قولتلك من الاول البنت دي وش فقر
المحتويات
اللي تعبان وانا أمه وخاېفة عليه
وقاعدة فوق راسه لحد ما يخف واشوفه رهوان قدامي انت يا فارس زي ما انت بقولك عيلتي
فأنا حسيتك ابن وإحساس أن فيك تعب وان ممكن اخسرك كان صعب اوي أنا اسفة أن حسستهولك من غير قصد مني نيتي كانت خير ولله يا حبيبي.
فارس كان ساكت ومش بيرد بس نظراته بتوضح احساسه وان فلك اول مرة تقوله يا حبيبي
اشتياق .
كملت ب هزار ومرح
_ خلاص صافي يا لبن وانا عرفت غلطي وانت عرفت غلطك بس انت اتصالحت عادي
أنا بقا مش هتصالح غير لما تجيلي الشكولاتاية اللي متعود
تجبهالي كل يوم واتحرمت منها اسبوع كامل يا مفتري تخيل زعلك حرمني من كام حاجة يابيه
ضحك جدا علي روحها وطفولتها اللي مهمما كبرت بتفضل فلك الطفلة اللي شالها اول مرة
_ تعالي هوريكي حاجة
خدها وراح فتح درج المكتبة في الصالة وشهقت لما لاقت كمية من الشيكولاتات مش بس اللي بيجبهالها انواع تانية نطت من الفرحه
_ ايه دا ايه دا كل القمر دا عشاني
اتكلم بسخرية
_ لأ عشان عم صلاح البواب
_ رغم أننا كنا مش بنتكلم والمفروض زعلانين
ومعديش علي السوبر ماركت
اشتريلك حاجاتك اللي بتحبيها
بقت تعود وتلقائي بدخل اشتري قولت طب أنا المفروض مش بكلمك وعامل زعلان
ادهالك وهيبتي تروح فضلت احوشهملك
وقولت اسيبك كام يوم كدا ټندمي الاول واصالحك بيهم.
بصتله بتفاجاء
_ اخص عليك يا فارس وهونت تسيبني كدا
_ حقك عليا يافلك أنا كنت بټعذب قبلك
بس فكرة انك عملتي حاجه لأول مرة من ورايا
وكنتي هتروحي مني بسبب اغبية
خلتني اتصرف كدا عشان تفهمي احساس
بصت في الأرض بأسف
_ أنا اسفة مش هعمل اي حاجه تانية من وراك .
رفع ذقنها وابتسملها
_ طب بصيلي ومتوطيش راسك
وبعدين مش انا راضيتك ما تراضينا انتي كمان
وبلاش شوربة خضار مش بحبها
_ لأ انت هترشيني خدهم اهو بس متاخدهمش اوي لحد ما تشرب الشوربة هاخدهم تاني
مفيش حاجه اسمها مش بحبها تمام
_ حاضر يا ماما انصاف حاضر
بس مش واحدة بالك انك خدتي بالك انك مش بتذاكري والامتحانات علي الابواب ولا ايه
فتحت عينيها علي آخرها حتي نسيت دراستها من الحزن هو منسيها كل حاجه ضړبته ب خفة
اتكلم بتفاجاء
_ بسببي ليه
_ مش لاقي حد يذاكرالي ونفسيتي مش مفتوحة !
_ ايوه ايوه الذاكرة لاقت حجة حلوه عشان تطلع نفسها طيب ياستي اوعدك هخلص شغل وهنسهر أنا وانتي للصبح نذاكر وعايزك تتحجي وتهربي بقا عايزين تقدير يا استاذة !
قطع ردها عليه حد بيخبط علي الباب جامد اوي وبيزعق والخبط فزع فلك و ...... !
اختك تقريبا جوزها شوه وشها يا فارس !
و الي في بطنها
مش راضي يعترف بيه !
اټفزعت فلك مكانها من خبط الباب الشديد وبصت ل فارس پخوف وهو حاول يطمنها ..
ويهديها وهو رايح يفتح و بيبتسملها
مټخافيش يا فلك .
فتح الباب كان طفل صغير بيعيط وبيحاول يتكلم بأي كلمة لفارس وهو لما شافه كدا انحني ل مستواه وسئله بتعجب
مالك يا حبيبي
رد الطفل بكلام متقطع من الاڼهيار
بټضرب فاطمة !
فتح فارس عنيه علي وسعهم هو وفلك
اللي جات وسمعته
مين فاطمة ياحبيبي
بنت عمي !
ردت فلك بشك
مين بېضربها
ماما !
ما هي يمكن عملت غلط وبتعلمها بس بطريقة جامدة شوية.
لا لا يا عمو دي كلت من التلاجة من غير ما تقول ل ماما ف عرفت وبتمدها بالعصاية علي رجلها
وهي صغيرة ورجلها هتتعور وانا مش عارف اقولها لأ.
بصوا ل بعض ب مغزي هما فهموا من الصدمة وفارس شد الجاكت بتاعه وخد الولد قاصد الشقة اللي فوقيهم وفلك اللي جواها حاجه خلتها تطلع وراه ..
ولما طلعوا كان فعلا في صړاخ طفلة متعديش ال سبع سنين وجمبها ست تانية ماسكاها بكل قسۏة وهي مش فارق معاها صړاخ المسكينة دي من الۏجع !
فارس اتكلم بصوته لفت انتباه الست
انتي بتعملي ايه ! ازاي تضربيها كدا
زعقت فيه لما استوعبت وجود ناس غريبة في بيتها واقفين وبيحاسبوها
ايه دا انتوا مين وانت مالك أصلا
مالي أن صوت البنت وهي بتصرخ عالي
وسمع العمارة كلها من ضړبك ليها !
أنا حرة فيها بربيها ومحدش له دخل
فارس اتعصب من أسلوبها وراح شد البنت منها واللي كان وشها احمر من العياط ومعلم من آثار ضړب بالقلم
لأ مش حرة فيها شايفة ضربتيها ازاي
انتي بني ادمة عشان ټضربي طفلة بالطريقة دي
مهما كانت غلطتها وبعدين امها سايباها معاكي أمانة تقومي تعملي كدا
شدتها منه تاني وبصت لأبنها بتوعد
برضو نزلت ناديت ناس غريبة ماشي بصوا بقا البت دي ملهاش ام ولا اب وهو جبهالي عشان اخدمله بنت اخوه يبقي تتربي ب كيفي ويلا اطلعوا برا بيتي
يعني كمان يتيمة وفي امانتك!
طب تمام انتي بقا لو مبطلتيش هعرف جوزك اكيد مش شايف معاملتك وهو يتصرف .
ردت عليه ب تريقة
لا
وانتش صادق هو عارف و قالي اربيها ب معرفتي اطلعوا منها بقا
رفع حاجبه
الله انتوا عصابة علي الطفلة بقا !
خلاص نبلغ في القسم والبت معتدين عليها بالضړب
سهلة !
فلك من اللي واقفة بتسمعه زي ما تكون حاجه حركتها أو شكل الطفلة وهي بتتضرب فكرها ب حاجه وراحت عند الطفلة شدتها من بين ايدين الست القاسېة ورفعت عينيها ليها وهي بتزعقلها ب انفعال
أنت مينفعش يتقال عليك حيوان حتي
لان الحيوانات رحيمة وپتخاف علي ولادها عنك
يعني البنت ابوها وامها ماتوا وعمها خدها يربيها
بدل ما تعاملوها كويس وتعملوا بالوصية وبالأمانة
تعملوا كدا ل درجة ابنك ېخاف وينزل يستنجد بحد ليه يعني بتستفادو ايه!
منظر البنت وهي مضړوبة ومتبهدلة كدا قدامك عشان سبب تافه حلو
فاكرة ربنا هيسيبك علي جحودك ومش هيحاسبك
لو دي التربية يبقي لأ سيبوها للغريب احسن
هو هيبقي احن عليها منكوا .
الست اتغاظت من كلام فلك وخدت منها البنت دخلتها الاوضة ووقفت تزعق بعصبية
ملكوش فيه ماتدخلوش في حاجه متخصكوش
ولو ما نزلتوش هصوت واقول بيتهجموا عليا !
قامت فلك وقفت علي حيلها وقالتلها بتحد
احنا هننزل فعلا بس لو كنتي فاكرة اننا هنسيب البنت تعملي فيها ما بدالك بعد اللي شوفناه عشان ملهاش حد تبقي غلطانة
أنا ممكن اوديكي في داهية انتي وجوزك وب أثباتات كلها قانونية أولهم الجيران اللي بيسمعوا صړاخها والكدمات اللي في وشها وبراحتك !
ما ساعة ما نزلوا من عندها كانوا في طريقهم ل جامعتها و فارس راكب معاها يوصلها
كانوا ساكتين هو بيبصلها وهي سرحانه
هو فهم رد فعلها مع جارتهم هي افتكرت معاملة وظلم امه وأبوه الشبيه لمعاملة الست
ف فضل مايتكلمش وسابها تتكلم معاها
لو دي طريقة قدرت تخرج بيها اللي جواها من
زمان
وهو حاسس بالذنب ليها رغم انه كان علي طول معاها وعلي قد ما يقدر مش بيسيب فرصه يدافع عنها بس برضو اهله ومكانش ليه تحكم كامل علي معاملتهم معاها !
وعشان كدا شافت نفسها في الطفلة وهي قدرت تهزها وتخوفها ومرضيتش تنزل الا لما تتأكد أنها هتجيب حق البنت.
خرجها سرحانها وهو بيحط ايده علي أيدها
انا اسف اني مقدرتش انسيكي الظلم اللي عشتيه في بيتنا !
أدركت انه بيكلمها فبصتله وابتسمتله
لأ يا فارس انت السبب في أي حاجه وصلتلها
وانت فعلا قدرت تنسيني وتعوضني عن أي وحش
من صغرك وانت بتعمل كل حاجه تعوضني عن اهلي ! لما هما يضربوا بالشمال انتوا تطبطب وتداوي باليمين ولو كنت فاكر انهم لسه مأثرين
تبقي غلطان أنا فعلا نسيت مش فاكرة حاجه
اللي خلاني اتكلم وانفعل ممكن اكون حطيت
نفسي مكانها بس لأنها صغيرة وملهاش حد كبير ېخاف عليها ويقف قصادها ووضعها اصعب انت كنت معايا وواقف في ضهري قصادهم رغم أن شوفتك في الولد الصغير ابنها ..
بجد يعني انتي مش شايلة حاجه جواكي
ابقي ظالمة أنا خدت كل الحلو اللي في الدنيا فيك وبس مفيش حاجه تخليني ازعل
ابتسم لها
ريحتيني يا فلك صدقيني كلامك كبير
دا بسيط عليك بس برضو مش هسيببها الا أما اطمن أنها بتعامل البنت حلو حتي
هما لازم يفهموا أمانة تربية يتيم وأنها ثواب ووصية واختبار من ربنا ليهم والا يسيبوه وميعذبهوش معاهم.
انتي جميلة يافلك الحمدلله أن مسبتكيس تضيعي مني ..
عدت ايام وشهور وأحوالهم بتتحسن عن الاول فارس مجتهد في شغله واللي حواليه مبسوطين بشطارته ومهارته ودا بيأثر عليهم في الدخل المادي اللي آبادي يتحسن ويخف من العبئ عليهم وفلك امتحاناتها خلاص اخر سنه وتوصل ل حلمها كانت ب مساعدة ودعم فارس بتذاكر طول الوقت وكل اهتمامها أنها تتخرج بتقدير ..
ويمكن اللي مقويها ومحمسها اوي كدا
هو حبه ووجوده معاها ..
في بعض الأوقات كانت بتشوف فارس ساكت وسرحان وهي بتفهم سبب دا اهله وحشوه ڠصبا عنه دول أهله والاصعب أنه مش عارف يوصلهم وقفلوا كل ارقامهم هي كانت بتحس بيه وبتحاول تعوض وجودهم وهي محملة نفسها الذنب بس كالعادة هو محملهاش صح اهله .. ظالمين وانانين وفيهم عبر كتير بس ابوه وامه مهما كانوا .. والٲنسان من غير ابوه وامه .. ضلعه مكسور وستره مكشوف الاهل السند والحياة حتي لو كانوا اوحش بني ادمين العالم .. هما اساس حياة عيالهم عشان كدا فلك كانت بتدعي في صلاتها من كل قلبها ان علاقتهم تتصلح عشانه هو بس عشان ميبقاش حزين وكانك جواه كدا ..
مبقاش فاضل غير اسبوع واحد علي امتحانات فلك وتخلص سنين تعليمها كانت متوترة جدا وفارس كان بيذكرلها وبيشجعها .. كانوا قاعدين هي بتذاكر علي الكنبة جمبها وهو بيتفرج علي اللاب ب حاجه خاصه بشغله
فارس انت جيتلي الجامعه انهاردة ليه
علي طول بقيت بجيلك اشمعنا انهاردة.
تفرق كان في بنت ملزقه واقفه جمبك وعماله تضحك وانت مندمج معاها
اهاا قصدك نور
ابتسمت بغيظ
ما شاء الله انت عرفت اسمها كمان نور ولا ضلمة ميهمنيش اسمها هي كانت بتقولك ايه خلاك تضحك كدا
دي طالبه في كليه طب اخر سنه وعرفت ان دكتور واخوها دكتور معانا في المشفي و ...
انا مالي بكل دا عايزة اعرف قالتلك ايه
وعايزة تعرفي ليه
سؤالك عجيب .. من حقي اعرف اللي خلاك ھتموت من الضحك وانت بتكلمها كدا ثم انت مقولتلهاش انك متجوز ولا ايه
ابتسم فارس لما حس انها غيرانه عليه وغيرتها وحبها اللي بقا ظاهر جدا في تصرفاتها مش ناقص غير أنها تقولهاله ويبقوا ازواج طبيعيه ف استغل دا بمكر
اسرار شغل ..
رفعت حاجبها بعدم اعجاب
فعلا اسرار شغل فيها الضحك دا
كله لا منا مش هسيبك الا لما اعرف قالتلك ايه
قالتلي كتير .. لسه هقعد احكي ..
فارس متنرفزنيش صدقني هزعل بجد انا متوترة من
متابعة القراءة
