اخيرا هدخل الجامعه واخد حريتي بقلم اسراء جمال

محاضرتك فين إحنا سنة تالتة.
حسيت بالإحراج وحسيت الدكتور أحرجني خرجت وأنا بغلي ڼار قعدت أعيط عالسلم فضلت أرن على رحمة بس مبتردش لحد ما رنت عليا وجتلي على طول أول ما المحاضرة خلصت.
كنت هتطرد من المحاضرة بسبب رنك الكتير إيييه ده بټعيطي كده ليهفيه إيه!
_أنا حضرت محاضرة غلط وإتطردت.
لقيتها بتضحك حسيت وقتها لما اللي منك يجرحك.
حتى إنتي كمان
_ماهو الصراحة الموقف مضحك.
أنا لقيتهم بيجروا حسيت إن لازم أجري معاهم.
رحمة خدتني ودتني المكان اللي فيه محاضرتي التانية.
_متقلقيش أول أسبوع هتلاقي نفسك بتعملي حاجات غريبة كده لا تقلقي إنتي زى الفل.
طلعت المحاضرة المرة دي إتأكدت من بنت جانبي وفعلا طلعت سنة أولى بدأت أكتب المحاضرة وكنت خاېفة أكلم حد معرفش ليه بس كان عندي رهبة كبيرة نزلت إستنيت رحمة لحد ما خلصت ومشينا.
_مالك حاساكي كده متوترة ومخطۏفة!
مش عارفة يا رحمة خاېفة من الناس خاېفة أصاحب حد.
_متقلقيش ده توتر أول أسبوع بس بعد كده مش هعرف أمشي معاكي من كتر ما الناس هتوقفك تسلم عليكي.
مكنتش مقتنعة بكلامها روحنا بس ماما رنت عليا وقالتلي أروح معاها الأول علشان أجيبلها حاجات محتاجاها بس ياريتني ما روحت معاها.
_حضرتك الآنسة رحمة حسين
على حسب.
_أفندم
أيوة أنا بشحمها ولحمها.
_حضرتك طلبتي أوردر وأنا المندوب.
شششش وطي صوتك إنزل تحت قبل ما ماما تفتح.
وعلشان رحمة بنت حلال خالتو كانت فتحت الباب.
_مين
معرفش يا ماما حد بيقول حاجات غريبة عيب تتهموا الناس بالباطل كده على فكرة.
_أيوة مين حضرتك
بنت حضرتك طلبت أوردر كتب وأنا المندوب أنا متأكد من العنوان.
خالتو بصتلها البصة اللي إتأكدت إنها محتاجة معجزة تنقذها بعدها.
_تاني
متصدقيهمش دول مزقوقين عليا.
_الأوردر بكام
هنا بلعت ريقي أنا ورحمة رحمة حاولت تبرق للمندوب تعمل أى حاجة علشان ميقولش قدام خالتو بس منه لله ڤضحها.
ألف جنية.
_ألف عفريت ينططوك يا بعيد ليييه هتطلع نجيب محفوظ بعد ما تقرأهم.
إهدي يا خالتو عيب كده الراجل.
_إسكتي إنتي دورك جاى إنتي كمان.
وبعد مناوشات مع المندوب خد فلوسه وأنا لقيت رحمة بتجري عالسلم
نسيت ورق مهم عند خالتو لازم أرجع أجيبه.
_إطلعي بهدوء وإلا هفضح الدنيا.
ماهو خالتو عندها حق يا رحمة ألف جنية كتب لييه!
_بس يا حقنة.
مش أحسن ما أقولك محتاجين ألف جنية في الكلية وأخدعك جبتهالك على بلاطة علشان أنا ولية صريحة مبقبلش إلا الحلال حتى لو السيف على رقبتي.
_رقبتك دي أنا هقطعهالك.
نسيت أنا كنت جاية أجيب إيه وخدت بعضي وروحت ماما تبقى تيجي تجيب اللي محتاجاه هي رحمة فضلت تستحلفلي علشان مشيت وسيبتها بس العمر مش بعزقة روحت إتقلبت نوم من إرهاق اليوم نمت لحد تاني يوم قابلت رحمة والمرة دي كانت جايبة كتاب من الكتب معاها.
_إنتي جايبة كتب ليه وإنتي وراكي كلية مرضتش أقول كده قدام خالتو علشان الوضع مكنش يسمح.
هقولك نصيحة أدركتها متأخر أوي كنت أتمنى لو حد قالهالي بدري.
_نصيحة إيه
إنتي هدفك مش في إنك تبقي معيدة صح
_لا لا معيدة إيه أنا عاوزة أشتغل برا وأشوف الناس مقعدش أدرس طول عمري مش حاساها ميولي.
مدام كده يبقى هنصحك الدرس اللي إتعلمته أنا كمان ميولي كده علشان كده بقيت أخد وقت للكتب والكورسات جانب الكلية ووقت المواصلات بسمع بودكاست مش معنى ده إن بقصر في الكلية أنا بجيب جيد جدا بس أدركت إن فترة الجامعة كانت أهم فترة في تكوين شخصيتي اللي بيتخرج فاضي معندوش ال skills ولا عنده ثقافة والانجليزي بتاعه زيرو بيلاقي شغل بصعوبة حتى لو جايب امتياز مع مرتبة الشرف أما الشخص اللي

مأمن