بتحبيني يا رحمه

يا بنتي بس انا لو حصلتلي حاجه بسببك مش مسامحاكي 
تاني يا ماما ما كنتي ماشيه حلو حصلك ايه !! 
_ انا هقوم بدل ما يجيني شلل 
سلامتك يا بطه 
رنت رحمه علي هند 
ايوه يا هنود اخبارك ايه 
_ الحمد لله انتي عامله ايه 
شوفتي ياختي اللي حصل ! 
_ حصل ايه اشجيني يا اختي 
لما سيبتك ورووحت عارفه لقيت ايه في البيت !! 

_ ايه يا تراا !! 
لقيت ماما محضرالي عريس 
_ ههههه بتهزري !!! 
والله العظيم بجد وماما راسها والف سيف يا اتجوز الاوزعه ده يا تضربني پالنار 
_ واتجوزتي الاوزعه !! 
لا هضرب پالنار عادي هههه 
_ وقالك ايه وقولتيله ايه احكيلي والنبي 
يا بااااااي ده دمه يلطش رخم كده لا يطاق 
_ احكيلي بقا يا رحمه قال ايه وقولتيله ايه ولا مقعدتوش مع بعض 
لا يا بنتي قعدنا بس خمس دقايق مش طايقاه مش عارفه انا استحملت ازاي !! 
_ طب احكيلي بقااااااا 
حاضر 
_____________________
فلاش باك 
علي اخبار حضرتك ايه يا ست رحمه 
الحمد لله بخير 
_ ايه الرد المختصر ده بس ليه كده ! 
مختصر !!!!! 
_ اه مختصر 
طب الحمد لله بخير وكويسه وتمام وزي الفل ومبسوطه وزي القمر تمام كده !!! 
_ هههههه وكمان دمك خفيف 
في سرها جاتك داهيه في تقل دمك
شكرا ده من ذوق حضرتك 
_ لا بقي حضرتك ايه قوليلي يا لولي 
نعم !!! 
_ يا لولي 
وفرحان !! 
_ هو ايه ده اللي فرحان 
لا متاخدش في بالك 
_ طيب ايه هي مواصفات فتي احلامك 
ده سؤال حلو خد عندك يا سيدي 
_ هاتي 
هيهيهي يكون طويل 
_ احم اه وايه تاني 
وشعره اسود غامق وعنده دقن كبيره تكون عيونه سوده ويكون اسمر 
_ يااااه كأنك مش بتوصفيني بالظبط هههه 
اه بالظبط 
_ هو حضرتك مرتبطه 
حضرتك شايف ايه 
_ لا انا مش شايف انا بسألك 
بص كلام في سرك كده انا مرتبطه ببلطجي ولو عرف ان حضرتك جيت اتقدمتلي احتمال يزعلك بس اوعي تقول لحد
طيب يريت حضرتك متقوليلوش وانا هاخد امي وابويا وامشي 
يريييت 
__________________ 
_ هههههههههههههه يا بنت اللعيبه !
ايه رأيك بقي 
_ ايه الدماغ دي يا عم من امتي الذكاء ده !! 
من بدري يختي بس مش عارفه انا في ناس كتير بتتقدملي الفتره دي يا هند وانا مش عارفه اقول لسيف خصوصا بعد الحاډث اللي عمله ماما بدأت تشك 
_ مش هينفع تكلميه الفتره دي فعلا خليه يتحسن شويه وشوفي ظروفه ايه 
مهو انا هعمل كده بس مش عارفه 
_ مش عارفه ايه !! 
متلخبطه يا هند جامد 
_ يا بنتي عادي كلنا حصل معانا كده وربنا هيوفقلك كل اللي تحبه ويكونلك الخير فيه بس انتي متشيليش هم وسيبيها علي الله 
خير ان شاء الله يلا بقي باي علشان نفسي انام والله نكمل كلام بعدين 
_ ومين سمعك انا اكتر منك اوك يلا باي 
باي 
قفلت رحمه من هند وغيرت هدومها وافتكرت ترن علي سيف 
ايوه يا حبيبي عامل ايه 
_ الحمد لله بخير 
بقيت احسن 
_ تعبان والله شويه الحمد لله 
الف سلامه عليكي ايه صوت العياط اللي جنبك ده 
_ دي ماما 
مالها !! 
_ لا لا لا علشان متعور وكده بس 
حست رحمه بنبرة كڈب في صوت سيف وحست ان مش ده السبب 
طيب خد مسكن او اي حاجه 
_ اخدت والله و ... 
قطع صوت سيف صوت امه بعياط 
يا حبيبي ما انا كنت بشتغل لما باباك كان عايش فيها ايه دي يعني وانا .... 
سيف عمل كتم للمكالمه رحمه حست قد ايه ظروف سيف علي قدها وان في حاجه غريبه هي مش فهماها كمان بتحصل دقيقه وسيف رجع المكالمه بس رحمه محبتش تبينله انها سمعت حاجه 
ايه يا حبيبي الشبكه وحشه ولا ايه دوشه
كده وبعدين الصوت فصل ! 
_ اه الشبكه فيها مشكله فعلا 
رحمه حبت تغير الموضوع اتلخبطت ولقيت نفسها بتقوله ماما عايزه تشتري عربيه بس تكون استعمال ايه رأيك انا بقولها تشتري جديد ! 
_ انا عارض عربيتي للبيع لو هي لسه بتتعلم يعني تتعلم عليها الاول وبعد كده تجيب اللي نفسها فيه 
حست رحمه بالۏجع من كلام سيف وسكتت لحظه 
انت هتجيب عربيه جديده ولا ايه ! 
_ هه اه ان شاء الله 
خلاص انا هشوفها وهبقي اكلمك ارتاح انت دلوقتي وهكلمك شويه 
_ تمام يلا سلام 
سلام 
قفلت رحمه وبدأت في العياط علي حال سيف وبدأت تسأل نفسها ايه اللي يخليه يبيع عربيته ايه الظروف اللي هتخلي امه تقرر تنزل تشتغل انا لازم اعرف في ايه واحاول اساعده باللي اقدر عليه احنا كلنا مش لازم نسيبه احنا اللي ليه في الدنيا دي احنا اصحابه وحبايبه انا لازم اكلم هند ونحاول نعرف في ايه ونساعده 
انا مش هسيبه لوحده حتي لو الكل اتخلي عنه ... 
. 
يتبع 
Part 6
نامت رحمه من كتر التفكير اول ما صحيت رنت علي هند علي طول 
ايوه يا هند عامله ايه 
_ تمام يا حبيبتي الحمد انتي اخبارك ايه 
مش تمام خالص 
_ ليه كده يا ساتر يا رب في ايه احكيلي !! 
امبارح بعد ما قفلت منك .. 
_ حصل ايه 
كلمت سيف .. 
_ اه وبعدين 
مامته كانت بټعيط 
_ ما ده الطبيعي يا بنتي واحده ابنها عامل حاډث هتعمل فرح !! 
يا هند افهميني كانت بټعيط وبتقوله انها هتنزل تشتغل مكانه لغاية ما يخف 
_ تشتغل !!! 
اه انا عملت نفسي مسمعتش وحبيت اغير الموضوع وقولتله ان ماما عايزه تشتري عربيه لقيته بيقولي انه عارض عربيته للبيع 
_ بس العربيه دي غاليه عليه قوي لانها بتاعة باباه الله يرحمه غاليه عليهم كلهم !! 
يبقي كده في حاجه وانتي أكدتيلي ان فيه حاجه ضروريه ومش طبيعيه انا اول مره اعرف حوار العربيه ده انتي كده قلقتيني اكتر 
_ مش عارفه بقي انا برضو مش فاهمه حاجه !! طيب مسألتيهوش ليه ايه اللي حاصل معاه 
محبيتش احرجه انا عايزه اساعده من غير ما احرجه ومن غير ما ابينله حاجه 
_ طيب .... بصي هو بيحكي معظم خصوصياته لاحمد وهما شبه مقربين انا هسأل احمد وهكلمك تاني متشيليش هم ان شاء الله خير 
يا رب 
قفلت هند من رحمه ورنت علي احمد وحكتله اللي رحمه حكيتهولها وسألته 
انت تعرف حاجه عن الموضوع ده يا احمد 
_ لا يا حبيبتي هو محكليش اي حاجه تخص ظروفه الماديه او اي حاجه مسبباله خلل في حياته لدرجة ان هو يبيع عربية باباه الله يرحمه 
طيب احنا عايزين نساعده ورحمه عايزه تعرف في ايه علشان تساعده اللي يوصله الي انه يبيع العربيه اكيد هو في ورطه !!
_ بالظبط العربيه دي غاليه جدا علي سيف ومامته ومعتقدش انه سهل عليهم يبيعوها كده 
حاول يا احمد طيب كده تعرف في ايه او ايه الظروف دي قبل ما يبيع العربيه بدل ما يندم علي تصرفه ده 
_ هحاول بس ازاي مامته عايزه تنزل تشتغل وهو بيفكر يبيع العربيه يعني الموضوع كبير ولا صغير !! 
هي عارفه انها لو اشتغلت اكبر راتب هيكون ألفين جنيه في الشهر !! 
اكيد دي وصولات امانه وبتتسدد علي اقساط والاقساط دي مش بتبقي مبلغ كبير لكن هما مش موفرين المبلغ ده وخصوصا ان الدكتور قاله متعملش مجهود لمدة شهرين يبقي هو مزنوق في اقساط شهرين بس