قصه الدكتور هاني الناظر

هحكي لكم قصة لدكتور هاني الناظر من أكتر القصص المؤثرة في حياته، ولعلها تفيد ناس كتير..

كان رحمه الله مش حافظ من القرآن الا الفاتحة وكام سورة من السور القصيرة... لكنه كان دايما يردد قول الله تعالى ”قل لن يصيبنا إلا ما كتب الله لنا” في حياته عامة..

في مرة من المرات كنت قاعد معاه وبنتكلم وقالها،
قلت له انت عارف الآية دي في سورة إيه؟

قال لي لا، بس المهم معناها..
قلت له صح طبعا، عامة هي في سورة التوبة، وباقي الآية ”هو مولانا وعلى الله فليتوكل المؤمنون”
عجبته جدا، لأنها تكملة لنفس المعنى اللي هو بيردده...
بعدها بكم يوم كنا بنتكلم، لقيته راح قايل الآية كلها، فاستغربت، ابتسم كده في فخر وقال لي انا حفظتها، وكان مبسوط جدا..

ومن يومها كان دايما بيرددها كلها للآخر في تقريبا اي موقف يحصل معاه..

في أواخر فترة تعبه، كان فاقد الوعي بقاله فترة طويلة، وفي يوم كنت جنبه أنا وأمي لقيناه فاق، وبدأ يتكلم معانا خفيف..
وبعدين قال لنا بصو ”قل لن يصيبنا إلا ما كتب الله لنا، هو مولانا وعلى الله فليتوكل المؤمنون”، سيبوني انام شوية وماتعملوش صوت عشان اعرف انام..

نام، ودخل في غيبوبة ومافاقش لحد ما حصلت الۏفاة ، وكانت دي آخر حاجة قالها في حياته...

الإنسان لما بيعيش بشيئ، بېموت عليه..
رحم الله الدكتور هاني الناظر وغفر له.