كنت في ثالثه كليه لما تقدملي زوجي
السلام عليكم ورحمه الله وبركاته
هحكي لكم اصعب ما مريت بيه لعل أحدكم بيكر بده وتبقي #لصاحب_نصيبها
كنت في تالتة كلية لما اتقدم لي زوجي واول ما اتقدم الكل شاف فيه الشاب اللي على خلق ودين، وتمت الموافقة بالفعل وطلب ساعتها من بابا أن نكتب الكتاب، الكل رفض وازاي ومينفعش بس أبي سألني وحسيته راضي فأستخرت ربنا
سبحان الله شفت نفسي في مكان جميل أخضر وزوجي بيردد القرآن الكريم بصوت جميل مبهج وصحيت مقررة أوافق
بالفعل كتبنا الكتاب وسط دهشة من الكل، وبعد شهرين بس تزوجنا وسط اعتراض من الكل ما عدا والداي
اتجوزنا وعدي على جوازنا ست شهور تعبت والكل كان اني حامل 🙂 رحت اكشف مطلعش حمل بل اكتشفت اني عندي مشكلة في الرحم ومش هخلف ومن هنا بدأت مرحلة صع.بة جدا من حياتي ما بين ۏجعي وحزني وما بين الرضا والصبر وفي كل ركعة اقول يارب وبس في الوقت الأهل عرفوا وطبعا أهلي توقعوا أن أهل زوجي يقولوا له فترة واتجوز وده حقك بس والدته قالت لي بالنص "انت بنتي متزعليش وده قضاء ربنا ولازم كلنا نرضي" وزوجي قالي كفاية عليا انتي يعني اصلا هعوز اي اكتر من أن حبيبتي حافظة لكتاب الله 🥺❤️
مرت اربع سنين ميأستش من رحمة ربنا وفي يوم وانا في عز تعبي وكنت مروحة من الشغل مرهقة واحدة قالت لي سيبي جوزك يتجوز ويشوف حاله وحرام تحرميه يكون اب بلاش أنانية 💔
عيطت في الشارع ومشيت طول الطريق زعلانة من الكلام معقول انا أنانية ؟ معقول حرام عليا وهتحاسب معقول يكون نفسه اصلا وخائڤ يقول عشان مزعلش حاجات كتير فكرت بيها وبدل ما اروح بيتي روحت عند والداتي وقررت اني هسيب جوزي يشوف حياته وفي اليوم ده قابلت ابن جارتنا بلال وقالي بحماس انا حلمت أنك شايلة بنت جميلة خالص وبتقولي أنها عائش بنتك 🥺♥️
ضحكت بس بعدها أنهارت من العيط ودخلت انام علطول تاني يوم تعبت جدا وروحت اكشف طلع عندي انيميا شديدة وبعدها تعبت اكتر وجوزي كل ما يقولي نرجع بيتنا أقوله عايزة ماما وهكذا اسبوعين لحد ما ذاد التعب وروحت اكشف اكتشف اني حامل في شهر ونص😭 كانت حقيقي فرحة عمري ومن يومين بس بقيت في السابع والأميرة عائش هتنورني قريب هي والأمير نوح
ربنا كرمني بتوأم ❤️ حقيقي كل ما افكر اكتشف أن في أول جوازي كنت طالبة وبعدها اتخرجت علي شغل ومكنتش قد مسؤلية زوجي لدحدي مع دراستي وغيرها كان جوزي بيمر بمشاكل في شغله يعني وقتها مكناش جاهزين نكون اب وام ونربي طفل سوي لكن حاليا الحمدلله حياتنا مستقرة وجاهزين نكون قد الأمانة ♥️
افتكروا دائما
﴿إني جزيتهم اليوم بما صبروا﴾ 💛
اوعوا تيأسوا .. اصبروا .. ادعوا .. تيقنوا ❤️❤️
أن منعت منعت لخير فما لك لن يكون لغيرك وما لغيرك لن يكون لك هي أرزاق
منقول
