اغلى من الدهب الاخير بقلم نشوه عادل
اهلا وسهلا مين حضرتك!
..... انا فارس عاصم الجوهرى رجل اعمال
اټصدمت دهب من الاسم معقول ده فارس ابن عمها ولا مجرد تشابه اسماء ....دهب اتشرفت بحضرتك اقدر اساعدك ازاى!
فارس الحقيقة ان انا بصفى شغلى هنا عشان مهاجر ع كندا مع زوجتى واولادى ووالدتى قعيدة ع كرسى والحقيقة ان مراتى كتر خيرها استحملتها من بداية جوازنا بس دلوقتى بقى فيه اولاد ومسؤولية لما سألت ع أحسن دار مسنين سمعت عن المكان هنا وعجبنى وهطمن لو سيبت والدتى هنا
بصت دهب ع الاسم بالكامل واتأكدت ان هو فسألته احم اومال الوالد فين!
فارس لا الوالد الله يرحمه اتوفى وانا عمرى ٨ سنين
دهب پصدمة ف نفسها ي حبيبى ي عمو عاصم يعنى انت مت ع طول بعد ما جيبتنى الملجأ عشان كده مكنتش بتيجى
تزورنى ربنا يرحمك
فارس حضرتك معايا ولا ايه!
فارس هخلص اجراءات تصفية الشركة والفيلا وهجيبها ان شاء الله
دهب الفيلا...هى الفيلا فين!
فارس باستغراب اصل كنت بدور ع فيلا كلاسيك ف مكان هادى فلو كويسه كنت اجى اشوفها واخلص فيها ومش هنختلف ع التمن
فارس كويس جدا ممكن حضرتك تيجى معايا تشوفيها
فارس اتفضلى
دهب لا مفيش مشكلة هو الموقع عجبنى وشكلها كلاسيك فعلا بكرة ان شاء الله نروح الشهر العقارى ونخلص والفلوس كاش
فارس بفرحة تمام
تانى يوم بعد ما خلصوا اجراءات البيع طبعا فارس مشافش امضتها ومعرفش انها بنت عمه وبعد يومين خلص بيع الشركة وجاب امه ع الدار واستلمتها منه دهب بنفسها شافتها وعرفتها وبعد ما مشى قعدت قصادها
سمية انتى مين! عرفتى اسمى ازاى!
دهب بصى ف شكلى كويس وركزى كده يمكن الزمن غير ملامحى انا كمان بس كان بابا الله يرحمه دائما يقولى هو وعمو عاصم انى شبه امى اللى. ماټت وهى بتولدنى
سمية پصدمة د...دد...دهب
دهب بابتسامة كويس انك لسه فاكرة اسمى وي ترى بقى فاكرة اللى كنتى عملتيه فيا زى ما افتكرتى اسمى كده
تعالت شهاقات سمية واكملت دهب زمان انتى رمتينى وانا ضعيفة ومکسورة ويشاء ربك يبعت ف طريقى كل الناس اللى ف قلوبهم رحمة واكبر ويتحول ضعفى لقوة لكن ف الوقت اللى انتى رمتينى فيه كنتى انتى قوية ويعدى الزمن وربنا يبعت ف طريقك الناس الجاحدة القاسېة زى مرات ابنك عملت فيكى اللى عملتيه فيا زمان الفرق ي مرات عمى انى كنت صغيرة وضعيفة لما كبرت بقيت قوية اما انتى كنتى صغيرة وقوية وكبرتى وبقيتى ضعيفة وكل مدى بتضعفى كل ما تكبرى لكن اطمنى انا مش هعاملك بمعاملتك انا هتعامل بأصلى اللى ربانى عليه بابا عصام وعمو عاصم ودادة نعيمة وماما حنان
دهب اللى بيسامح العباد واللى بيغفر الذنب هو ربنا ادعليه يسامحك
اخدتها دهب ع غرفتها ووصت عليها انها تتعامل احسن معاملة واخدت جوزها وولادها وراحت ع الفيلا
جان باعجاب واو فيلا كلاسيك قديم بس
تجنن
دهب اللى انت متعرفوش ان دى الفيلا اللى.
انا اتربيت فيها دى بتاعت بابا
جان بجد
دهب اه والله
اخدته دهب من ايده وقعدت تلف ف الفيلا ركن ركن وغرفة غرفة تحكيله
عن ذكرياتها فيها وبالصدفة لقت عمها محتفظ ف المخزن بصور ابوها وامها وصور ليها وهى صغيرة والعابها وقعدت تحكى لجان عن طفولتها وهو بيسمع ليها بشغف وحب
اغلى من الدهب الاخير
بقلم نشوه عادل
