اغلى من الدهب الاخير بقلم نشوه عادل
المحتويات
فاهمة انت مكبر الموضوع كده ليه انا ابنى اهم من اى حاجة وبعدين هى حتة عيلة زى دى هتتحكم فينا يبقى البيت بيت ابونا والغرب بيطردونا
عاصم انتى مقتنعة بالكلام اللى انتى بتقوليه ده بيت ابوها اللى شقى وتعب وجابها من الصفر لحد ما بناه
سمية الكلام ده كان قبل ما يكون لينا ي عاصم اخوك خلاص الله يرحمه وبنته عايشة معانا اهى احلى اكل وشرب ولبس وليها دادة
عاصم باستسلام حاضر ي حبيبى
نقل عاصم حاجة دهب لغرفة تانية وووو....
يتبع....
اغلى من الدهب الثانى
البارت التالت
نقل عاصم حاجة دهب لغرفة تانية ....دهب عمو انت بتجيب حاجتى هنا ليه!
عاصم تغيير ي حبيبتى اوضتك الجديدة هخليها زى القديمة واحلى
دهب بس انا بحب اوضتى اوى ومتعودة عليها من زمان وبحب انام ع سريرى
كانت هتعترض لكنها افتكرت كلام باباها انها لازم تسمع كلام الكبار حاضر ي عمو
عاصم اشطر كتكوتة
عدت سنة تقريبا وف يوم كانت دهب تعبانة اوى وحرارتها عالية والوقت متأخر وف شتا وعاصم مش موجود طلعت نعيمة ع غرفة سمية وخبطت عليها
سمية افندم!
نعيمة انا اسفة ي مدام بس دهب تعبانة اوى وحرارتها عالية اوى
نعيمة طيب احنا ممكن نتصل بالدكتور يجى يشوفها
سمية ايه دكتور مين اللى هيجى لحضرتك الساعة ٣ الفجر
نعيمة عادى كان فيه دكتور استاذ عصام الله يرحمه يعرفه وكان بيجى
سمية انتى عارفة عشان دكتور يجى دلوقتى هياخد كام غير العلاج يلا امسى اعملى ليها اى زفت كمدات ومتصدعنيش
فضلت نعيمة جنب دهب بتعمل كمدات لكن الحرارة مش بتنزل والبنت بترتعش لحد الساعة ٦ سمعت صوت عاصم وصل خرجت بسرعة
نعيمة صباح الخير ي استاذ عاصم
عاصم صباح النور خير انتى مروحتيش من امبارح!
نعيمة لا أصل دهب تعبانة من الفجر وحرارتها مش بتنزل
نعيمة قولتلها بس هى معملتش حاجة
عاصم طب ليه متصلتيش بالدكتور!
نعيمة فكرت والله بس المدام رفضت
شال عاصم دهب بسرعة وراح بيها ع المستشفى وكان دور حمى ونزلة معوية قوية وعلقوا ليها محاليل طلب عاصم من نعيمة تفضل معاها وروح عشان ينام شويه
عاصم يعنى البنت تتعب وحرارتها تعلى والدادة تطلع تقولك عشان تجيب ليها دكتور مترضيش البت كانت ھتموت
سمية الله انا كنت سهرانة مع فارس وتعبانة وبعدين انا تعبت بجد اشمعنا انا اللى اتحمل مسؤليتها
عاصم يعنى ايه!
سمية يعنى اشمعنا
انا ما اخواتك كل واحد ف بيته وعايش حياته ولا ع باله هو ومراته وانا بصراحة بقى معنديش طاقة احتمال
عاصم انتى عاوزة ايه بالظبط!
سمية يعنى وديها عند واحد من اخواتك تعيش معاه انا مش مضطرة استحملها اكتر من كده
عاصم اوديها لمين ! على سافر السعودية واستقر هناك ..عمران قالك انا عندى تلات بنات ومش حمل الرابعة عاوزانى اعمل ايه ارميها ف الشارع!
سمية لا طبعا ليه ف الشارع انت توديها دار ايتام احسن
عاصم پصدمة ايه! دار ايتام! انتى اتجننتى اكيد انتى عاوزة الناس تاكل وشى ويقولوا رمى بنت اخوه ف الملجأ بعد ما اخد ورثه
سمية ناس مين دول اللى بتتكلم عليهم دول ومن امتى وانت بتعمل اعتبار لكلام الناس بص بقى ي عاصم
ي انا وابنك
متابعة القراءة
