بابا وخطيبي
عشان يساعده في كده اللي هو مصطفى بس مصطفى ما يعرفش ان انا اللي خليته يقع قدامه عشان يكشف العيبه الزباله دي
يحيي
مستحيل اللي انت بتقوله ده مستحيل يكون حقيقي
رؤوف بتوتر
ايوه طبعا يا عمي انا مستحيل اعمل كده صدقني الراجل ده جاي يوقع ما بينا عشان لسه بيحب ولاء
عز
بما اني بقيت راجل اعمال ناجح فانا مش بقول اي كلام وخلاص كل كلمه بتطلع مني بتبقى ليها دليل والدليل معايا دلوقتي... طلع ليحيى بيه كل الورق والتسجيلات يا مصطفى خليه يشوف ويسمع عشان يتاكد بنفسه ويعرف هو كان مورط نفسه مع مين
يحيي پصدمه
معقوله انت يا رؤوف اللي تعمل كده ده انا استامنتك على شغلي وبنتي معقوله تعمل فيا كل ده
عز
ما تزعلش مني يا يحيى بيه بس انت اللي كنت السبب فكرت ان الفلوس كل حاجه ونسيت ان الاهم من كل ده ان يكون معاك راجل يقدر يحمي بنتك ويحمي شغلك بجد
يحيي
اطلع بره شركتي وانسى علاقتك ببنتي انا النهارده مش عايزه اشوف وشك تاني فاهم ولا لا!
رؤوف پغضب
ماشي يا عز انت ومصطفى والله لاوريكم
عز بثقة
انسى التهديدات دي يا رؤوف عمرك ما هتقدر في وش عز العلايلي!
طلع رؤوف من الشركه وبعدين بص يحيى لعز بندم
يحيي
انا بجد اسف يا عز اني رفضتك وطردتك من شركتي زمان حسبتها غلط يا ابني يا ريت تسامحني عارف انك كنت بتحب ولاء بجد بس ساعتها انا كانت الفلوس مخليني مش عارف اشوف الصح والغلط قدامي
حصل خير يا عمي انا متاكد ان اللي حصل ده هيكون درس كبير لينا كلنا وعلى فكره انا لسه بحب ولاء لحد دلوقتي
روح يحيى البيت وبعدين اتفاجئ لما لقى بنته واقفه بتبص له پغضب
ولاء
تعال شوف الست اللي انت دخلتها حياتك بعد امي الله يرحمها وفضلتها عليا عملت فيك ايه... طلعت طول الوقت ده مستغفلانه مع رؤوف عشان تكوش على البيت وعلى الشركه
انا سمعتها امبارح وهي بتكلم رؤوف
وكنت ناويه اقول لك لما تيجي من الشغل بس اڼصدمت من شوي
منال بدموع
سامحني يا يحيى عشان خاطري
يحيي پغضب
اخرسي انا مش عايز اشوف وشك تاني والنهارده لازم تمضي على تنازل بيع البيت ده
وفعلا مضت منال على تنازل واتطلقت من يحيى وبعد شهر اتقدم عز ولاء اللي ربنا عوضها بيه
النهاية
