((نفسك تحقق اي اجوزك ))
اكل ياحبيبتي
كل الاكل اللي بتحبيه
قلبي اتنفض وبلعت ريقي وانا بسحب ايدي بابتسامه مهزوزه
ش شكرا بس انا مش جعانه
لا بقي ازاي ده انتي كنتي تعبانه وبقالك كتير مأكلتيش
اتنهدت وانا ببصله بهدوء ومن غير ما انطق حرف
اصل في الحقيقه انا كان جوايا صراع وحيره مبتنتهيش
قلبي بيقولي أن في حاجه غلط
باين عليه بيحبني
لمعه عيونه وهو بيتكلم
أيده اللي بتترعش وهي ماسكه ايدي
لكن برضو لازم اتأكد
لازم اعرف ايه اللي حصل بالتفصيل
انتي كويسه ياحبيبتي
انا هنا من أمتي
ملامحه اتوترت ورد بابتسامه مهزوزه
مش وقته ياحبيبتي دلوقتي ا....
قاطعته بأصرار
انا كويسه و عايزه اعرف كل حاجه لو سمحت
كل حاجه
اتنهد ورد بهدوء
انا وانتي متجوزين من سنه
فين اهلي
في الصعيد
واهلك
ابتسم ورد بكذب
اهلي هما اهلك
ازاي
انا وانتي ولاد عم
متجوزين عن حب !
طبعا
اتوترت وانا ببلع ريقي وببص في كل الاتجاهات ماعدا عيونه
ا انا
انتي ايه
ه هو محدش من اهلي عرف اني تعبانه
ازاي يعني محدش بيكلمني
لا هما كلموكي كتير جدا بس انا مرضتش اعرفهم
طب ليه
عشان مش حابب أقلق حد عليكي انتي كويسه اهو
سكتت لحظه وانا ببصله بحيره
بس انا كنت تعبانه جدا وممكن كنت روحت فيها و....
حط أيده علي بوقي بلهفه
هششش بعد الشړ عليكي ياحبيبتي متقوليش كده
شيلت أيده من علي بوقي وسألته بفضول اكبر
اتوتر وهو بيفرك أيده وبيبص في مكان بعيد عن عيني
ب بحكم شغلي يعني وكده
قفلت عيني نص قفله وسألته بشك
انت شغال ايه
محاسب في شركه هنا
وانا
انتي ايه
انا وضعي ايه بشتغل ولا لا بدرس عندنا عيال !!
هز رأسه بابتسامه مريبه
انتي ست بيت قد الدنيا
انا هفضل كده كتير
متقلقيش ياحبيبتي هتكوني بخير
السواق حالته ايه
سواق مين
السواق اللي كان معايا
اااه ل لا ي يعني حالته كويسه
رديت بشك
بس الممرضه قالتلي أنه تعبان
هو انت متعرفش حد من أهله
هه ل لا معرفش
ازاي يعني
زي الناس هو وحيد
تفتكر ممكن ېموت
رد بانفعال
في داهيه
وانتي زعلانه عليه ليه
مش زعلانه بس ب بس
بس ايه
يعني ده بني آدم !
رد بلا مبالاه
المهم أنتي دلوقتي
هو انا ممكن اخرج أمتي
الدكتور قالي يومين وممكن تخرج
بجد
بجد
هو انا ممكن اطلب منك طلب
اكيد
ممكن اكلم حد من أهلي
حاول يتوه الموضوع وقام فتح كيسه من الاكياس وهو بيقولي بتوتر
جبتلك بقي فته سوري من اللي انتي بتحبيها
بصيتله وبصيت للمعلقه بشرود
والشك كل ثانيه يزيد جوايا !
زقيت أيده بهدوء وانا بعيد كلامي مره تانيه
انا عايزه اكلم حد من أهلي لو سمحت
حط المعلقه في العلبه وهو بيتنهد بضيق
انتي تعبانه يا ريماس
انا كويسه محتاجه أكلم حد من أهلي عشان اتطمن
مسك ايدي وبص في عيوني وهو بيسألني بحزن مزيف
وانا مش كفايه عشان تتطمني
هزيت راسي بنفي ورديت بعقلانيه
لا مش كفايه انا صحيت فجأه لقيت نفسي متجوزه
انا مش فاكره اي حاجه ومش هقدر اثق فيك
واظن من حقي اتطمن اي حد مكاني هيعمل كده !
من حقك تتطمني اكيد
سكت لحظه وبعدها قام وقف وهو بيقولي بجديه وثقه
خمس دقايق والدليل هيكون عندك
رفعت حاجبي باستغراب
هتعمل ايه
ابتسم بثقه وهو بيروح نحيه الباب
هتعرفي كل حاجه
خرج وفضلت لوحدي
كنت حاسه اني عامله زي العيل الصغير
كنت تايهه مش فاكره اي حاجه
مش قادره
احدد اذا كان سيفده طيب ولا شرير
اصل في ناس بتقدر تزيف مشاعرها بشكل ميتوصفش!
في ناس قادره تبينلك قد ايه هي بتحبك وبتحبلك الخير لكن من جواهم عكس كده تماما
جواهم شړ وآذي لدرجه انه لما بيظهر بنتصدم
بنسأل نفسنا بكل حيره وذهول
ازاي ممكن انسان يقدر يزيف مشاعره بالاتقان ده
ازاي الشخص ده يطلع منه
كل الشړ ده !!!!!!!!
باب الاوضه خبط
ومن بعدها
دخلت الممرضه وملامحها باين عليها الفرحه
السواق اللي كان معاكي فاق
رديت بلهفه
بجد
اه
طب طب ارجوكي ا اجوكي توديني عنده
فركت ايديها بتوتر
بس
ارجوووكي ساعديني
طيب طيب ثوانى
شويه وبعد ما قدرت الممرضه تخليني اخرج من الأوضه
كنت قاعده علي كرسي متحرك قدام الاوضه بتاعته
خبطت وقلبي بيدق بشكل مضطرب وفي الحقيقه مكنتش فاهمه احساسي وقتها !
متوتره خاېفه ملهوفه متطمنه
كانت احاسيس ومشاعر متلغبطه
سمعت صوته بيسمحلي ادخل بنبره كلها تعب
زقيت الباب ودخلت والممرضه بتدفع الكرسي لقدام.....
اول ما شافني ابتسم وهو بيبصلي بلهفه
ريماس !
ابتسمت بهدوء والممرضه بتثبت الكرسي قدام السرير بتاعه
حمد لله علي سلامتك
انتي كويسه
استغربت لهفته وانا ببتسم
انا بخير الحمد لله
بصلي باستغراب
متأكده
اه انت كويس
قفل عينه نص قفله بشك
انا ليه حاسس انك مش بخير!
انتي فايقه تعرفي انا مين
بلعت ريقي وانا ببصله بأسف
السواق بتاعي اللي كان معايا يوم الحاډثه
رد بأنفعال وتشنج
سواق مين انا مؤمن خطيبك !!
ريماس انتي هنا
بصله مؤمن بغيظ وهو بيجز علي أسنانه
انت ايه اللي جابك هنا
جاي اخد مراتي
مراتك انت اټجننت ولا ايه هي عشان فاقده الذاكره بتضحك عليها
بصلي برجاء
ريماس حبيبتي اوعي تصدقي أنا خطيبك
لا ياريماس انا اللي جوزك
انا خطيبك
انا جوزك
بسسسسسسسس كفااااايه
يتبع
حبيبي_الاول
إيمان_شلبي البارت الثاني بقلمي إيمان شلبي
ملحوظه في آخر البارت الاول المفروض يقولها انا سيف مش مؤمن اعذروني انا اتلغبطت
