اسكريبت مش كان زمانى

خلود مقصدهاش غير إنها تنصحك بما إنها الكبيرة يعني وعندها خبرة في حوار الشغل اللي على النت دا 
وأنا مقدرة نصيحتها وبشكرها عليها يا عمتو معترضتش عليها أنا 
أصلي مش حساكي قابلة الكلام يعني أنا يعني بقولك عشان أنا شوفت كتير خدوا الكورسات دي واستفادوا منها وأنا
لا بجد دا طفح الكيل بقى 
مع احترامي لكل دا يا خلود ومعلش لو هقاطعك بس بصراحة يعني يا خلود مينفعش نبقى بنكرر أي كلام إحنا حافظينه وخلاص من غير ما نميزه ومش في كل موقف أو بعد كل كلمة هنعيد نفس الكلمتين وتبقى نصيحتنا الوحيدة لأي شخص بيدور على شغل أو بيحاول يحقق ذاته في مكان معين إنه يروح ياخدله كام كورس ويشتغل على نفسه ويطورها وهو هيبقى بريمو ويقبض بالدولار فيما بعد طب افرضي دا مش طموحي! مش ميولي مش المجال اللي أنا حاباه افرضي أنا عايزة شيء مؤقت وعايزاه دلوقتي حالا! محتاجة مصدر دخل فوري ومعنديش إمكانية أستنى أتعلم حاجة ولا أضيع وقت في حاجة مش عارفة أصلا هعرف أسلك فيها ولا لأ! ليه أصلا منوفرش كل دا مثلا ونفهم كويس أوي إن لكل مقام مقال ومش كل الكلام اللي إحنا حافظينه بيتقال في كل المواقف وورا أي كلام خلاص من يوم الحوارات دي ما طلعت وكل حد يتنفس يبقى لازم يروح يستثمر وقته في الكورسات ويبطل صياح وتضييع وقت وأي حد بيدور على شغل يبقى لازم يشتغل على نفسه أكتر ويروح يشوف الأعمال الحرة وميقرفش دماغنا بصياحه وطبعا لازم أي حد يحاول يصيح نقعد نلومه وبعدين نقوله برضو يروح ياخدله كورس جرافيك ديزاين ولا حاجة وهو حاله ينصلح صح كدا أنا من كتر ما بقيت بشوف الكلام دا وبسمعه بقيت حاسة إن الناس مستنية من الواحد إنه يفتح بوقه بس عشان تزغطه كورسات انجليزي وفري لانسينج وبرمجة ما هو مش معقول كدا بجد!! شخص بيدور على شغل يبقى أساعده بإني أجيبله شغل او أشوفله حد يشوفله شغل ولا حتى أشيرله الطلب بتاعه بحيث لو حد عارف يساعده لكن مروحش لحلول خزعبلية في الغالب بيكون عدى عليها وفكر فيها بدل المرة ألف قبل ما يسأل على حاجة وأزعل إنه اتقفل ولا مقبلش الحل بتاعي!
خدت نفس طويل بعد ما خلصت كلام ومن غير ما أستنى أي رد للمرة التانية سيبتهم وطلعت لكن المرادي دخلت اوضتي وأنا حاسة إن دموعي هتخوني وتنزل وبمجرد ما قفلت الباب قعدت في مكاني وسيبت نفسي لنفسي والعياط 
تطور العالم السريع وسقف التوقعات اللي عمال يعلى كل يوم عن التاني لدرجة تخطت المثالية بطريقة مريبة بقى شيء ضاغط لأبعد حد أصل مش شيء طبيعي نكون كلنا مجبرين نتعلم كل شيء وأي شيء بالشكل الضاغط دا مش طبيعي نكون دايما في سابق مع كل الناس لمجرد ان الناس قاعدة تنجز وتحقق ومش طبيعي أقيس نفسي وميولي وطموحي على طموحات ومقاييس كل العالم وأمشي ورا أي حد وأي كلمة لمجرد إني أكون في نظر المجتمع والناس شخص ناجح!
فين أنا فين طموحي فين شخصي وتميزي ليه متعلمش اللي حباه ليه ممشيش على مهلي وآخد كل حاجة عايزاها بس واحدة واحدة ليه مضطرة بسبب
خزعبليات العالم الافتراضي دا إني آجي عند سن معين وأكون محققة عدد معين من الإنجازات اللي لو قليت عنها هكون شخص فاشل في نظر المجهول اللي مش عارفة هو مين أصلا!
أصلنا مش في