ازاي تخليها معاك وانت ما تعرفش هي تبقى مين

شاف بنت داخله وقفها وهوا بيقول بو سمحتي يا انسه في بنت جوا ممكن بس تشوفيها علشان اتاخرت..
البنت بصت ليونس من فوق لتحت باعجاب وهزت راسها ودخلت علشان تشوف روح.. 
كانت روح واقفه في جنب وهيا ساكته فقربت منها البنت دي وقالت انتي كويسه .. 
روح بصتلها وحركت راسها بمعني ايوا فالبنت كملت كلامها وقالت في شاب برا بيسال عليكي وقلقان طلب مني اطمن عليكي.. 

روح رفعت راسها وقالت بالاشاره هو كان لوحده .. 
البنت بصتلها وهيا بتحاول تفهمها وقالت انا اسفه ليكي بس انا مش فاهمه قصدك خالص بس لو انتي كويسه اخرجي للشاب اللي برا علشان واقف برا قلقان عليكي ...بقلمي شيماء صبحي 
روح هزت راسها والبنات بعدت عنها وبدات تغسل ايديها وروح عدلت هدومها وخرجت واول مشافت يونس بصت في الارض بخجل .. 
يونس اتضايق من زعلها لان ناديه غلست عليها فقرب منها وقال انتي كويسه يا روح..! 
روح حركت راسها بايوا وهوا قال لو متضايقه من المكان خلينا نمشي 
يونس قرب منها ومسك ايديه وقال روح ردي عليا مټخافيش خلينا نمشي من هنا.. 
روح بصتله وهزت راسها وهوا راح للطرابيزه وبلغ عماد انهم هيمشوا علشان روح تعبانه شويه ومحتاجة ترتاح .. 
عماد وقف بقلق وقال خير يا يونس هيا مالها.. يونس وقفه بايديه وقال لا خليك انت انا هاخدها ونمشي المهم دلوقت انا عايز اكون معاك في المهمه دي علشان منصور دا انا لازم قبض عليه بنفسي.. 
عماد حرك راسه ويونس سابه ومشي ومسك ايد روح وخرجوا من المطعم ..
ناديه واصحابها كانوا متابعين يونس والبنت اللي معاه وناديه اول مشافتهم خرجوا سابت اصحابها من غير اي كلمه ومشيت وراهم وقفت تبص عليهم وشافت يونس وهوا بيفتح الباب لروح وبيبتسملها اتغاظت جدا من البنت اللي معاه وفهمت انها مش مجرد بنت جارة ماجده زي مقالتلها وان في علاقه بينها وبين يونس ..
يونس اتحرك بالعربيه وناديه ركبت عربيتها ومشيت وراهم .. 
يونس بص لروح ومسك ايديها وهو بيطمنها وبيقول روح اهدي بق مټخافيش وبعدين هيا ناديه كدا طول عمرها اسلوبها مش حلو وانا اسف اني سيبتها تبصلك كدا من غير ما اخدلك حقك.. 
روح ضمت حاجبها وقالت بالاشاره انا مش زعلانه انا كويسه.. 
يونس رفع حاجبه وقال بجد والله طيب وضمت حواجبك دي ايه.. 
روح حركت راسها وهيا بتقول بخجل انا كدا 
يونس ابتسم وقال اي رئيك اخدك في مكان تغيري جو..
روح بصتله وقالت بفرحه بجد.. 
يونس حرك راسه بابتسامه وقال اكيد طبعا .. قوليلي بق نفسك تروحي فين.. 
روح حطت صوبعاها علي دماغها وهيا بتفكر وبعدها بصتله وقالت بالاشاره..عايزه اروح الملاهي .. 
يونس ضم عينه وهوا باصصلها وهيا ضحكت علي شكله ومسكت تلفونه وادتهوله وهوا فهم قصدها وفتحه واداهولها علشان تكتب اللي هيا عايزاه.. 
روح كتبت انا عايزه اروح الملاهي ..
يونس قرأ كلامها وهز راسه وقال بس كدا دنتي تؤمري.. 
روح خجلت وهزت راسها وهوا قال انا هاخدك لملاهي حلوه فيها العاب كتير وهتعجبك اوي..
روح هزت راسها وهوا غير اتجاه الطريق وكل دا وناديه ماشيه وراهم..
وصل يونس عند ملاهي كبيره ووقف بالعربيه ونزل هو الاول وفتح لروح العربيه وفكلها حزام الامان وبعدها مسك ايديها وخرجها ..
روح كانت فرحانه لانها لاول مره هتجرب الملاهي اللي كان نفسها تشوفها من سنين 
يونس دخل وروح ماسكه في ايديه واول حاجه روح شاورت عليها هيا نوع من انواع الالعاب الخطيره.. 
يونس بصلها وضم حاجبه وقال بس دي خطړة اوي يا روح هتخافي.. 
روح حركت راسها بلا وشاورتله انها مبتخافش 
يونس هز راسه بالموافقه وراح علشان يشتريلها تذكره روح شاورت عليه ..يونس قرب منها وهو بيقول خير يا روح غيرتي رئيك.. روح هزت راسها بلا وشاورت عليه وقالت مش هتركب معايا.. 
يونس قال قصدك اني هركب معاكي.. 
روح ابتسمت بحماس وحركت راسها وهوا فضل يبصلها ومش عارف يقولها ايه هو ظابط وليه كاريزمته معقول هيركب لعبة زي دي .. 
روح فضلت بصاله وهو لما لقاها مصره هز راسه وقطع تذكرتين للعبة دي ودخلوا هما الاتنين وركبوها واول ما اللعبه اتحركت بدات روح تحس بسرعات قلبها بتزداد ولانها مبتتكلمش بقالها كتير مكنتش عارفه تعبر عن خۏفها فمسكت جامد في ايد يونس وهوا لما بصلها لاقاها ضغطة جامد علي ايده ومغمضة عينيها .. 
فضل يضحك علي حركتها وهوا بيبص علي الارض لاحظ ناديه واقفه وبتبص عليه وهيا متضايقه .. يونس بص لنفسه واستغرب اللي هوا بيعمله دي اول مره يركب فيها لعبة زي دي روح لاحظت انه مكشر فشاورتله وهيا بتضحك وهوا ابتسم ولما جه يبص تاني علي ناديه لقاها مش موجوده وشاف عربيتها وهيا ماشيه 
يونس اتنهد بضيق وفضل يبتسم لروح لحدما الجوله انتهت ونزلوا من علي اللعبه.. 
يونس بص لروح وقال حابه تجربي حاجه تانيه.. 
روح بصتله بتفكير وهزت راسها وكتبتله بين الړعب عبير دايما بتحكيله عنه وبتقول انه مرعب بس انا مش هخاف علشان انت معايا.. 
يونس كان بيفكر ياخدها ويمشوا ولاكن لما قرأ كلامها رجع في كلامه وهز راسه وراح اشتري تذكرتين لبيت الړعب ودخلوا.. 
روح بصت ليونس بړعب وهوا كان ماسك ايديها جامد علشان يطمنها ولاكنها اول مشافت شكل الدميه المخيفه بتقرب عليها فضلت تصوت وهيا بتنده باسمه وبتقول الحقني يا يونس 
يونس بصلها پصدمه وهوا مش قادر يستوعب انها بتصرخ وبتنده باسمه فقال پصدمه روح انتي اتكلمتي دلوقت .. يتبع بقلمي شيماء صبحي 
الفصل الثامن 
نوڤيلاجعلتني أقوي
بقلمشيماءصبحي
بصت ليونس بړعب وهوا كان ماسك ايديها جامد علشان يطمنها ولاكنها اول مشافت شكل الدميه المخيفه بتقرب عليها فضلت تصوت وهيا بتنده باسمه وبتقول الحقني يا
يونس... 
يونس بصلها پصدمه وهوا مش قادر يستوعب انها بتصرخ وبتنده باسمه فقال پصدمه روح انتي اتكلمتي دلوقت..
روح فضلت ماسكه ف هدومه جامد وهيا خاېفه ولاكنها لما استوعبت انها اتكلمت بصتله وهيا مصدومه..! 
يونس مسك ايديها وهو بيحاول يهديها علشان يقدروا يخرجوا من المكان دا
وقدروا فعلا بعد وقت يخرجوا ..روح اول مخرجت اخدت نفس طويل وهيا بتحاول تستوعب انها اتكلمت ..بصت ليونس اللي كان مركز معاها ومستنيها تقول ايه حاجه.. 
روح قربت منه
وهيا بتشاورله انهم يمشوا لانها مقدرتش تتكلم تاني .. 
يونس استغرب حالتها وازاي قدرت تتكلم وتنطق اسمه رغم انها المفروض مبتتكلمش وازاي دلوقت بعدما صړخت واتكلمت مش قادره تتكلم تاني ..
روح مسكت في ايديه وشاورتله علي البوابه علشان يخرجوا من الملاهي وهوا هز راسه وخرجوا.. 
اول ما ركبوا العربيه يونس بصلها وقال روح انتي اتكلمتي ازاي
روح بصتله وهيا مش مستوعبه انها اتكلمت وحاولت انها تستجمع قوتها وتحاول تتكلم وترد عليه ولاكنها مقدرتش..
كان يونس مركز معاها وشايفها وهيا بتحاول تتكلم ولاحظ انها مش قادره تتكلم تاني فقرب من ايديها وهوا بيطمنها .. وروح حركت راسها بحزن وشاورتله انها مش قادره تتكلم تاني او تصدر اي صوت .. يونس حرك راسه بابتسامه وسألها.. 
هو انتي كنتي بتتكلمي قبل كده ولا دي اول مرت ..! 
روح هزت راسها وشاورتله انها كانت بتتكلم فعلا بس لما كان عندها 10سنين قبل الحاډثه اللي عملتها..
يونس