقم ويورينا عدله فيهم وفي كل عتمه في حياتنا بصيص نور وفي اي فجوة مخرج صغيرلمغزي لازم نصبر الصبر امتحان نتيجته سعادة متتوصفش لان ربنا بيورينا عوضه الكبير والي ملوش حدود
تمت
