اسكريبت مش كان زمانى

ما وخصوصا مع الناس اللي شبه خلود هو اقتناعهم التام بإن انتقاد طريقتهم الفظة شيء غير مقبول تماما بل إنهم بينجحوا بطريقة ما بإنهم بعد فترة يقنعوا اللي حواليهم بإن دي طريقتهم وخلاص وإن المهم إن قصدهم خير وإن الفكرة الأساسية والغرض من الكلام في الأصل هو الأمر بالمعروف والنهي عن المنكر فبلاش نحبكها ونركز أوي مع الطريقة والأسلوب يعني!
لكن بشكل ما الشيء دا غير مقبول بالنسبالي لأسباب كتير من ضمنها وأولها إن الإنسان الطبيعي أكيد مش هيقبل على نفسه الإهانة أو التقليل فمينفعش أكون بقلل من حد بطريقتي وبالذات لو بوجهله نصيحة أو بحاول أعلق على سلوك غلط أنا شايفه بيعمله وبعدين أتفاجئ وأتضايق إنه مش بيسمعلي أو بيرد عليا بأسلوب مش لطيف مثلا!
صحيح الأمر بالمعروف والنهي عن المنكر واجب علينا كلنا لكن دا ميديش لأي شخص الحق في إنه ينتقد اللي قدامه أو يقلل منه أو يئذيه حتى لو بالكلام بحجة إنه بينصحه وإن دا واجبه متبقاش عامل زي اللي بيتصدق بصدقة ويتبعها بكلمة وحشة يئذي بيها الفقير فيضيع أجر صدقته!
عايز تنصح واجبك وحقك محدش يقدر يتكلم لكن افتكر قبل أي كلمة هتقولها إن الكلمة بتفرق فيا تنصح بلين وبالمعروف يا تحاول تدور على طريقة تنصح بيها الأول قبل ما تتكلم 
أبوك لسة قايلي إنك مجيتش الصيدلية إمبارح عشان سنوية مراتك كانت إمبارح يا يونس ربنا يصبرك يا حبيبي ويرزقك بالخير شد حيلك كدا 
صينية الشاي اتهزت في إيدي لما سمعت جملة بابا أول ما دخلت الصالون وبتوتر خدت كذا نفس وأنا بحاول أسيطر على نفسي 
ونعم بالله يا عمي تسلم 
حطيت صينية الشاي قدامهم تزامنا مع رده وبدأت أوزع عليهم الكوبايات عشان محدش يتلغبط في كوباية التاني 
إوعى تكوني مزودالي السكر وإلا أروح فيكوا في داهية 
ضحكت على طريقة عمو حسن وتعابير وشه ورديت وأنا بديله كوبايته بحذر
لا متخافش طبعا دول هما يدوب ست معالق سكر بس 
طب حيث كدا نلحق نرن على الإسعاف بقى 
ابتسمت وأنا بدي لبابا كوبايته وقبل ما أتحرك عشان أدي ليونس هو كمان كوبايته لقيته قام وخدها طب والله راجل منك لله يا يونس يا ابن عمي! منك لله!
كنت هطلع لكن في لحظة لقيت ماما ووراها باقي نساء العيلة داخلين بالحلويات عشان تتاكل مع الشاي وبيقعدوا وماما في لحظة شدتني جنبها عشان أقعد معاهم وبجد يا جماعة أنا محتاجة أدخل أوضتي دلوقتي وإلا هقوم أتهور وأعمل ما لا يحمد عقباه 
صحيح انتي كنتي منزلي استوري إنك بتدوري على شغل من قريب يا هدى مش كدا
بصيتلها بضيق وأنا برد بصوت حاولت أتحكم فيه
عندك شغل ليا ولا إيه يا خلود
هزت كتفها وهي بتاخد حتة كنافة وبترد
لا بس يعني ليه متشوفيش كورس ولا حاجة أونلاين تطوري بيها نفسك يعني وبعدين تشتغلي بيها كله دلوقتي متوجه للفري لانسينج والعمل الحر وبتاع وأي كورس في كتابة المحتوى ولا الجراڤيك ديزاين مثلا هيظبطوكي 
ربنا يسهل ادعيلي 
أنا بتكلم بجد مش بهزر هو صحيح هتاخد وقت شوية في الأول بس المهم النتيجة 
خدت نفس وأنا ببص لماما نظرة بمعنى شايفة اللي بقولك عليه واكتفيت بإني أهز راسي من تاني من غير رد أصلي هرد أقول إيه بالله الله يهدينا جميعا يا رب في المهلبية اللي
بقينا فيها دي 
مش حساكي قابلة الكلام يعني يا هدى 
ربنا يريحكم من هدى يا جماعة وياخدها السعودية ولا حواري ماليزيا كدا تروح تغير جو بعيد عنكم 
في الأول والآخر